ធនាគារជាតិនៃកម្ពុជា សាខាខេត្តព្រះសីហនុ បានធ្វើការប្តូរប្រាក់រៀលថ្មី ចំនួន ៩,១០១,៣០០រៀល ជូនអតិថិជនដែលរស់នៅភូមិត្រពាំងមូល ឃុំជើងគោ ខេត្តព្រះសីហនុ បន្ទាប់ពីភ្លេីងឆេះផ្ទះ.
(ខេត្តព្រះសីហនុ) ធនាគារជាតិនៃកម្ពុជា សាខាខេត្តព្រះសីហនុ បានធ្វើការប្តូរប្រាក់រៀលថ្មី ចំនួន ៩,១០១,៣០០រៀល ដែល នៅសល់ពីចំណី ភ្លើង ជូនបងប្រុស យាន ហួរ និងប្រពន្ធ ឈ្មោះ លៀន ធូ រស់នៅភូមិត្រពាំងមូល ឃុំជើងគោ ខេត្តព្រះសីហនុ កាលពីថ្ងៃទី២៥ខែកុម្ភៈ ឆ្នាំ២០២៥ មូលហេតុ ដោយសារភ្លើងឆេះ ផ្ទះ របស់ពួកគាត់កាល ពី ថ្ងៃទី១២ ខែកុម្ភៈ ឆ្នាំ២០២៥ កន្លងទៅនេះ។
ការប្តូរជូននេះធ្វើឡើងដោយអនុលោមតាមលក្ខខណ្ឌជា ក្រដាសប្រាក់រៀលពិតប្រាកដ មិនក្លែងក្លាយ និងគោលការណ៍ វាយតម្លៃដែលរក្សាទ្រង់ទ្រាយដើមនៃក្រដាសប្រាក់លើសពី ៧០%។
សូមបញ្ជាក់ផងដែរថា រាល់ការប្តូរក្រដាសប្រាក់រៀល ចាស់ ទក់ រហែកគឺមិនមានបង់កម្រៃសេវាអ្វីទាំងអស់។
មន្ត្រីសាខាធនាគារជាតិ ក៏បានពន្យល់ណែនាំឱ្យប្រជាពលរដ្ឋដាក់ សន្សំប្រាក់នៅតាមគ្រឹះស្ថានធនាគាឬ និងហិរញ្ញវត្ថុណាដែលមាន អាជ្ញាប័ណ្ណស្របច្បាប់ពីធនាគារជាតិនៃកម្ពុជាផងដែរ ដើម្បីមាន សុវត្ថិភាព។
ផ្សាយៈថ្ងៃទី២៦ ខែកុម្ភៈ ឆ្នាំ២០២៥
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ.
សៅ វាសនា(Harry VS)
