អាជីវករអះអាង រឿងបង់លុយចូលហោប៉ាវមន្ត្រីច្រក ទ្វារព្រំដែនក្អមសំណ អស់ចាប់ពី២០ ទៅ៣៥ម៉ឺនរៀល ក្នុង១ឡាន!
(កណ្តាល)៖ ស្របពេលដែលរាជរដ្ឋាភិបាលអាណត្តិទី៧ កំពុងយកចិត្តទុកដាក់ ក្នុងការលុបបំបាត់អំពើពុករលួយ ដើម្បីអភិវឌ្ឍន៍ប្រទេសជាតិ ឱ្យកាន់តែរីកចំរើនថែមមួយ កម្រិតទៀតនោះ…!។បែរជាមានការលើកឡើងថា មន្ត្រីពាក់ព័ន្ធនៅ”ច្រកទ្វារ ព្រំដែនអន្តរជាតិក្អមសំណ ក្នុងឃុំក្អមសំណរ ស្រុកលើ កដែក ខេត្តកណ្តាល កំពុងពួតដៃគ្នា កំណត់យកលុយ ពីរថយន្តដឹក (ផ្លែដូង) ចេញពីប្រទេសវៀតណាម ចូល មកកម្ពុជា ក្នុង១ជើងៗ ចាប់ពី២០ម៉ឺនរៀល ទៅ៣៥ម៉ឺន រៀលជាកំហឺត..!!។ខណៈជនជាតិវៀតណាម ដែលតែងតែឆ្លងដែន ចេញចូលជាប្រចាំ ក៏បានអះអាងដែរថា ពួកខ្លួន បង់លុយឱ្យប៉ូលិសច្រកទ្វារព្រំដែនមួយនេះ ក្នុងម្នាក់ៗ ចំនួន៥ម៉ឺនដុង (លុយវៀតណាម) ជាថ្នូរនឹងការអនុញ្ញាត ឱ្យចេញចូលដោយសេរី.អត់រ៉ៃត្រា.អត់ (ប៉ាស្ទ័រ)។
– ករណីនេះលោកប្រធានស្នាក់ការថ្លែងថា”អាអ្នកចារា ចេះតែថាទេ កុំចេះតែមកសួរ ឱ្យរាប្តឹងមក”។ជុំវិញរឿងនេះ អាជីវករដែលតែងតែដឹក (ផ្លែដូង)ពី វៀតណាម ចូលមកកម្ពុជា តាមច្រកទ្វារព្រំដែន អន្តរជាតិក្អមសំណ ដោយប្រើ“រថយន្តសាំយ៉ុង“បាន អះអាងថា ខ្លួនដឹក១ជើងៗ ខ្លួនដឹក១ជើងៗ បង់លុយឱ្យស្នាក់ការ ត្រួតពិនិត្យ មន្ត្រីគយ.និងប៉ូលិស នៅច្រកទ្វារព្រំដែន មួយនេះ. អស់សរុបចំនួន២០០.០០០រៀលជាកំហិត..!!។
-រីឯអ្នកដឹក (ផ្លែដូង)ដោយប្រើរថយន្តចំណុះ២តោន កន្លះ ក៏បានលើកឡើងស្រដៀងគ្នាដែរថា ខ្លួន ដឹក១ជើងៗ បង់លុយឱ្យសមត្ថកិច្ចខ្មែរ ដែលប្រចាំការ នៅ”ច្រកទ្វារព្រំដែនអន្តរជាតិក្អមសំណ”អស់សរុប ចំនួន៣៥០.០០០រៀលជាកំហឺត! ក្នុងនោះរួមមាន.ស្នាក់ការ.គយនិងប៉ូលិស..!!។
អាជីរករបញ្ជាក់ថា រាល់ការបង់លុយរបស់ពួកគាត់ មក ឱ្យសមត្ថកិច្ចច្រកទ្វារព្រំដែនខាងលើ គឺពុំដែលមាន ក្រដាសស្នាមឬវិក្កយបត្រ បង់ពន្ធចូលរដ្ឋអ្វីឡើយ.ដោយ ជារៀងរាល់លើក ពួកខ្លួន រត់ការហូចលុយឱ្យមន្ត្រី ផ្ទាល់ដៃ..!!។
ចំណែកអ្នកដឹកជីកសិកម្ម ពីវៀតណាម ចូលមកកម្ពុជា ដោយប្រើរ៉ឺម៉កម៉ូតូ បាននិយាយថា ខ្លួនដឹក១ជើងៗ បង់លុយឱ្យមន្ត្រីពាក់ព័ន្ធខាងខ្មែរ ដែលនៅ”ច្រកទ្វារ ព្រំដែនអន្តរជាតិក្អមសំណ អស់ចំនួន២០០.០០០ដួង លុយវៀតណាម (ស្មើនឹង៣០.០០០រៀលលុយខ្មែរ)។
-នេះគ្រាន់តែជាតួរលេខត្រួសៗតិចតួចប៉ុណ្ណោះ ដែល អ្នករកស៊ីរត់ពន្ធទំនិញតាមផ្លូវគោក អះអាងរឿង បង់លុយឱ្យមន្ត្រីនៅ”ច្រកទ្វារព្រំដែនអន្តរជាតិក្អម សំណ” ដោយឡែកសម្រាប់ផ្លូវទឹកវិញក៏មិនធម្មតា ដែរ..!។
សេចក្តីរាយការណ៍បានឱ្យ (ដើមរាំង)ដឹងទៀត ថា សមត្ថកិច្ចប៉ូលិស ច្រកទ្វារព្រំដែនអន្តរជាតិក្អម សំណ”បានកំណត់យកលុយ ពីជនជាតិវៀតណាម ក្នុង ម្នាក់ៗចំនួន៥០.០០០ដូង (ស្មើនឹង៨.០០០រៀល) ជាថ្នូរ នឹងការអនុញ្ញាតឱ្យចេញចូលឆ្លងដែនពីវៀតណាមមក កម្ពុជា និងពីកម្ពុជាទៅវៀតណាម តណាម ដោយសេរី និងគ្មាន លិខិតឆ្លងដែន (ប៉ាស្ទ័រ)។
ជាក់ស្តែងៈ ជនជាតិវៀតណាមដែលចូលមកកម្ពុជា ដោយអត់មាន (ប៉ាស្ទ័រ) គឺប៉ូលិសខាងកម្ពុជា កំណត់ យកលុយចំនួន៥០.០០០ដុងក្នុងម្នាក់យ៉ាងទៀងទាត់!។ ក្នុងនោះ ពលរដ្ឋកម្ពុជាដែលចេញទៅវៀតណាម ដោយ អត់មាន (ប៉ាស្ទ័រ) គឺប៉ូលិសខាងវៀតណាម កំណត់យក លុយក្នុងម្នាក់ៗចំនួន៥០.០០០ដុងដូចគ្នា.!។
ពោលគឺ បើខ្មែរឆ្លងដែនចូលទៅ.សមត្ថកិច្ចវៀតណាម ជាអ្នកយកលុយ ហើយបើជនជាតិវៀតណាម ចូលមក យើង គឺសមត្ថកិច្ចខ្មែរ ជាអ្នកកំណត់យក…!!
-ដើម្បីឱ្យមានចម្លើយទាំងសងខាង នៅរសៀល ទី១៤.០៣.២០២៥ ដើមរាំង» បានព្យាយាមសុំការបំភ្លឺ ពីលោក រឹម លឹមសេង នាយប៉ុស្តិ៍នគរបាលច្រកទ្វារ ព្រំដែនអន្តរជាតិក្អមសំណ ប៉ុន្តែទូរស័ព្ទចូលហើយលោក មិនទទួល.!។
រីឯលោក សុង មាល័យ ប្រធានការិយាល័យគយ និងរដ្ឋាករ ច្រកទ្វារព្រំដែនអន្តរជាតិក្អមសំណ.បាន បដិសេធមិនបកស្រាយឡើយ ដោយថាចាំមើលជួបគ្នា ពេលក្រោយ.!។
ចំណែកលោក ខៀរ ចំរុង ប្រធានស្នាក់ការត្រួតពិនិត្យ ច្រកទ្វារព្រំដែនអន្តរជាតិក្អមសំណ.បានថ្លែងប្រាប់(ដើម រាំង)ចា រឿងរាំរខាងលើ ពុំមែនមានតែសមត្ថកិច្ចខ្មែរនោះ ទេ ពោលគឺមានសមត្ថកិច្ចវៀតណាមចូលរួមដែរ..! លោក ខៀរ ចំរុង អះអាងថា”អាអ្នកចាវាចេះតែថាទេ កសិផលក្នុងស្រុកគ្មាននរណាប៉ះពាល់ឡើយ. កុំចេះតែ មកសួរ ឱ្យវាប្តឹងមក”។
-ទោះជាយ៉ាងណាក្តី ពលរដ្ឋសុំស្មើដល់ឯកឧត្តម គួច ចំរើន អភិបាលខេត្តកណ្តាល ឯកឧត្តម សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ ឯកឧត្តម បណ្ឌិត គុណ ញឹម អគ្គនាយកដ្ឋានគយនិងរដ្ឋាករ កម្ពុជា ឯកឧត្តមកិត្តិនីតិកោសលបណ្ឌិត ឱម ហ៊ុនទៀង ទេសរដ្ឋមន្ត្រី ប្រធានអង្គភាពប្រឆាំងអំពើពុករលួយ មេត្តាពិនិត្យស្រាវជ្រាវ ចំពោះភាពមិន ប្រក្រតី នៃការកំណត់យកលុយពី អាជីវករ ដែល ដឹកទំនិញ.កសិផលឆ្លងដែន ដូចការរៀបរាប់ខាងលើ ដើម្បីបង្កើនចំណូលរដ្ឋ..!។ព្រោះថា អំពើពុករលួយ.ការស៊ីសំណូកសូកប៉ាន់និង ការកំណត់យកលុយ ពីអ្នករត់ពន្ធទំនិញក្រៅផ្លូវការ ក៏ជាផ្នែកមួយ ដែលបណ្តាលឱ្យ រាំងស្ទះដល់ ការអភិវឌ្ឍន៍ប្រទេសជាតិ ផងដែរ៕
ផ្សាយ:ថ្ងៃទី១៥ ខែមីនា ឆ្នាំ២០២៥
ប្រភព:ដេីមរាំង
ដោយ:និពន្ធនាយករងអង្គភាពអាស៊ានដេលី
សៅ វាសនា(Harry VS)
