សម្តេចតេជោ ហ៊ុន សែន៖ គណនី Telegram ក្លែងក្លាយថ្មីៗនេះ មានគណនី telegram មួយ ឈ្មោះ « Samdech Hun Sen of Cambodia » ដោយមាន username: @spmhunsen6 ជាមួយ Profile រូបភាព ដូចបានភ្ជាប់ជូន បានធ្វើការផ្ញើសារទំនាក់ទំនងទៅគណនី Telegram ប្រជាពលរដ្ឋជាច្រើន ពិសេសក៏បានឆាតចូលក្នុង Group : Samdech Hun Sen of Cambodia Chat ផងដែរ។

ដោយ អាស៊ាន ដេលី ថ្ងៃទី 16 ខែ ខែកុម្ភៈ ឆ្នាំ 2025 41

សូមបញ្ជាក់ថា គណនី Telegram ខាងលើនេះ ជា គណនី Telegram ក្លែងក្លាយដែលបានដាក់ឈ្មោះបន្លំដូចទៅនឹង Channel Telegram ផ្លូវការរបស់ សម្តេចតេជោ ប្រធាន ព្រឹទ្ធសភា « Samdech Hun Sen of Cambodia» ដែល មាន channel url : https://t.me/spmhunsen (ដែលជា Channel Telegram ផ្លូវការតែ១គត់របស់ សម្តេចតេជោប្រធាន ព្រឹទ្ធសភា និងមានសញ្ញា ធិក verified ពណ៌ខៀវពីក្រុមហ៊ុន Telegram) ។

ដូច្នេះ សូមបងប្អូនប្រជាពលរដ្ឋ ដែលទទួលបានសារ ពីគណនី Telegram នេះ(@spmhunsen6) ចៀសវាងការយល់ច្រឡំ និងសូមមានការប្រុងប្រយ័ត្នខ្ពស់។

បុគ្គលដែលបានបង្កើតគណនីនេះ សូមបិទជាបន្ទាន់៕

ផ្សាយៈថ្ងៃទី១៦ ខែកុម្ភៈ ឆ្នាំ២០២៥

ដោយ:និពន្ធនាយករងអង្គភាពអាស៊ានដេលី

សៅ វាសនា(Harry VS)