អបអរសាទរ សាលាមតេយ្យសិក្សាធនធាន ក្រុងព្រះសីហនុ ទទួលបានជ័យលាភីលេខ១ ក្នុងវិស័យគ្រឹះស្ថានអប់រំចំណេះដឹង ប្រចាំឆ្នាំ២០២៤ ក្នុងខេត្តព្រះសីហនុ.
(ខេត្តព្រះសីហនុ): ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ នាព្រឹកថ្ងៃទី១០ ខែមីនា ឆ្នាំ២០២៥នេះវបានដឹកនាំដោយមន្ត្រីក្រោមឱវាទ រៀបចំប្រារឰពិធីដង្ហែរក្បួនអបអរសាទរការទទួលបានពានរង្វាន់ជ័យលាភីអង្គភាពផ្តល់សេវាសាធារណៈគំរូក្នុងវិស័យអប់រំ និងវិស័យសុខាភិបាល ប្រចាំឆ្នាំ២០២៤ នៅខេត្តព្រះសីហនុ ក្នុងនោះក៏មានវត្តមានដ៏ខ្ពង់ខ្ពស់របស់ ឯកឧត្តម សុខ គៀង និងលោកជំទាវ សេង សុមេត្តារដ្ឋលេខាធិការក្រសួងដែនដីនគររូបនីកម្ម និងសំណង់ លោកគ្រូអ្នកគ្រូ ព្រមទាំងសិស្សានុសិស្សយ៉ាងច្រេីនកុះករ.
ឆ្លៀតក្នុងឱកាសនោះ ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ ក៏បានចូលរួមអបអរសាទរ និងសំណេះសំណាលជាមួយលោកគ្រូ អ្នកគ្រូ និងអាណាព្យាបាលសិស្សផងដែរ.
ឯកឧត្តម អភិបាលថ្លែង ថាការជោគជ័យក្នុងខេត្តនេះគឺដោយសារតែបានការចូលរួមពីសំណាក់លោកគ្រូ អ្នកគ្រូ សិស្សានុសិស្ស ព្រមទាំងអាណាព្យាបាលទាំងអស់ដែលបានខិតខំបង្ហាត់បង្រៀន និងចូលរួមយ៉ាងសកម្មក្នុងការបណ្តុះគំនិតធនធានមនុស្សក្នុងវិស័យអប់រំបានយ៉ាងល្អប្រពៃទេីបយេីងសំរេចបាននូវថ្ងៃនេះ.
ឯកឧត្តម ម៉ាង ស៊ីណេត ក៏បានសង្កត់ធ្ងន់ថាវិស័យអប់រំគឺជាគន្លឹះយ៉ាងសំខាន់មួយ ក្នុងការបណ្តុះបណ្តាជំនាញ និងចំណេះដេីម្បីអភិវឌ្ឍធនធានមនុស្សក្នុងប្រទេស ដូច្នេះសូមអោយគ្រឹះស្ថានទាំងអស់ក្នុងខេត្តព្រះសីហនុ ត្រូវបន្តខិតខំរួមគ្នាធ្វេី និងបង្ហាត់កូនសិស្សអោយបានកាន់តែទូលំទូលាយតាមដែលអាចធ្វេីទៅតាម
សូមបញ្ជាក់ថា: ពានរង្វាន់ជ័យលាភីអង្គភាពផ្តល់សេវាសាធារណៈគំរូក្នុងវិស័យអប់រំ និងវិស័យសុខាភិបាល ប្រចាំឆ្នាំ២០២៤ ទទួលបានមានបីធំៗគឺ:
១-សាលាមត្តេយ្យសិក្សាធនធាន ក្រុងព្រះសីហនុ ទទួលបានចំណាត់ថ្នាក់លេខ១ រួមជាមួយចវិកាសរុប ២០០,០០០,០០រៀលពីរាជរដ្ឋាភិបាល.
២-វិទ្យាល័យ ហ៊ុនសែន វាលរិញស្រុកព្រៃនប់ ទទួលបានចំណាត់ថ្នាក់លេខ៥ រួមជាមួយថវិកាសរុប ៦០,០០០,០០រៀល.
៣-មន្ទីរពេទ្យ បង្អែកខេត្តព្រះសីហនុ ទទួលបានចំណាត់ថ្នាក់ទី៧ រួមជាមួយថវិកាសរុប ៤០,០០០,០០០រៀល.
ផ្សាយ:ថ្ងៃទី១០ ខែមីនា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ.
សៅ វាសនា(Harry VS)
