លោកវរសេនីយ៍ទោ នី ចាន់ណារ៉ា ការិយាល័យចរាចរណ៍ផ្លូវគោកខេត្តព្រះសីហនុសហការជាមួយ មន្ទីរសាធារណការនិងដឹកជញ្ជូនខេត្ត ចុះធ្វើការណែនាំ និងផ្សព្វផ្សាយអំពីច្បាប់ចរាចរណ៍ផ្លូវគោកជូលដល់ក្រុមតៃកុងឡានធុនធ្ងន់.
(ខេត្តព្រះសីហនុ): ដោយមានការចង្អុលបង្ហាញពីឯកឧត្តម ឧត្តមសេនីយ៍ឯក ស រដ្ឋា អគ្គស្នងការរងនគរបាលជាតិនិងជាស្នងការនគរបាលខេត្តព្រះសីហនុ លោកវរសេនីយ៍ទោ នី ចាន់ណារ៉ា នាយការិយាល័យចរាចរណ៍ផ្លូវគោកខេត្តព្រះសីហនុ នាព្រឹក ថ្ងៃទី៣ ខែមេសា ឆ្នាំ២០២៥ នេះបានដឹកនាំកងកម្លាំងសមត្ថកិច្ចនគរបាល សហការជាមួយ មន្ទីរសាធារណការនិងដឹកជញ្ជូនខេត្ត ចុះធ្វើការផ្សព្វផ្សាយអំពីច្បាប់ចរាចរណ៍ផ្លូវគោកព្រមទាំងធ្វេីការបង្ហាត់បង្ហាញច្បាប់ស្តីពីចរាចរណ៍ ដល់តៃកុងឡានធុនធ្ងន់មួយចំនួនក្នុងក្រុងព្រះសីហនុ និងចែកមួកសុវត្ថិភាពដល់សិស្សានុសិស្ស នៅសាលាបឋម វិទ្យាល័យ ហ៊ុន សែន ឃ្លាំងលើ ស្ថិតនៅសង្កាត់លេខ១ ក្រុងព្រះសីហនុ ខេត្តព្រះសីហនុ។
លោកវរសេនីយ៍ទោ នី ចាន់ណារ៉ា នាយការិយាល័យ ចរាចរណ៍ខេត្តក៏បានគូសបញ្ចាក់ផងដែរថា លោកតែងតែសង្កេតឃេីញតៃកុងឡានធុនធ្ងន់មួយចំនួនតែងតែបេីកបរ និងប្រេីប្រាស់លេីគន្លងផ្លូវខុសផ្លូវនឹងអ្វីដែលក្រសួង/មន្ទីរសាធារណការ និងដឹកជញ្ជូនបានកំណត់ ហេីយការបេីកមិនគោរពនូវគំនូសចរាចរណ៍បែបនេះជាហេតុបង្កអោយមាមការកក់ស្ទះ ឫក៏គ្រោះថា្នក់ដែលអាចកេីតមានជាយថាហេតុ.
ទន្ទឹមនឹងនោះ លោកវរសេនីយ៍ទោ នី ចាន់ណារ៉ា បានចែក
ជូននូវខិតបណ្ណ័ និងSticker ចំណាំងផ្លាតដល់តៃកុងឡានមួយចំនួន និងសំណូមពរដល់បងៗដែលជាអ្នកបេីកទាំងអស់ សូមចូលរួមគោរពច្បាប់អោយបានគ្រប់ៗគ្នា និងគ្រប់ពេលបេីកបរផងដែរ.
ផ្សាយ:ថ្ងៃទី៣ ខែមេសា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ
សៅ វាសនា(Harry VS)
