សារលិខិតរំលែកមរណទុក្ខ តាងនាមខ្ញុំបាទ ប្រធានសមាគម ថ្នាក់ដឹកនាំ ព្រមទាំងសមាជិក សមាជិកា នៃសមាគមសម្ព័ន្ធយុវជនសារព័ត៌មាន ដើម្បីសន្តិភាព

មានក្តីរន្ធត់ចិត្ត ក្ដុកក្ដួល និងសោកស្តាយឥតឧបមា ដែលបានទទួលដំណឹងថា លោក ឈៀង ឈឹង ជាអ្នក សារព័ត៌មាន នៃអង្គភាពកម្ពុជាអភិវឌ្ឍន៏ បានទទួលមរណភាព កាលពីថ្ងៃសៅរ៍ ៧កើត ខែមិគសិរ ឆ្នាំរោង ឆស័ក ពុទ្ធ សករាជ ២៥៦៨ ត្រូវនឹងថ្ងៃទី៧ ខែធ្នូ ឆ្នាំ២០២៤ វេលាម៉ោង២:១០ នាទីទៀបភ្លឺ ដោយខ្មាន់កាំភ្លើងបាញ់ប្រហារ។ ស្ថិតនៅ ភូមិអញ្ចាញ សង្កាត់នគរធំ ក្រុងសៀមរាប ខេត្តសៀមរាប។

មរណភាពរបស់ លោក ឈឿង ឈឹង គឺជាការបាត់បង់នូវ ប្តី ឪពុក បង ប្អូន និងបាត់បង់នូវធនធានមនុស្សដ៏ សំខាន់មួយរូប ដែលតែងតែចូលរួមចំណែកការងារមនុស្សធម៌ និងបានបម្រើការងារជួយសង្គមជាច្រើនឆ្នាំកន្លងមក។ លោក ឈៀង ឈឹង គឺជាបុគ្គល ដែលជាទីគោរព ស្រលាញ់ដ៏ជ្រាលជ្រៅ ប្រកបដោយព្រហ្មវិហារធម៌ គុណធម៌។ យើងខ្ញុំ ទាំងអស់គ្នា សូមចូលរួមរំលែកនូវមរណទុក្ខដ៏ក្រៀមក្រំនេះជាមួយ ក្រុមគ្រួសារនៃសព និងសូមឧទ្ទិសបួងសួងដល់ដួងវិញ្ញា ក្ខន្ធ លោក ឈឿង ឈឹង បានទៅកាន់សុគតិភពកុំបីឃ្លៀងឃ្លាតឡើយ។

សូមក្រុមគ្រួសារនៃសព ទទួលនូវមនោសញ្ចេតនារំលែកនូវមរណទុក្ខ ដ៏ក្រៀមក្រំបំផុត ពីយើងខ្ញុំទាំងអស់គ្នា។

ថ្ងៃសៅរ៍ ១០កើត ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ រាជធានីភ្នំពេញ, ថ្ងៃទី៧ ខែធ្នូ ឆ្នាំ២០២៤

ជ.គណៈកម្មការប្រត្តិបត្តិ

ប្រធាន មីន ចាន់ធី