ល្បែងស៊ីសងខុសច្បាប់ យីហោ « ប៉អៅ » តាមបណ្តោយផ្លូវណតប៊្រីត ប្រហែលមានខ្សែធំហើយ? ទេីបមិនរំខានដល់អាជ្ញាធរមូលដ្ឋាន

រាជធានីភ្នំពេញ ៖ ល្បែងស៊ីសងខុសច្បាប់មួយកន្លែងដែលមានយីហោ « ប៉អៅ » ដែលនៅតាមបណ្តោយផ្លូវ ណតប៊្រីត ពីចំណុចស្ពានអាកាសផ្សារដីហ៊ុយ ប្រហែល ២០០ ម៉ែត្រ ស្ថិតក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ ។

យោងតាមប្រភពពីប្រជាពលរដ្ឋបានឲ្យដឹងថា ៖ ទីតាំងល្បែងយីហោ « ប៉អៅ »នេះគឺ កំពុងតែផ្តុំដោយអ្នកញៀនល្បែង លេងយ៉ាងពពាក់ពពូនមាន ក្មេង ចាស់ ប្រុស ស្រី មានទាំងជនបរទេស ប្រមូលផ្តុំគ្នាលេងល្បែងយ៉ាងត្រជាក់ចិត្ត ហាក់ដូចជាគ្មានខ្លាចច្បាប់បន្តិចសោះឡើយ ដោយប្រជាពលរដ្ឋលេីកឡេីងថា ប្រហែលជាម្ចាស់ទីតាំងបេីកល្បែង « ប៉អៅ »នេះមានខ្សែធំហេីយមេីលទៅ ? ទេីបបេីកលេងនៅមុខមហាជន និងទីប្រជុំជនបានយ៉ាងដូច្នេះបាន។

បងប្អូនប្រជាពលរដ្ឋបានឲ្យដឹងទៀតថា ៖ ល្បែងស៊ីសងនេះ « ប៉អៅ » ធ្វើអោយពួកគាត់ព្រួយបារម្ភយ៉ាងខ្លាំង ដែលជាហេតុធ្វើឲ្យកេីតជា អំពើចោរកម្មផ្សេងៗដូចជា ចោរលួច, ឆក់,ប្លន់ , អំពីហឹង្សាផ្សេងៗ នាំអោយអស្ថេរភាពក្នុងសង្គម
ដែលកើតចេញពីល្បែងស៊ីសងនេះឯង។

ទោះជាយ៉ាងណាក្តីប្រជាពលរដ្ឋ ក៏ដូចជាមជ្ឈដ្ឋានទូទៅ សូមសំណូមពរ ឯកឧត្តម ជួន ណារិន្ទ អគ្គរងស្នងការនគរបាលជាតិ និងជាស្នងការរាជធានីភ្នំពេញ និង ឯកឧត្តម ឃួង ស្រេង អភិបាលរាជធានីភ្នំពេញ សូមមានវិធានការណ៍ ដោយចាត់ជំនាញមកពិនិត្យចំពោះទីតាំងល្បែងស៊ីសង « ប៉អៅ » នេះផងទាន! ដេីម្បីធានានូវគោលនយោបាយភូមិឃុំមានសុវត្ថិភាព ៧ចំណុច របស់រាជរដ្ឋាភិបាលដែលបានដាក់ចេញដោយក្រសួងមហាផ្ទៃ៕