នៅព្រឹកថ្ងៃសៅរ៍ ទី៨ ខែមិថុនា ឆ្នាំ២០២៤ ឯកឧត្តម អ៊ុន ចាន់ដា អភិបាលខេត្តកំពង់ចាម

 និងជាប្រធានគណៈកម្មាធិការសាខា កាកបាទក្រហមខេត្ត និងសមាជិក សមាជិកាគណៈកម្មាធិការសាខា រួមជាមួយព្រះវត្តមាន ព្រះបាឡាត់គណ ព្រះមន្ត្រីសង្ឃនៃសាលាគណខេត្ត អនុសាខាស្រុក បាននិមន្ត និងអញ្ជើញ  ចុះប្រគល់ផ្ទះបន្ទាប់ទី១៩ ជាកម្មវិធីផ្ទះមនុស្សធម៌ខេត្ត ក្រោមកិច្ចសហការរវាងសាខាខេត្ត សាលាគណ និងការផ្តល់ថវិកាបដិភាគពីក្រុមការងារចុះជួយឃុំអង្គរបាន ជូនលោកយាយគ្មានទីពឹងម្នាក់ ឈ្មោះ ប៊ន់ សេងងួន អាយុ ៧២ឆ្នាំ  រស់នៅ ភូមិអង្គរបានទី៧ ឃុំអង្គរបាន ស្រុកកងមាស។

គួររំលឹកថា លោកយាយ ប៊ន់ សេងងួន ជាចាស់ជរាទុរគត រស់ ហើយស្នាក់នៅក្រោមផ្ទះអ្នកជិតខាងយ៉ាងកំសត់តែ២នាក់ ចៅប្រុស ១នាក់ ដែលឪពុកម្តាយគេ បានធ្វើចំណាកស្រុកក្រៅខេត្ត ។ មិនត្រឹមតែគ្មានមុខរបរអ្វីចិញ្ចឹមជីវិតទេ តែដូនចាស់ម្នាក់នេះមានទាំងជំងឺប្រចាំកាយ សព្វថ្ងៃរស់នៅពឹងអាស្រ័យតែលើការជួយរបស់រាជរដ្ឋាភិបាល តាមរយៈ ប័ណ្ណសមធម៌ ក្រ២ និងការជួយឧបត្ថម្ភចំណីអាហារពីអ្នកជិតខាងប៉ុណ្ណោះ។