ពលរដ្ឋ ៨គ្រួសារ ស្ថិតក្នុងចំណោម ២៤គ្រួសារ ដែលបាន និងកំពុងមិនព្រមចាកចេញក្នុងតំបន់ភូមិសាស្ត្រ ផ្លូវអន្ទុងអាំង ១៥០០ ស្រុកវាលវែង.
(ខេត្តពោធិ៍សាត់): ពលរដ្ឋមានប្រមាណ២៤គ្រួសារ ក្នុងនោះ មាន៨គ្រួសារដែល មិនព្រមចាក់ចេញតាមការ សំណូមពរ ពីអាជ្ញាធររដ្ឋបាលខេត្តពោធិ៍សាត់ បើទោះជា រដ្ឋបាលខេត្តពោធិ៍សាត់ បានធ្វើការដោះដូរដី ដូចទៅនឹង ចំណោមពលរដ្ឋ៩០ជាងគ្រួសារ ដែលបានព្រមព្រៀងកាលពីកន្លងមកយ៉ាងក៏ដោយ ក៏ពលរដ្ឋទាំង ៨គ្រួសារ ទាំងនោះនៅតែជំទាស់រឹងរូសមិនចាកចេញតាមការស្នើសុំ របស់អាជ្ញាធរស្រុក/ខេត្តនោះឡើយ ។
នេះបើតាមការអង្កេត និងតាមដានពីបណ្តាមជ្ឈដ្ឋានក្នុងស្រុកនោះគេឃើញថា តំបន់ផ្លូវអន្ទង់អាំងហាក់បីដូច ជាតំបន់ប្រទង់ប្រទាញ។
យោងតាមលិខិតមួយច្បាប់ របស់រដ្ឋបាលខេត្តពោធិ៍សាត់ បានចេញសេចក្តីប្រកាសជូនដំណឹង និងកំណត់ដាក់ ឱសានវ៉ាតចាប់ត្រឹម ថ្ងៃ១៥ ខែមីនា ឆ្នាំ២០២៥ តទៅដល់ បងប្អូន ពលរដ្ឋ ដែលពាក់ព័ន្ធនៅតំបន់ហាមឃាត់ចំណុច
ភ្នំ១៥០០ផ្លូវអន្ទង់អាំង ប្រញ៉ាប់រួសរាន់ និងរុសរើ ដូរ លំនៅដ្ឋានសាងសង់នៅដីថ្មីដែលត្រូវ បានដោះដូរ រួចកាលរយះកន្លងមកអោយខានតែបាន។
ប្រភពមានព័ត៌មាន ពីបណ្តាមជ្ឈដ្ឋានខ្លះនៅតបន់ ក្នុង ស្រុកវាលវែងបាន ខ្សឹបដាក់ត្រចៀកថាគេសង្កេតឃើញពលរដ្ឋភាគច្រើនចង់៩០% ដែលព្រមព្រៀង ដោះដូរ តាមសំណូមពរ របស់អាជ្ញាធររដ្ឋបាលខេត្តពោធិ៍សាត់ ប៉ុន្តែនៅឡើយពលរដ្ឋប្រមាណ តិចតួច បំផុតដែលបាននិងកំពុង មិនព្រមតាមសំណូមពររបស់អាជ្ញាធរ នេះបើតាមគេដាក់ការសង្ស័យថាទំនងជាមាននាក់នៅពីក្រោយខ្នង ខាងក្រៅស្រុក ក្រៅបរទេសជាអ្នកផ្តល់មតិ ឬក៏ជំនួយទើបអ្នក
រឹងរូសមួយចំនួនតូច ក្នុងតំបន់អន្ទង់អាំងនៅជំទាស់ដូច្នេះ ។
លោក ស្មាន កាសែត ពលរដ្ឋស្ថិតក្នុងចំណោម ពលរដ្ឋ នៅតំបន់ភ្នំ ១៥០០ បានអោយអង្គភាពសារព័ត៌មានអាស៊ាន ដេលីដឹងថា គ្រួសារលោកធ្លាប់រស់នៅតំបន់នោះយូរយ៉ាង
ណា ក៏ដោយ ក៏លោកមិនជំទាស់អ្វី ដែលជាតម្រូវការរបស់រាជរដ្ឋាភិបាល ដែលទុកតំបន់នោះជាតំបន់ការពារធនធានធម្មជាតិ ហើយលោកក៏ដូចពលរដ្ឋទូទាំងខេត្តពោធិ៍សាត់ដែលចង់អោយតំបន់ភ្នំ១៥០០ ប្រែមុខមាត់ស្រស់ស្អាត តាមបែបធម្មជាតិនេះបើតាមការរាបរាប់ពី លោក ស្មាន់ កាសែត.
ផ្សាយៈថ្ងៃទី១១ ខែមីនា ឆ្នាំ២០២៥
ប្រភព:S.Veasna និពន្ធនាយករងប្រចាំខេត្តពោធិ៍សាត់
កែសម្រួលអត្ថបទ:សៅ វាសនា
