ខ្សែធំមែន! ផ្សារទំនើបសូរិយា បេីកល្បែងសុីសងខុសច្បាប់យ៉ាងរលូនបាន?ប្រជាពលរដ្ឋក្នុងមូលដ្ឋានខណ្ទដូនពេញ ស្នេីសុំអាជ្ញាធរពាក់ព័ន្ធមេត្តាមានវិធានការផងទាន🙏

រាជធានីភ្នំពេញ ÷ ដោយខ្លាចពីសុវត្ថិភាពក្នុងមូលដ្ឋាន បងប្អូនប្រជាពលរដ្ឋបានរាយការណ៍មកបណ្តាញអង្គភាពសារព័ត៌មាន ASEAN DAILY យើង ពីល្បែងស៊ីសងបាញ់ត្រីខុសច្បាប់ជាច្រើនទូបង្កប់ក្នុងផ្សារទំនើបសូរិយា ជាន់ទី៤ និងដោយមិនបង្អង់យូរអង្គភាពសារព័ត៌មានយេីង បានចុះទៅទីតាំងផ្ទាល់ ក៏ឃើញអ្វីដូចដែលបងប្អូនប្រជាពលរដ្ឋបានរាយការណ៍មកពិតប្រាកដមែន ដោយឃើញទូបាញ់ត្រីជាច្រើនទូលេងភ្នាល់មានក្មេងចាស់ប្រុសស្រី ពពាក់ពពូនគ្នាល្បែងយ៉ាងត្រជាក់ចិត្តនិងរក្សាបាននូវភាពស្ងប់ស្ងាត់ដោយមិនខ្វល់ខ្វាយពីសុខទុក្ខបងប្អូនប្រជាពលរដ្ឋឡើយ ដោយធ្វើម៉េចបានលុយដាក់ក្នុងហោប៉ាវខោបក្សពួកខ្លួនឯងតែប៉ុណ្ណោះ។

សូមបព្ជាក់ថា ÷ ទីតាំងល្បែងសុីសងបាញ់ត្រីខាងលេីនេះ ស្ថិតនៅផ្សារទំនើបសូរិយា ជាន់ទី៤ តាមបណ្តោយផ្លូវ៦៣ សង្កាត់ផ្សារថ្មីទី១ ខណ្ឌដូនពេញ រាជធានីភ្នំពេញ។

តាមប្រភពពីបងប្អូនប្រជាពលរដ្ឋបានរាយការណ៍ប្រាប់អង្គភាពសារព័ត៌មាន ASEAN DAILY យេីងឲដឹងបន្តទៀតថា ÷ ភាគតិចណាស់ដែលអ្នកចូលលេងល្បែងសុីសងភ្នាល់នេះ បានឈ្នះប្រាក់យកទៅផ្ទះវិញ គឺម្ចាស់ទីតាំងបេីកល្បែងនេះ កេីបលុយពីអ្នកញៀនល្បែងរាប់សិបលានរៀលក្នុងមួយថ្ងៃៗ រីឯអ្នកលេងចាញ់ទៅលក់ឬបព្ចាំរបស់មកបន្តដេីមលេងភ្នាល់ទៀតដូចសុភាសិតថាសេះដាច់យកសេះតាម ចំណែកឯ

សិស្សសាលាខ្លះគេចសាលារៀន ចូលលេងភ្នាល់នៅទីតាំងនេះផងដែរ។

បងប្អូនប្រជាពលរដ្ឋក្នុងសង្កាត់ផ្សារថ្មីទី១ តាមរយ:បណ្តាញផ្សព្វផ្សាយពត័មាន ASEAN DAILY យេីង បងប្អូនក៏សូមសុំសំណូមពរដល់ លោក ជា ខេមា អភិបាលខណ្ឌដូនពេញ ,ឯកឧត្តម ឃួង ស្រេង អភិបាលរាជធានីភ្នំពេញ និង ឯកឧត្តម ជួន ណារិន្ទ ស្នងការនគរបាលរាជធានីភ្នំពេញ សូមឯកឧត្តម ចាត់មន្ត្រីជំនាញ ចុះពិនិត្យរដ្ឋបាលទីតាំងផ្សារទំនើប សូរិយា ជាន់ទី៤នេះផងទាន! ដើម្បីរក្សាសុខសុវត្ថិភាពជូនដល់ប្រជាពលរដ្ឋ ជាពិសេសប្រតិបត្តិតាមគោលនយោបាយ ភូមិ/ឃុំមានសុវត្ថិភាព គ្មានអំពើឆក់ប្លន់, ចោរកម្មផ្សេងៗ ,ហឹង្សា, គ្រឿងញៀន…ជាដេីម។ល។ ដែលប្រមុខរាជរដ្ឋាភិបាល ដាក់ជូនឲ្យមន្ត្រីថ្នាក់ក្រោមអនុវត្តន៍។

អង្គភាពសារព័ត៌មាន ASEAN DAILY យេីងខ្ញុំផ្សព្វផ្សាយគ្មានចេតនាញុះញង់ដាក់សម្ភាធដល់បុគ្គលណាឬអង្គភាពណាឡេីយ គឺក្នុងន័យគិតពីសុខទុក្ខសុវត្ថភាពរបស់ប្រជាពលរដ្ឋប៉ុណ្ណោះ ជាពិសេសរិះគន់ក្នុងន័យស្ថាបនាក្រោមការដឹកនាំសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នាអណត្តិទី៧នេះ។

អង្គភាព ASEAN DAILY រងចាំការបំភ្លឺគ្រប់ភាគីពាក់ព័ន្ធ ជាពិសេសអ្នកពាក់ព័ន្ធនិងការដែលបេីកលេងល្បែងភ្នាល់ខុសច្បាប់ នៅទីតាំងផ្សារទំនើបស៊ីធីម៉លនូវរៀងរាល់ម៉ោងតាមច្បាប់ស្តីពីរបបសារព័ត៌មាន៕