ឯកឧត្តម សួន វិសាល រដ្ឋលេខាធិការក្រសួង យុត្តិធម៌ និងជាប្រធានក្រុមលេខាធិការនៃ ក្រុមការងារធ្វើវិសោធនកម្មច្បាប់ស្តីពីលក្ខន្តិកៈ មេធាវី បានជួបប្រជុំជាមួយក្រុមការងារ គណៈមេធាវី ស្តីពីកិច្ចប្រជុំស្តីពីការពិនិត្យ និង ពិភាក្សាលើសេចក្តីព្រាងការធ្វើវិសោធនកម្មច្បាប់ ស្តីពីលក្ខន្តិកៈមេធាវី លើកទី៤

(ភ្នំពេញ)​៖ នៅព្រឹកថ្ងៃ ព្រហស្បតិ៍ ៧រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២០ ខែមីនាឆ្នាំ២០២៥, ឯកឧត្តម សួន វិសាល រដ្ឋលេខាធិការក្រសួងយុត្តិធម៌ និងជាប្រធាន ក្រុមលេខាធិការនៃក្រុមការងារធ្វើវិសោធនកម្ម ច្បាប់ស្តីពីលក្ខន្តិកៈមេធាវី បានជួបប្រជុំជាមួយ ក្រុមការងារគណៈមេធាវីនៃព្រះរាជាណាចក្រ កម្ពុជា ដើម្បីធ្វើសេចក្តីព្រាងការធ្វើវិសោធនកម្ម ច្បាប់ស្តីពីលក្ខន្តិកៈមេធាវី លើកទី៤ ដោយមាន ការចូលរួមពីសំណាក់ ឯកឧត្តម លោកជំទាវ លោក លោកស្រី ដែលជាសមាជិកក្រុមប្រឹក្សា គណៈមេធាវី សមាជិក សមាជិកាក្រុមលេខាធិការ និងក្រុមជំនួយការ សរុប ១១​រូប​ នៅសាលប្រជុំក្រសួងយុត្តធម៌។

ជាលទ្ធផល នៃកិច្ចប្រជុំបានត្រួតពិនិត្យ កែសម្រួល បំពេញបន្ថែម ឃ្លាប្រយោគ និងខ្លឹមសារបាន ចំនួន ១២មាត្រា ដើម្បីឱ្យមានភាពច្បាស់លាស់ ផលប្រយោជន៍ស្របតាមបរិបទសង្គម និង សង្គតិភាព។ កិច្ចប្រជុំបានបញ្ចប់ដោយទទួល បានលទ្ធផលយ៉ាងល្អប្រសើរ និងពោរពេញដោយ ភាពស្និតស្នាល៕

ផ្សាយ​:ថ្ងៃទី​២០ ខែមីនា ឆ្នាំ២០២៥

ដោយ:និពន្ធ​នាយករង​អង្គភាព​អាស៊ាន​ដេ​លី

សៅ​ វាសនា​(Harry​ VS)