ក្រុមអ្នកប្រើប្រាស់ម៉ូតូបំពាក់ដោយឧបករណ៍កែច្នៃ ចំនួន០២ក្រុមមានរហស្សនាមផ្សេងគ្នាត្រូវបានសមត្ថកិច្ច នាំយកមកកាន់ស្នងការដ្ឋានខេត្តបាត់ដំបង.
(ខេត្តបាត់ដំបង): ស្របតាមអនុសាសន៍ដ៏ខ្ពង់ខ្ពស់របស់ឯកឧត្តមអភិសន្តិ បណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃ ក៏ដូចអនុសាសន៍របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោក ឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នង ការដ្ឋាននគរបាលខេត្តបាត់ដំបង បានបញ្ជាឱ្យផែន ការងារនគរបាលព្រហ្មទ័ណ្ឌ និងនគរបាលក្រុងបាត់ដំបង ធ្វើការប្រមូលនាំយកអ្នកជិះម៉ូតូដោយមានការកែច្នៃនូវ ឧបករណ៍ខុសលក្ខណៈបច្ចេកទេសក្នុងក្រុងបាត់ដំបង ចំនួន០២ក្រុម ដែលមានការចាត់តាំង ហើយកំពុងមាន សកម្មភាពនៅក្នុងបរិវេណព្រលានយន្តហោះរាល បែកចាន ក្រុងបាត់ដំបងនារាត្រី ថ្ងៃទី៩ខែ មីនា ឆ្នាំ២០២៥ ។ការនាំមកសាកសួរនេះមានចំនួន ២២នាក់ ម៉ូតូ១៨ គ្រឿងក្នុងនោះគឺ៖
– ក្រុមទី០១ មានរហស្សនាមថា ក្រុមរោកវ៉ាក មានចំនួន
១២ នាក់
– ក្រុមទី០២មានរហស្សនាមថាក្រុម ក្រុម pink pink មាន ចំនួន ០៥ នាក់ ចំណែក ០៥ នាក់ ទៀតគឺមិនទាន់មាន ក្រុមនៅឡើយទេ។
ការសាកសួរអំពីទង្វើនេះពួកគេបានឆ្លើយថា ការកែច្នៃ តាមអំពើចិត្តបែបនេះគឺជាការរៀបចំប្រមូលគ្នាជាក្រុម ថតរូបភាពជាវីដេអូដាក់សម្លេងភ្លេងកាចៗ បង្ហោះក្នុង ហ្វេសប៊ុក
ឬ TikTok ដើម្បីបានការចូលមើលច្រើនហើយ lok ទាក់ទាញអ្នកផ្សេងទៀតឱ្យធ្វើដូចខ្លួន។
ជាការកត់សម្គាល់នាពេលកន្លងមកមានទិដ្ឋភាព បែបនេះ បានបង្ហោះក្នុងបណ្តាញសង្គមហ្វេសប៊ុក និងTikTok ដោយការតាំងបង្ហាញជាក្រុម ឬបើកបរជា ក្រុម ដោយសម្លេងម៉ូតូលខ្លាំងៗនិងភ្លើងបំភ្លឺឆ្វេចឆ្លាច និងពេលខ្លះបានបង្កទៅជាភាពអណាធិបតេយ្យនៅក្នុង ទីក្រុងទៀតផង។
មានករណីខ្លះក៏បង្ហាញនូវភាពឌឺដងដាក់គ្នាទៅក្រុម ផ្សេងឬផ្តាំផ្ញើទៅក្រុមផ្សេងតាមរយៈទិដ្ឋភាពនេះ ដែល មហាជនក្នុងបណ្តាញសង្គមមានការបារម្ភថានឹងអាច បង្កជាជម្លោះក្នុងពេលណាមួយជាក់ជាមិនខានហើយក រណីនេះក៏បានរំខានរួចហើយដល់ការកំសាន្តសប្បាយ និងការធ្វើលំហាត់ប្រាណពីប្រជាពលរដ្ឋតាមដងផ្លូវ។
សូមយុវជនទាំងឡាយបញ្ឈប់នូវសកម្មភាពកែច្នៃខុស លក្ខណៈបច្ចេកទេសបែបនេះបន្តទៀត ហើយសមត្ថកិច្ច នៅតែបន្តអនុវត្តវិធានការប្រមូលមកអប់រំណែនាំនិងឱ្យ ដោះចេញនូរឧបករណ៍ទាំងនេះទាំងនៅក្រុងបាត់ដំបង និងស្រុកផ្សេងទៀតទូទាំងខេត្តករណីនៅតែបន្តប្រព្រឹត្តិ នោះសមត្ថកិច្ចនឹងចាត់វិធានការតាមផ្លូវច្បាប់៕
ផ្សាយ:ថ្ងៃទី១០ ខែមីនា ឆ្នាំ២០២៥
ប្រភព:ស្នងការដ្ឋាននគរបាលខេត្តបាត់ដំបង
ដោយ:និពន្ធនាយករងអង្គភាពអាស៊ានដេលី
សៅ វាសនា(Harry VS)
