ឯកឧត្តម ឧត្តមនាវីឯក ទៀ សុខា មេបញ្ជាការកងទ័ពជើងទឹក “ត្រូវអនុវត្តអោយបានមុឹងម៉ាត់ នូវអភិក្រមថ្មី 5R របស់សម្តេចធិបតី ហ៊ុន ម៉ាណែត នាយករដ្ឋមន្ត្រី” ថ្លែងក្នុងពិធីបិទវគ្គបព្រ្ជាបច្បាប់ស្តីពីការដឹកជញ្ជូនតាមផ្លូវទឹក ច្បាប់ស្តីពីការត្រួតពិនិត្យគ្រឿងញៀន ពិធីសម្ពោធសមិទ្ធផលនានា និងពិធីប្រកាសតែងតាំងមុខតំណែង បំពាក់ឋានន្តរស័ក្តិ ជូននាយនាវី អគ្គលេខាធិការដ្ឋាន នៃគណៈកម្មាធិការជាតិសន្តិសុខលម្ហសមុទ្រនៅទីបញ្ជាការជួរមុខ(កោះព្រាប) ក្នុងខេត្ត/ក្រុងព្រះសីហនុ.
(ក្រុងព្រះសីហនុ): ឯកឧត្តម ឧត្តមនាវីឯក ទៀ សុខា មេបញ្ជាការកងទ័ពជើងទឹក និងជាអគ្គលេខាធិការស្តីទី នៃគណៈកម្មាធិការជាតិសន្តិសុខលម្អសមុទ្រ នារសៀលថ្ងៃ២៧ ខែមីនា ឆ្នាំ២០២៥ បានអញ្ជើញចូលរួមជាអធិបតីភាព ក្នុងពិធីបិទវគ្គបព្រ្ជាបច្បាប់ស្តីពីការដឹកជញ្ជូនតាមផ្លូវទឹក ច្បាប់ស្តីពីការត្រួតពិនិត្យគ្រឿងញៀន ពិធីសម្ពោធសមិទ្ធផលនានា និងពិធីប្រកាសតែងតាំងមុខតំណែង បំពាក់ឋានន្តរស័ក្តិ ជូននាយនាវី អគ្គលេខាធិការដ្ឋាន នៃគណៈកម្មាធិការជាតិសន្តិសុខលម្ហសមុទ្រ នៅទីបញ្ជាការជួរមុខ(កោះព្រាប)ស្ថិតនៅភូមិ៣ សង្កាត់១ ក្រុងព្រះសីហនុ.
ជាកិច្ចចាប់ផ្តេីមពិធី ឯកឧត្តម ឧត្តមនាវីទោ លី ហួត មេបញ្ជាការ ទីបញ្ជាការជួរមុខ អគ្គលេខាធិការដ្ឋាន នៃគណៈកម្មាធិការជាតិសន្តិសុខលម្អសមុទ្រ ឡេីងធ្វេីសុន្ទរកថាស្វាគមន៍ និងរបាយការណ៍លទ្ធផលវគ្គបញ្ជាបច្បាប់ អានអនុក្រឹត្យស្តីពីការដំឡើងឋានន្តរស័ក្តិ និងអានប្រកាសស្តីពីការតែងតាំងផ្លាស់ប្តូរមុខតំណែង និងដំឡើង ឋានន្តរស័ក្តិ ជូននាយនាវី ដោយវរនាវីឯក លី គុណហេង ប្រធានការិយាល័យគ្រប់គ្រងបុគ្គលិក អគ្គលេខា ធិការដ្ឋាន នៃគណៈកម្មាធិការជាតិសន្តិសុខលម្ហសមុទ្រ.
ឯកឧត្តម ឧត្តមនាវីឯក ទៀ សុខា នាយនាវីទាំងអស់នៅក្នុងទីបញ្ជាការជួរមុខត្រូវអនុវត្តអោយបានមុឹងម៉ាត់នូវអភិក្រម 5R ថ្មីរបស់សម្តេចធិបតី ហ៊ុន ម៉ាណែតនាយករដ្ឋមន្ត្រីនៃព្រះរាជាណាចក្រកម្ពុជា:
– Retain: ថែរក្សាមន្ត្រី
-Retrain and Retain: បណ្តុះបណ្តាលនិងថែរក្សាមន្ត្រី
– Reassign: ពង្រាយមន្ត្រីឡើងវិញ
– Retrench: កាត់បន្ថយមន្ត្រី
-Recruit: ជ្រើសរើសមន្ត្រីថ្មី
ឯកឧត្តម ឧត្តមនាវីឯក ទៀ សុខា បានបញ្ជាក់ទៀតថា ” ដាវអាជ្ញាសឹកខ្ញុំផ្តល់អោយមេបញ្ជាការនៅទីបញ្ជាការជួរមុខសំរាប់កាត់ក្តីចំពោះនាយនាវីក្នុងទីបញ្ជាការណាដែលមិនគោរពវិន័យ និងពេលវេលានៅពេលបំពេញការងារ នាយនាវីណាមិនគោរពនិងអនុវត្តតាមគឺត្រូវតែលុបឈ្មោះចោល ដោយមិនត្រូវយកមនោសញ្ចេតនាមកនិយាយជាដាច់ខាត.
ឯកឧត្តម ឧត្តមនាវីឯក ទៀ សុខា ទីបញ្ជាការជួរមុខលម្ហសមុទ្រ ជាកំលាងស្នូលក្នុងការពារដែនសមុទ្រ និងទប់ស្កាត់ បង្ក្រាប់រាល់បទល្មេីសនានាលេីផ្ទៃសមុទ្រដែលកេីតមានឡេីង.ឯកឧត្តមបានបន្តទៀតថា “ខ្ញុំនឹងរៀបចំពង្រឹងបន្ថែមនូវសមត្ថភាពរបស់នាយនាវី និងបន្តជំរុញការហ្វឹកហ្វឺនអោយកាន់តែទូលំទូលាយ.
ជាចុងបញ្ចប់ ឯកឧត្តម ឧត្តមនាវីឯក ទៀ សុខា មេបញ្ជាការកងទ័ពជើងទឹក និងជាអគ្គលេខាធិការស្តីទី នៃគណៈកម្មាធិការជាតិសន្តិសុខលម្ហសមុទ្រមេបញ្ជាការកងទ័ពជើងទឹក ក៏បានផ្តល់កិត្តិយសប្រគល់លិខិតបញ្ជាក់ការសិក្សា ប្រគល់ប្រកាសស្តីពីការតែងតាំងមុខតំណែង បំពាក់ឋានន្តរស័ក្តិ និង ប្រគល់ប័ណ្ណថ្លែងអំណរអរគុណជូនដល់សប្បុរសជនដែលបានចូលរូមឧបត្ហម្ថដល់ទីបញ្ជាការជួរមុខផងដែរ.
ផ្សាយ:ថ្ងៃទី២៧ ខែមីនា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ.
សៅ វាសនា(Harry VS)
