ពិតជាព្រៃផ្សៃមែន ឱពុកបង្កើតរំលោភកូនស្រីខ្លួនឯងបង្កើត ដល់ទៅពីរនាក់ ចានសំរេចជាច្រើនដងថែមទៀតផង??
កំពង់ចាម៖ នៅថ្ងៃទី២៧.១១.២០២១ វេលាម៉ោង១០.៣០ នាទី មានករណី រំលោភសេពសន្ថវៈ (កូនស្រីបង្កើតចំនួន០២នាក់) និង ករណីប៉ុនប៉ងរំលោភសេពសន្ថវៈ (កូនស្រីបង្កើត ចំនួន០១នាក់) ស្ថិតក្នុងភូមិទី៩ ឃុំព្រែកតានង់ ស្រុកកោះសូទិន ខេត្តកំពង់ចាម។
លោក អោយ សេងបាន មេភូមិទី៩ ក្រោយពីទទួលព័ត៌ មាន ថាមានករណីខាងលើ ក៏បានរាយការណ៍ទៅ លោកមេប៉ុស្តិ៍នគរបាលរដ្ឋបាលព្រែកតានង់ ថាមានករណីរំលោភសេពសន្ថវៈ និងករណីប៉ុនប៉ងរំលោកភសេពសន្ថវៈ (លើកូនស្រីបង្កើតរបស់ខ្លួន) នៅចំណុចកើតហេតុខាងលើ។
ជនរងគ្រោះ ចំនួន០៣នាក់ ទី១/ឈ្មោះហ៊ុន ស្រីធំ ភេទស្រី អាយុ១៦ឆ្នាំ ជនជាតិខ្មែរ ទី២/ឈ្មោះហ៊ុន ស្រីតូច ភេទស្រី អាយុ១៦ឆ្នាំ ជនជាតិខ្មែរ(ទាំងពីរនាក់ ជាបងប្អូនភ្លោះ)ទី៣/ឈ្មោះហ៊ុន ស្រីទាង ភេទស្រី អាយុ១១ឆ្នាំ ជនជាតិខ្មែរ ទាំងបីនាក់ មានទីលំនៅភូមិទី៩ ឃុំព្រែកតានង់ ស្រុកកោះសូទិន ខេត្តកំពង់ចាម។
ជនសង្ស័យឈ្មោះ ហោ ចាន់ ភេទប្រុស អាយុ៤៦ឆ្នាំ ជនជាតិខ្មែរ (ត្រូវជាឪពុកបង្កើត) មានទីលំនៅភូមិទី៩ ឃុំព្រែកតានង់ ស្រុកកោះសូទិន ខេត្តកំពង់ចាម។
អំពីដំណើរ នៃរឿងហេតុ នៅអំឡុងឆ្នាំ២០១៩ មក ជន សង្ស័យឈ្មោះ ហោ ចាន់ ភេទប្រុសអាយុ ៤២ឆ្នាំជនជាតិខ្មែរ (ត្រូវជាឪពុកបង្កើត)បានធ្វើសកម្មភាពរំលោភសេព សន្ថវៈ ទៅលើកូនស្រីឈ្មោះហុន ស្រីតូច អាយុ១៦ឆ្នាំ (បើគិតពីពេលនោះមកដល់បច្ចុប្បន្ន បានប្រហែល ជា ១០ដងហើយ) ប្រព្រឹត្តសកម្មភាពនៅលើផ្ទះ ពេលប្រពន្ធមិននៅទៅធ្វើការសុីឈ្នួលឱ្យគេ។
នៅអំឡុងឆ្នាំ២០២០ ជនសង្ស័យ បានប្រព្រឹត្តសកម្មភាពរំលោភសេពសន្ថវៈលើកូនស្រីឈ្មោះហុន ស្រីធំ (បានចំនួន០១ដងទៀត) នៅលើផ្ទះ ពេលប្រពន្ធមិននៅទៅធ្វើការសុីឈ្នួលឱ្យគេ។
នៅថ្ងៃទី២៧.១១.២០២១ វេលាម៉ោងប្រហែល១០ ជនសង្ស័យ បានលួងកូនស្រីឈ្មោះហុន ស្រីទាំង អាយុ ១១ឆ្នាំ ឱ្យឡើងលើផ្ទះបត់ភួយ ហើយជនសង្ស័យ បានលួងលោមកូនស្រីដើម្បីរួមភេទថា៖(ឱ្យប៉ាសុំមួយ)តែកូនស្រីប្រកែកមិនព្រម ហើយរត់គេចខ្លួនទៅរកម្តាយឱ្យជួយ កន្លងមកជនសង្ស័យ ធ្លាប់លួងលោមចាប់អង្អែលប្រដាប់ភេទកូនស្រីរូបនេះជារៀងរហូតផងដែរ។
ក្រោយពីទទួលបានព័ត៌មានភ្លាម វរសេនីយ៍ឯក អុឹម ឃឿន អធិការនគរបាលស្រុកកោះសូទិន បានដឹកនាំកម្លាំងជំនាញ នៃអធិការដ្ឋាន កម្លាំងប៉ុស្តីនគរបាលរដ្ឋាបាលព្រែកតានង់ ចុះដល់កន្លែងកើតហេតុ និងបាននាំខ្លួនជនសង្ស័យឈ្មោះហោ ចាន់ មកអធិការដ្ឋាននគរបាលស្រុកកោះសូទិន ដើម្បីសាកសួរ។
ជនសង្ស័យឈ្មោះហោ ចាន់ បានសារភាពថា ខ្លួនពិតជាបានប្រព្រឹត្តសកម្មភាព រំលោភសេពសន្ថវៈកូនស្រីបង្កើតរបស់ខ្លួន ពិតប្រាកដមែន។
ឯកឧត្តម វង្ស ប៊ុនវិសុទ្ធ ព្រះរាជអាជ្ញា នៃអយ្យ ការអមសាលាដំបូងខេត្តកំពង់ចាម បានបញ្ជាតាមរយៈទូរសព្ទ័លេខ ០៨៩ ៦១១ ៦១១ អនុញ្ញាតឱ្យ ឃាត់ខ្លួនជនសង្ស័យ ឈ្មោះហោ ចាន់ ដើម្បីចងក្រងសំណុំរឿងតាមនីតិវិធី។
