ជនរងគ្រោះទុកម៉ូតូនៅមុខផ្ទះដោយពុំបានដកសោចេញ ត្រូវជនសង្ស័យ៣នាក់លួចយកទៅបាត់ , នគរបាលខណ្ឌប្ញស្សីកែវ ស្រាវជ្រាវឃាត់ខ្លួនសង្ស័យបានម្នាក់

ភ្នំពេញ ៖ នគរបាលខណ្ឌប្ញស្សីកែវ ឃាត់ខ្លួនសង្ស័យលួចម៉ូតូម្នាក់ នីសង្កាត់ច្រាំងចំរេះទី១ នៅថ្ងៃទី១៥ ខែកក្តដា ឆ្នាំ២០២៣ វេលាម៉ោង១៨និង៣០នាទី ចំណុចផ្ទះលេខ១២A ផ្លូវលេខ២១០ ក្រុមទី៤ភូមិ៤សង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ។

ជនរងគ្រោះឈ្មោះ សឹង ចាន់ធី ភេទស្រី អាយុ៥៣ឆាំ្ន មានទីលំនៅផ្ទះលេខ១២A ផ្លូវលេខ ២១០ ភូមិ៤សងា្កត់ច្រាំងចំរេះ១ ខណ្ឌឬស្សីកែវរាជធានីភ្នំពេញ។មុខរបរ លក់ដូរ ។

លោក ហ៊ាង ថារ៉េត អធិការខណ្ឌប្ញស្សីកែវ បានអោយដឹងថា ជនសង្ស័យមានឈ្មោះ ហុក ប៊ុនធាភេទប្រុស អាយុ៣១ឆ្នាំ មុខរបរ មិនពិតប្រាកដ មានទីលំនៅភូមិស្វាយប៉ាក ផ្លូវ៥ សង្កាត់ស្វាយប៉ាកខណ្ឌឬស្សីកែវ រាជធានីភ្នំពេញ។(មានសារធាតុញៀន។ សម្ភារៈបាត់បង់ ម៉ូតូចំនួន០១គ្រឿង ស្កូបពីពណ៍ក្រហមលេខភ្នំពេញ១HQ៨១០៥។

សមត្ថកិច្ចបញ្ជាក់ថា នៅថ្ងៃខែឆ្នាំខាងលើ ជនរងគ្រោះបានទុកម៉ូតូនៅមុខផ្ទះដោយពុំបានដកសោម៉ូតូទេ ពេលនោះជនសង្ស័យមានគ្នា៣នាក់ ជិះម៉ូតូស្កូបពីពណ៍ខ្មៅតាមផ្លូវ១០០៣ជនសង្ស័យឈ្មោះហ៊ុក ប៊ុនធាបានចុះពីម៉ូតូមិត្តភក្តិដើរចូលបុរិវិមានភ្នំពេញ ហើយបានឃើញម៉ូតូស្កូបពីពណ៍ក្រហម០១គ្រឿង មានសោជាប់នៅនិងម៉ូតូខ្លួនបានធ្វើសកម្មភាពលួចជិះចេញមកក្រៅបុរីវិមានភ្នំពេញ មកដល់កន្លែងសន្តិសុខយាម ជនសង្ស័យបានដួលម៉ូតូ សន្តិសុខបានជួយលើកម៉ូតូមហើយជនសង្ស័យបានជិះម៉ូតូនោះ ទៅលក់នៅឃ្លាំងរំសែវ បានប្រាក់ចំនួន៣០០,$ (បីរយដុល្លារ) យកមកចែកគ្នាបីនាក់ក្នុងម្នាក់បាន១០០$(មួយរយដុល្លារ)។

ក្រោយពីបានទទួលពាក្សបណ្តឹងពីជនរងគ្រោះ កម្លាំងប៉ុស្តិ៍ និងកម្លាំងជំនាញខណ្ឌ បានចុះស្រាវជ្រាវ តាមរយៈកាំមេរ៉ា ក្នុងបុរី បានស្គាល់អត្តសញ្ញាណជនសង្ស័យ លុះនៅថ្ងៃទី២៩ ខែកក្កដា ឆ្នាំ២០២៣ វេលាម៉ោង០០និង១៥នាទី កំលាំងល្បាតឃើញជនសង្ស័យ បានឃាត់យកមកសាកសួរ នៅប៉ុស្តិ៍ជនសង្ស័យបានសារភាពថា ខ្លួនពិតជាធ្វើសកម្មភាពលួចម៉ូតូស្កូបពីនៅបុរីវិមានភ្នំពេញ ពិតប្រាកដមែន និងបានកសាងសំណុំរឿងបញ្ជូនទៅអធិការដើម្បីធ្វើតាមនិតិវិធី។

នៅថ្ងៃទី២៩ ខែកក្កដា ឆ្នាំ២០២៣ វេលាម៉ោង ១៦ កម្លាំងផ្នែកជំនាញ និងប៉ុស្តិ៍ ជាមួយគណៈបញ្ជាការឯកភាពសង្កាត់ ចុះដកហូតម៉ូតូស្កុបពីពណ៌ទឹកបិច 1kE5016 លេខតួ លេខម៉ាស៊ីន0430p5383354 នៅផ្ទះលេខ២៩៩៩ ផ្លូវបេតុង ក្រុម២ ភូមិក សង្កាត់ច្រាំចំរេះ២ ខណ្ឌឫស្សីកែវ។ ឃាត់ខ្លួនមុខសញ្ញាលួចម៉ូតូបន្ថែមម្នាក់ទៀត ឈ្មោះ ហាំ សានី ភេទប្រុស អាយុ៣២ឆ្នាំ មុខគ្មាន ប្រើប្រាស់គ្រឿងញៀន ។ ដកហូតម៉្សៅក្រាមសថ្លា សង្ស័យគ្រឿងញៀននិងម៉ូតូធ្វើសកម្មភាពខាងលើ រក្សាទុកកសាងសំណុំរឿងបញ្ជូនទៅតុលារការ ៕