បែកធ្លាយ ឯកសារពីលោក សាង ង៉ែត មុនពេលលោក ស្លាប់ ពាក់ព័ន្ធនិងក្រុមហ៊ុនឲ្យដោះស្រាយប្រាក់គោលនយោបាយ វគ្គ២

ផ្សាយចេញនៅថ្ងៃទី ០៥ខែមីនាឆ្នាំ២០២២

សា្ថប័នប្រឆាំងអំពើពុករលួយ អង្គភាពប្រឆាំងអំពើពុករលួយលេខ:០៦២ /២២

លោក សាង ង៉ែត មានទីលំនៅផ្ទះលេខ៣៨៦ ផ្លូវ៣៧១ ភូមិត្នោតជុំ

សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ

កម្មវត្ថុ ករណីស្នើសុំ អង្គភាពប្រឆាំងអំពើពុករលួយ ជួយអន្តរាគមន៍ទៅសាលារាជធានីភ្នំពេញ ក្រសួងរៀបចំដែនដី នករូបនីយកម្ម និងសំណង់ និងក្រុមហ៊ុនឲ្យដោះស្រាយប្រាក់រគោលនយោបាយជូនលោក

យោង ៖ ពាក្យប្តឹងដែលអង្គភាពប្រឆាំងអំពើពុករលួយ ទទួលបាននៅថ្ងៃទី ០១ ខែ កុម្ភៈ ឆ្នាំ ២០២២ និងស្មារតីអង្គ ប្រជុំពិនិត្យពាក្យប្ដឹងថ្ងៃទី ០២ ខែ កុម្ភៈ ឆ្នាំ ២០២២។

តបតាមកម្មវត្ថុ និងយោងខាងលើ ខ្ញុំសូមជម្រាប លោក ថា អង្គភាពប្រឆាំងអំពើពុករលួយ (អ.ប.ព.) បានទទួល

និងពិនិត្យរួចហើយលើពាក្យប្តឹងរបស់លោកដែលបានស្នើសុំ អ.ប.ព. ជួយអន្តរាគមន៍ទៅសាលារាជធានីភ្នំពេញ ក្រសួង រៀបចំដែនដី នករូបនីយកម្ម និងសំណង់ និងក្រុមហ៊ុនឲ្យដោះស្រាយប្រាក់គោលនយោបាយជូនលោក។

តាមរយៈការពិនិត្យលើឯកសារដែលភ្ជាប់មកជាមួយពាក្យប្តឹង ការបំភ្លឺបន្ថែមតាមរយៈទូរស័ព្ទរបស់លោក និង ក្នុងកិច្ចប្រជុំវិភាគពាក្យប្ដឹងកាលពីថ្ងៃទី ០២ ខែ កុម្ភៈ ឆ្នាំ ២០២២ អ.ប.ព. យល់ឃើញថា ករណីនេះពុំបានបង្ហាញពី តម្រុយនៃអំពើពុករលួយ ដែលជាសមត្ថកិច្ចរបស់ អ.ប.ព. ទេ។ អាស្រ័យហេតុនេះ សូម លោក ជ្រាបជាព័ត៌មាន។

សូម លោក ទទួលនូវការរាប់អានពីរូបខ្ញុំ។

ទេសរដ្ឋមន្តី ពីអង្គភាពប្រឆាំងអំពើពុករលួយ ហេត្ថលេខានិងត្រា បណ្ឌិត ឱម យ៉ិនទៀង

នេះជាឯកសារ មួយផ្នែក ដែលអង្គភាព អ្នកសារព័ត៌មានយើង ទទួលបាន ពីលោកពូ សាង ង៉ែតមុនពេលគាត់ស្លាប់

ផ្ទៃដី ចំនួន១៩០ហិកតា នៅចំណុចជាដីបម្រុងទុក អភិវឌ្ឍ ដែលរដ្ឋបាលរាជធានីភ្នំពេញ ជូនដំណឹងស្តីពីការវាស់វែង និងត្រូវកំណត់ព្រំដីក្នុងបឹងជើងឯក ស្ថិតនៅ ខណ្ឌ មានជ័យ និងខណ្ឌ ដង្កោ រាជធានីភ្នំពេញ ចំពោះករណីនេះ គណៈកម្មការបានបញ្ជូន ទៅ ឯកឧត្តម អភិបាល តាមរយៈ លិខិតលេខ:០៩០ រស.គ១ចុះថ្ងៃទី២៦ខែកញ្ញាឆ្នាំ២០១៩ ដើម្បីសុំជួយដោះស្រាយ ប៉ុន្តែរហូតមកដល់ពេលនេះ គាត់ថានៅពុំទាន់បានទទួលនៅឡើយ

យោងតាមឯកសារ របស់ រដ្ឋសភា លេខ:០៩០រស.គ១និង លេខ:០៥៥រស.គ១ ចុះថ្ងៃទី២៩ខែធ្នូ ឆ្នាំ២០២០ និងហេត្ថលេខានិងត្រា ប្រធាន រដ្ឋសភា សម្តេច អគ្គមហាពញាចក្រី ហេង សំរិន

យោងភ្ជាប់ឯកសារ ខុទ្ធការល័យ សម្តេច អគ្គមហាសេនាបតីតេជោហ៊ុនសែន នាយករដ្ឋមន្ត្រី លេខ:៨៥៦ ខន/០២១ ដីការបញ្ជូន គោរពជូន ឯកឧត្តម ឧបនាយករដ្ឋមន្ត្រីរដ្ឋមន្ត្រីក្រសួង រៀបចំដែនដីនគរូបនីយកម្មនិងសំណង់ (ប្រភព សំណើ ) លិខិតចុះថ្ងៃទី ១៤ ខែមិថុនា ឆ្នាំ២០២១ របស់ឈ្មោះ សាង ង៉ែត ភេទប្រុស មានទីលំនៅផ្ទះលេខ ៣៨៦ ផ្លូវលេខ ៣៧១ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ គោរពជូន សម្តេចតេជោនាយករដ្ឋមន្ត្រី សំណើសុំមេត្តាជួយអន្តរាគមន៍ ដោះស្រាយប្រាក់គោល នយោបាយឡើងវិញចំពោះដីគាត់ចំនួន ០៥ កន្លែង ដែល មានទំហំសរុប ៣០៨៣៦,៨៧ម២ មានទីតាំងស្ថិតនៅ ភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ សូមឯកឧត្តម ទទួលនូវការគោរព រាប់អាន ដ៏ជ្រាលជ្រៅពីខ្ញុំ រាជធានីភ្នំពេញ ថ្ងៃទី១៥ខែមិថុនា ឆ្នាំ២០២១ ហេត្ថលេខានិងត្រា នាយកខុទ្ទកាល័យ ហូ សីទ្ធី

ក្រុមការងារអ្នកសារព័ត៌មាន និងអង្គភាពដែលបានផ្សព្វផ្សាយ ទាំងអស់ ទទួលនៃការស្នើសុំ និងបំពេញ កាតព្វកិច្ច មុនពេលលោកពូ សាង ង៉ែត ស្លាប់ និងសូម សំណូមពរ ដល់ឯកឧត្តម ឃួង ស្រេង អភិបាលនៃគណៈ អភិបាលរាជធានី ភ្នំពេញ សូមមេត្តា ជួយអន្តរាគមន៍ ក្នុងករណីខាងលើ ដោយក្តីអនុគ្រោះ

អង្គភាពអ្នកសារព័ត៌មាន  ASEAN DAILY រងចាំការឆ្លើយបំភ្លឺ គ្រប់ ស្ថាប័នពាក់ព័ន្ធ គ្រប់ពេលម៉ោងធ្វើការ តាមរបបអ្នកសារព័ត៌មាន សូម អរគុណ៕ ដោយ មច្ចុរាជ