ក្រសួងព័ត៌មាននាំយកថវិកា១០០លានរៀល ដែលប្រមូលបានពីព្រឹត្តិការណ៍រត់ «ម៉ារ៉ាតុងដើម្បី មនុស្សធម៌» ប្រគល់ជូនមូលនិធិគន្ធបុប្ផាកម្ពុជា។ 

(ភ្នំពេញ)​:ក្រសួងព័ត៌មាន តាមរយៈសាខាសមាគមនារីកម្ពុជាដើម្បី សន្តិភាព និងអភិវឌ្ឍន៍ក្រសួងព័ត៌មាន នៅព្រឹកថ្ងៃទី១៧ ខែមីនា ឆ្នាំ២០២៥នេះ បាននាំយកថវិកា ១០០ លាន រៀលដែលប្រមូលបានពីការរៀបចំព្រឹត្តិការណ៍រត់ «ម៉ា រ៉ាតុងដើម្បីមនុស្សធម៌» កាលពីព្រឹកថ្ងៃទី១៥ ខែមីនា ឆ្នាំ២០២៥ ប្រគល់ជូនមូលនិធិគន្ធបុប្ផាកម្ពុជា ដើម្បី ចូលរួមចំណែកក្នុងគាំទ្រផ្នែកសុខុមាលភាពកុមារ និង ទារក។

ពិធីប្រគល់ថវិកានេះដឹកនាំដោយលោកជំទាវ ទុយ សិរី រតនៈ នេត្រ ភក្ត្រា ប្រធានកិត្តិយស សាខាសមាគមនារី កម្ពុជា ដើម្បីសន្តិភាព និងអភិវឌ្ឍន៍ ក្រសួងព័ត៌មាន តំណាង ឯកឧត្តម នេត្រ ភក្ត្រា រដ្ឋមន្ត្រី ក្រសួងព័ត៌មាន និងមានការចូលរួមពីលោក Zheng Xian Jiang ប្រធានអង្គភាពសារព័ត៌មាន ASEAN Top News និងសហការីមួយចំនួនផងដែរ។ ការប្រគល់ថវិកា មនុស្សធម៌នេះបានធ្វើឡើងនៅមន្ទីរពេទ្យគន្ធបុប្ផា។

គួរឱ្យដឹងថា ព្រឹត្តិការណ៍រត់ «ម៉ារ៉ាតុងដើម្បី មនុស្សធម៌» (Run for Charity) ផ្តួចផ្តើមឡើងដោយ ឯកឧត្តម នេត្រ ភក្ត្រា និងមានការសហការរៀបចំពី អង្គភាពសារព័ត៌មាន ASEAN Top នៅក្នុងបរិវេណ សួន អេកូ ផាក, ហ្គេនស្តា ផ្លាទីនីម អេកូ ខូលិកសិន នៃបុរី ប៉េង ហួត បឹងស្លោ ដោយប្រមូលបានថវិកាចំនួន ១០០លានរៀល សម្រាប់ប្រគល់ជូនមូលនិធិគន្ធបុប្ផា កម្ពុជា ដើម្បីសុខុមាលភាពទារក និងកុមារនៅកម្ពុជា។

ព្រឹត្តិការណ៍បើករត់ «ម៉ារ៉ាតុងដើម្បីមនុស្សធម៌» នេះ បានធ្វើឡើងក្រោមអធិបតីភាពឯកឧត្តម រដ្ឋមន្ត្រី នេត្រ ភក្ត្រា និងលោកជំទាវ ទុយ សិរីរតនៈ នេត្រភក្ត្រា ដោយមានការចូលរួមពីអ្នកចូលរួមដែលជាថ្នាក់ដឹកនាំ និងមន្ត្រីរាជការក្រសួងព័ត៌មាន សាធារណជន និង វិស័យឯកជន និងអង្គភាពសារព័ត៌មាន និងដៃគូឧត្ថម្ភ នានា។

ផ្សាយ​:ថ្ងៃទី​១៩​ ខែមីនា ឆ្នាំ២០២៥

ដោយ:និពន្ធ​នាយករង​អង្គភាព​អាស៊ាន​ដេ​លី

សៅ​ វាសនា(Harry​ VS)