ផ្លូវសំខាន់ៗទាំង ១៥ទីតាំង ក្នុងភូមិសាស្រ្តក្រុងព្រះសីហនុ ខេត្តព្រះសីហនុ ត្រូវបានរដ្ឋបាលខេត្ត ចេញសេចក្តីជូនដំណឹង ស្តីពីការបើកផ្លូវតាមប្លង់ប្រព័ន្ធសុរិយោដី.
(ខេត្តព្រះសីហនុ): រដ្ឋបាលខេត្តព្រះសីហនុ មានកិត្តិយសសូមជម្រាបជូនបងប្អូនប្រជាពលរដ្ឋ និងសាធារណៈជនមេត្តាជ្រាបថា រដ្ឋបាលខេត្ត នឹងចាប់ផ្តើមចុះបើកផ្លូវតាមប្លង់ប្រព័ន្ធសុរិយោដីចំនួន ១៥ទីតាំង ដូចខាងក្រោម៖
– ផ្លូវដី (ក្បែរតំបន់សឹករងខេត្ត បំបែកពីផ្លូវបេតុងចូលទៅរមណីដ្ឋានទឹកធ្លាក់ក្បាលឆាយ) ស្ថិតនៅភូមិ១ សង្កាត់លេខ១ ក្រុងព្រះសីហនុ
– ផ្លូវលេខ៩២៥.៨ ស្ថិតនៅភូមិ១ សង្កាត់លេខ១ ក្រុងព្រះសីហនុ
– ផ្លូវលេខ១១៣.៤ ផ្លូវលេខ១១៣៤.២ ស្ថិតនៅភូមិ២ សង្កាត់លេខ២ ក្រុងព្រះសីហនុ
– ផ្លូវលេខ១៣៥ ផ្លូវលេខ១១៨ ផ្លូវលេខ១១៨.២ ស្ថិតនៅភូមិ១ ភូមិ២ សង្កាត់លេខ៣ ក្រុងព្រះសីហនុ
- ផ្លូវលេខ១០៣ ផ្លូវលេខ១០៣.៣ ផ្លូវលេខ១០៣.៩
– ផ្លូវលេខ៨០៦.១ ផ្លូវលេខ៨១៨.១១ ផ្លូវលេខ៨១៩
-ផ្លូវលេខ៨៣១៦ ផ្លូវលេខ៥០៥ ស្ថិតនៅភូមិ១ ភូមិ២ ភូមិ៣ ភូមិ៤ ភូមិ៥ សង្កាត់លេខ៤ ក្រុងព្រះសីហនុ។
ទន្ទឹមនឹងនេះ ដោយពិនិត្យឃើញថាទីតាំងខាងលើ មានបងប្អូនប្រជាពលរដ្ឋមួយចំនួន បានសាងសង់ផ្ទះ សំយ៉ាប របង និងសំណង់ផ្សេងៗ រំលោភដីចំណីផ្លូវសាធារណៈរបស់រដ្ឋ។
អាស្រ័យហេតុនេះ សូមបងប្អូនប្រជាពលរដ្ឋ មេត្តាចូលរួមសហការ និងរុះរើសំណង់របស់ខ្លួនដែលបានសាងសង់រំលោភលើដីចំណីផ្លូវសាធារណៈរបស់រដ្ឋចេញវិញ ដោយ រដ្ឋបាលខេត្ត ទុករយៈពេលចំនួន ០៧ថ្ងៃ គិតចាប់ពីថ្ងៃជូនដំណឹងនេះតទៅ។
ផ្សាយ:ថ្ងៃទី១១ ខែមីនា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ.
សៅ វាសនា(Harry VS)
