អភិបាលខេត្តព្រះសីហនុ ដឹកនាំក្រុមការងារ ចុះត្រួតពិនិត្យគម្រោងហេដ្ឋារចនាសម្ព័ន្ធ ប្រើប្រាស់អភិវឌ្ឍន៍ថវិកាខេត្តឆ្នាំ២០២៤ និងសាកសួរសុខទុក្ខបងប្អូនប្រជាពលរដ្ឋ ដែលរស់នៅអមសងខាងផ្លូវដែលទើបសាងសង់ថ្មី ស្ថិតនៅសង្កាត់រាម សង្កាត់ បឹងតាព្រហ្ម និងសង្កាត់អូរជ្រៅ ក្រុងកំពង់សោម ខេត្តព្រះសីហនុ។

(ខេត្ត​ព្រះសីហនុ)​: ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានដឹកនាំក្រុមការងារ ចុះត្រួតពិនិត្យគម្រោងហេដ្ឋារចនាសម្ព័ន្ធ ប្រើប្រាស់អភិវឌ្ឍន៍ថវិកាខេត្តឆ្នាំ២០២៤ និងសាកសួរសុខទុក្ខបងប្អូនប្រជាពលរដ្ឋ ដែលរស់នៅអមសងខាងផ្លូវដែលទើបសាងសង់ថ្មី ស្ថិតនៅសង្កាត់រាម សង្កាត់ បឹងតាព្រហ្ម និងសង្កាត់អូរជ្រៅ ក្រុងកំពង់សោម ខេត្តព្រះសីហនុ នាព្រឹកថ្ងៃទី៩ មីនា ២០២៥ ។

ក្នុងនោះគម្រោងអភិវឌ្ឍខេត្ត ឆ្នាំ២០២៤ មានដូចជា៖

១.ជួសជុលផ្លូវបេតុងចំនួន ១ខ្សែ ប្រវែង ៥៩០ម៉ែត្រ ទទឹង៧ ម៉ែត្រ កម្រាស់ ០,១៥ម៉ែត្រ លូមូលកាត់ទទឹងផ្លូវមុខកាត់ ១ម៉ែត្រ ប្រវែង ៩ម៉ែត្រ ចំនួន ២កន្លែង និងលូប្រអប់ចំនួន ១កន្លែង ទំហំ ១,៥ម៉ែត្រ x ១,៥ម៉ែត្រ ប្រវែង ៩ម៉ែត្រ និងខ្នែងផ្លូវចំនួន ៣កន្លែង ទំហំ ៧៨ម៉ែត្រការ៉េ ស្ថិតនៅភូមិស្មាច់ដែង សង្កាត់រាម

២.ជួសជុលផ្លូវបេតុងចំនួន ១ខ្សែ ប្រវែង ៧៧៧ម៉ែត្រ ទទឹង ៦ម៉ែត្រ កម្រាស់ ០,១៥ម៉ែត្រ លូប្រអប់ទទឹង ២ម៉ែត្រ កម្ពស់ ១ម៉ែត្រ មានប្រវែង ៧ម៉ែត្រ និងលូមូលកាត់ទទឹងផ្លូវមុខកាត់ ១ម៉ែត្រ ប្រវែង ៧ម៉ែត្រ ចំនួន ១កន្លែង និងមុខឈ្នៀងទំហំ ២៦ម៉ែត្រការ៉េ ស្ថិតនៅភូមិទឹកចេញ សង្កាត់បឹងតាព្រហ្ម

៣.ជួសជុលផ្លូវបេតុងចំនួន ១ខ្សែ ប្រវែង ១ ១៦០ម៉ែត្រ ទទឹង ៦ម៉ែត្រ កម្រាស់ ០,១៥ម៉ែត្រ លូប្រអប់ទំហំទទឹង ២,៥ម៉ែត្រ កម្ពស់១,២ម៉ែត្រ ប្រវែង ៧ម៉ែត្រ និងលូមូលកាត់ទទឹងផ្លូវមុខកាត់ ០.៦ម៉ែត្រ ប្រវែង ៧ម៉ែត្រ ចំនួន ១កន្លែង និងខ្នែងផ្លូវចំនួន ១កន្លែង ទំហំ ២៦ម៉ែត្រការ៉េ ស្ថិតនៅភូមិស្រែក្នុង សង្កាត់អូរជ្រៅ។

ឯកឧត្តម ម៉ាង ស៊ីណេត អភិបាលខេត្តព្រះសីហនុ ក៏បានធ្វើការសំណេះសំណាលជាមួយបងប្អូនប្រជាពលរដ្ឋដែលមានលំនៅឋាននៅអមសងខាងផ្លូវបេតុងទាំង ៣ខ្សែខាងលើ ប្រកបដោយភាពស្និតស្នាលរវាងថ្នាក់ដឹកនាំខេត្ត ក្រុង អាជ្ញាធរសង្កាត់ ជាមួយប្រជាពលរដ្ឋនៅមូលដ្ឋាន និងបានសំណូមពរបងប្អូនប្រជាពលរដ្ឋដែរស់នៅអម

សាងខាងផ្លូវបេតុងសូមជួយថែរក្សា ការពារខ្សែផ្លូវក្នុងភូមិរបស់យើងឱ្យបានល្អ ព្រោះខ្សែផ្លូវបេតុងទាំងនេះ គឺជាសមិទ្ធផលថ្មីរបស់បងប្អូនប្រជាពលរដ្ឋក្នុងភូមិ ក្នុងការសម្រួលធ្វើចរាចរណ៍ចេញចូល ដឹកផលិតផលកសិកម្មទៅកាន់ទីផ្សារបានងាយស្រួល។ ជាពិសេសថែមទៀតនោះ គឺជួយសម្រួលដល់កូនចៅរបស់យើងធ្វើដំណើរទៅកាន់សាលារៀនបានកាន់តែងាយស្រួល ម្យ៉ាងទៀតផ្លូវបេតុងនេះ ជាសមិទ្ធផលថ្មីមួយទៀតសម្រាប់បងប្អូនប្រជាពលរដ្ឋ ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលបានដាក់ចេញនូវយុទ្ធសាស្ត្របញ្ចរកោណដំណាក់កាលទី១ ដោយផ្តោតសំខាន់ទីលើ មនុស្ស ផ្លូវ ទឹក ភ្លើង និងបច្ចេកវិទ្យា។

ឯកឧត្តម អភិបាលខេត្ត បានបញ្ជាក់ថា ដោយសារកត្តាសន្តិភាព ទេីបប្រទេសជាតិមានការអភិវឌ្ឍរីកចម្រើនចាប់ពីទីប្រជុំជន រហូតដល់ជនបទ ហើយផ្លូវបេតុងដែលកើតឡើងនៅទីនេះបានមកពីកត្តាសុខសន្តិភាពនេះ ឯកឧត្តម​ ក៏បានធ្វើការណែនាំដល់បងប្អូនប្រជាពលរដ្ឋត្រូវបញ្ជូនកូនចៅចូលសាលារៀនឱ្យបានគ្រប់គ្នា ព្រោះនៅខេត្តព្រះសីហនុត្រូវការកម្លាំងពលករជាច្រើនដេីម្បីបំរើការងារនៅតាមរោងចក្រ សហគ្រាស ទាមទារឱ្យកូនចៅរបស់យើងមានចំណេះដឹង ជំនាញ ក្នុងការទទួលបានប្រាក់ខែកាន់តែច្រើនជួយបង្កើនជីវភាពគ្រួសារ កាត់បន្ថយភាពក្រីក្រ។

ផ្សាយ​:ថ្ងៃទី​១០ ខែមីនា​ ឆ្នាំ២០២៥

រូបថត&អត្ថបទ:រដ្ឋបាល​ខេត្ត​ព្រះសីហនុ

ដកស្រង់​ដោយ:និពន្ធ​នាយករង​អង្គភាព​អាស៊ាន​ដេ​លី​ប្រចាំ​ខេត្ត​ព្រះសីហនុ.

សៅ​ វាសនា​(Harry ​VS)