ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងឯកឧត្តម អ៊ឹម សុខធី ប្រធានលេខាធិការដ្ឋានក្រុមការងារជំរុញការវិនិយោគក្នុង ខេត្តព្រះសីហនុ អញ្ជើញដឹកនាំកិច្ចប្រជុំពិភាក្សាជាមួយក្រុមហ៊ុន វិនិយោគដែលទទួលបានការលើកទឹកចិត្តតាមរយៈ «កម្មវិធី ពិសេសជំរុញការវិនិយោគក្នុងខេត្តព្រះសីហនុ»ឆ្នាំ២០២៤-២០២៥.
(ខេត្តព្រះសីហនុ): ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងឯកឧត្តម អ៊ឹម សុខធី ប្រធានលេខាធិការដ្ឋានក្រុមការងារជំរុញការវិនិយោគក្នុង ខេត្តព្រះសីហនុ អញ្ជើញដឹកនាំកិច្ចប្រជុំពិភាក្សាជាមួយក្រុមហ៊ុន វិនិយោគដែលទទួលបានការលើកទឹកចិត្តតាមរយៈ «កម្មវិធី ពិសេសជំរុញការវិនិយោគក្នុងខេត្តព្រះសីហនុ»ឆ្នាំ២០២៤-២០២៥ ដោយមានការចូលរួមពីលោក អភិបាលរងខេត្ត អភិបាលក្រុង ស្រុក ប្រធានមន្ទីរ អង្គភាព ពាក់ព័ន្ធ និងតំណាងអ្នកវិនិយោគ គ្រឹះស្ថានហិរញ្ញវត្ថុ ធនាគារសរុបចំនួន១២៩នាក់ កាលពីព្រឹកថ្ងៃទី១៩ ខែមីនា ឆ្នាំ២០២៥។
ឯកឧត្តម អ៊ឹម សុខធី ប្រធានលេខាធិការដ្ឋានក្រុមការងារជំរុញការ វិនិយោគក្នុងខេត្តព្រះសីហនុ រាជរដ្ឋាភិបាលកម្ពុជា បានសម្រេចឱ្យបន្ត «កម្មវិធីពិសេសជំរុញ ការវិនិយោគក្នុងខេត្តព្រះសីហនុ ឆ្នាំ២០២៤» រហូតដល់ ដំណាច់ឆ្នាំ ២០២៥ ។ ឯកឧត្តម គូសបញ្ជាក់ទៀតថា គិតមកដល់ខែកុម្ភៈ ឆ្នាំ២០២៥ ក្រុមការងារជំរុញ ការវិនិយោគក្នុងខេត្តព្រះសីហនុ បានសម្រេចជាគោលការណ៍ផ្តល់ ការលើកទឹកចិត្ត ដល់គម្រោងវិនិយោគ ចំនួន ២៦៩ គម្រោង ក្នុង នោះគម្រោងវិនិយោគពាក់ព័ន្ធនឹងអគារកំពុងជាប់គាំងមានចំនួន ១២៣ គម្រោង, គម្រោងវិនិយោគដែលពុំពាក់ព័ន្ធនឹងអគារជាប់ គាំង ជាគម្រោងថ្មី ១១៣គម្រោង, គម្រោងពង្រីក មានចំនួន ២៣ គម្រោង និង គម្រោងមានស្រាប់មាន ១០គម្រោង ។
ឯកឧត្តម ម៉ាង ស៊ីណេត អភិបាលខេត្តព្រះសីហនុ មានប្រសាសន៍ ថា រដ្ឋបាលខេត្តនឹងជួយសម្របសម្រួលគ្រប់បញ្ហាប្រឈមដល់លោក លោកស្រី ជា អ្នកវិនិយោគទាំងអស់ ដែលបានទទួលការលើកទឹកចិត្ត និង ការអនុញ្ញាតផ្សេងៗ ពីក្រុមការងារពិសេសជំរុញការវិនិយោគខេត្ត ព្រះសីហនុ ។ ឯកឧត្តមបន្ថែមថា ក្នុងករណីជួបការលំបាក និង បញ្ហាប្រឈមរដ្ឋបាលខេត្តស្វាគមន៍ទទួលយក និង រីករាយរកដំណោះស្រាយរួមគ្នា សំដៅឱ្យការសាងសង់ និង ការប្រកបរប អាជីវកម្មទទួលបានជោគជ័យ ដែលតាមនេះ, ក៏ជាជោគជ័យរបស់ រដ្ឋបាលខេត្តផងដែរ ព្រោះយើងដើរលើផ្លូវតែមួយ ។
ផ្សាយ:ថ្ងៃទី២០ ខែមីនា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ.
សៅ វាសនា(Harry VS)
