មេបញ្ជាការទិសទី១ ក្រើនរំឭកដល់យោធាឱ្យ រួមគ្នាការពារសុខសន្តិភាព ឱ្យបានគង់វង្ស ប្រឆាំង ដាច់ខាតឧបាយកល ដែលនាំឱ្យប្រទេសជាតិធ្លាក់ ចូលក្នុងភ្លើងសង្គ្រាមជាថ្មី

(បន្ទាយមានជ័យ)​ ៖ មេបញ្ជាការរងយោធភូមិភាគ ទី៥ មេបញ្ជាការទិសទី១ លោកឧត្តមសេនីយ៍ទោ ឈុន ម៉ៅ បានលើកឡើងថា កត្តាសន្តិភាពគឺជា កត្តា ចម្បងបំផុតនាំមកនូវជោគជ័យសម្រាប់ការអភិរឌ្ឍន៍ គ្រប់វិស័យ។ ប្រការនេះហើយ ត្រូវរក្សាសន្តិភាព ហើយមិនត្រូវឱ្យសន្តិភាពដែលកំពុងមានរយៈពេល ជាង២៦ឆ្នាំកន្លងមកនេះ ត្រូវឃ្លាតចេញពីកម្ពុជាទៀត បានឡើយ ។ យើងត្រូវនាំគ្នាអរគុណសន្តិភាព និង ប្រឆាំងដាច់ខាតឧបាយកលដែលនាំឱ្យប្រទេសជាតិ ធ្លាក់ចូលក្នុងភ្លើងសង្គ្រាមជាថ្មី។

ការណ៍នេះ ធ្វើឡើងក្នុងពិធីប្រជុំបូកសរុបលទ្ធផល ការងារយោធាសន្តិសុខឆ្នាំ២០២៤ លើកទិសដៅ អនុវត្តការងារឆ្នាំ២០២៥ នៅកងការពារព្រំដែន លេខ៥០៣ ថ្ងៃទី២៧ ខែមីនា ឆ្នាំ២០២៥ ។

លោកឧត្តមសេនីយ៍ទោ ឈុន ម៉ៅ បានលើកឡើង ដោយគូសបញ្ជាក់ថា រាជរដ្ឋាភិបាលកម្ពុជាអាណត្តិ ទី៧ នៃរដ្ឋសភាក្រោមការដឹកនាំប្រកបដោយ ភាពឈ្លាសវៃរបស់សម្តេចធិបតី ហ៊ុន ម៉ាណែ ត បានបន្តជំរុញការកែទម្រង់កងយោធពល ខេមរភូមិន្ទ លើកកម្ពស់ការកសាងបណ្តុះបណ្តាល ធនធានមនុស្ស ការអភិវឌ្ឍសមត្ថភាពកងទ័ព ប្រកបដោយវិជ្ជាជីវៈ និងស្មារតីទទួលខុសត្រូវ ខ្ពស់។ ដោយឡែក ចំពោះកម្លាំងកងការពារព្រំដែន គោកលេខ៥០៣ ចំណុះយោធភូមិភាគទី៥បាន កំណែទម្រង់និងការធ្វើទំនើបកម្មត្រូវតែធ្វើទន្ទឹមគ្នា ព្រោះថាលក្ខណៈពិសេសរបស់កម្លាំងការពារព្រំដែនគឺ តម្រូវការផ្នែកសម្ភារៈគ្រឿងបំពាក់ និងយុទ្ធោបករណ៍ មានគ្រប់កម្រិត គ្រប់ផ្នែកនិងមិនអាចខ្វះបានក្នុងការ បំពេញភារៈកិច្ចរបស់ខ្លួន។

ក្នុងនោះមេបញ្ជាការរងយោធភូមិភាគទី៥ មេបញ្ជាការ ទិសទី១ បានធ្វើការកោតសរសើរ និងរាយតម្លៃ ខ្ពស់ចំពោះកងការពារព្រំដែន៥០៣ ដែលសម្រេច បានស្នាដៃជាច្រើន ពិសេសគឺបានចូលរួមចំណែក យ៉ាងសកម្ម ក្នុងការការពារសន្តិសុខតាមបន្ទាត់ ព្រំដែនកម្ពុជា-ថៃ សហការជាមួយស្ថាប័នពាក់ព័ន្ធ ពង្រឹងការរត់ពន្ធនៅតាមព្រំដែន។បើទោះជាមាន បញ្ហាប្រឈមនៅក្នុងការដឹកនាំការពារអធិបតេយ្យ ខ្លះយ៉ាងណាក៏ដោយ ក៏កម្លាំងបានពុះពារការលំបាក ទាំងនោះដោយយកអស់កម្លាំងកាយចិត្ត ខិតខំ ច្នៃប្រឌិតប្រកបដោយភាពរស់រវើក និងដោះស្រាយ បញ្ហាទាំងនោះនៅតាមបណ្តាអង្គភាពគោលដៅនីមួយ ៗ បានទាន់ពេលវេលាដោយប្រើប្រាស់មធ្យោបាយ របស់អង្គភាព ទៅតាមលទ្ធភាពជាក់ស្តែងជាមួយ ការទទួលខុសត្រូវ និងម្ចាស់ការ។

ទន្ទឹមនោះលោកឧត្តមសេនីយ៍ទោ ឈុន ម៉ៅ ក៏បាន គូសបញ្ជាក់បន្ថែមថា ផ្អែកតាមស្មារតីទទួលខុសត្រូវ របស់នាយទាហាន ពលទាហានកម្លាំងការពារព្រំដែន គោក៥០៣កន្លងមក បានជំរុញចលនា នៃការអនុវត្ត ភារកិច្ចជំនាញទទួលបានជោគជ័យ ព្រមទាំងទទួល បានការកោតសរសើរពីថ្នាក់ដឹកនាំជាបន្តបន្ទាប់ ក្នុង ការបំពេញប្រតិបត្តិការនៅតាមព្រំដែនបានយ៉ាង រលូន។

ដើម្បីប្រសិទ្ធិភាពការងារលោកឧត្តមសេនីយ៍ទោ ឈុន ម៉ៅ បានធ្វើការក្រើនរំឭកនិងផ្តល់អនុសាសន៍ ដល់នាយទាហាន នាយទាហានរងនិងពលទាហាន នៃកងការពារព្រំដែន៥០៣ ត្រូវស្មោះត្រង់ ដាច់ខាតចំពោះជាតិ សាសនា ព្រះមហាក្សត្រនិង រាជរដ្ឋាភិបាល ដែលមានសម្តេចមហាបររធិបតី ហ៊ុន ម៉ាណែត ជានាយករដ្ឋមន្ត្រី។ លើសពីនេះ ត្រូវបន្ត យកចិត្តទុកដាក់ធ្វើជាសេនាធិការជូនយោធភូមិភាគ ទី៥ និងទីបញ្ជាការទិសទី១ លើការងារគ្រប់គ្រង ព្រំដែនឱ្យបានដាច់ខាត ដោយសហការជាមួយបណ្តា អង្គភាពជំនាញពាក់ព័ន្ធ។ជាងនេះត្រូវធ្វើការគ្រប់គ្រង ចែទាំគ្រឿងបំពាក់តាមលក្ខណៈបច្ចេកទេស សព្វាវុធ ដើម្បីធានាឱ្យបានដល់ការងារហ្វឹកហ្វឺនប្រយុទ្ធនិង ប្រើប្រាស់បានយូរអង្វែង។ត្រូវលើកកម្ពស់ការយកចិត្ត ទុកដាក់ដល់ការពង្រីកសាមគ្គីភាព ឯកភាពផ្ទៃក្នុង រក្សាការសម្ងាត់កងទ័ព ពិសេសកិច្ចសហប្រតិបត្តិ ការ ការកសាងកម្លាំងការពារនៅតាមបន្ទាត់ព្រំដែន កម្ពុជា-ថៃដែលខ្លួនឈរជើង ៕

ផ្សាយ:ថ្ងៃទី​២៨ ខែមីនា​ ឆ្នាំ២០២៥

ប្រភព​:ក្រុម​ប្រឆាំង​ព័ត៌មាន​ក្លែងក្លាយ​ក្រុងប៉ោយប៉ែត

ដោយ​:និពន្ធ​នាយករង​អង្គភាព​អាស៊ាន​ដេ​លី

សៅ​ ​វាសនា​(Harry ​VS)