នាព្រឹកថ្ងៃពុធ ១៣រោច ខែផល្គុន ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី៣០ ខែមីនា ឆ្នាំ២០២២

ឯកឧត្តម សុខ ប្រសិទ្ធិ រដ្ឋលេខាធិការ និងជាសមាជិក គណៈកម្មាធិការ គ.អ.ស.អ.ប.អ បានចូលរួមពិធីប្រកាសអនុក្រឹត្យស្តីពីគណៈកម្មាធិការពិសេសតាមដាន ការអនុវត្តកម្មវិធីសកម្មភាពនៃសន្និសីទអន្តរជាតិស្តីពីប្រជាជន និងអភិវឌ្ឍន៍ និងប្រកាសសមាសភាពនៃគណៈកម្មាធិការពិសេសនេះ ក្រោមអធីបតីភាពដ៏ខ្ពង់ខ្ពស់ ឯកឧត្តមកិត្តិសេដ្ឋាបណ្ឌិត ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ និងជាប្រធានគ.អ.ស.អ.ប.អ តាមប្រព័ន្ធវីដេអូអនឡាញ ដែលរៀបចំឡើងដោយក្រសួងផែនការ និងអង្គការ UNFPA ។ កម្មវិធីនេះ មានអ្នកចូលរួមប្រមាណ ៧០០ នាក់ ដែលជាសមាជិកគណៈកម្មាធិការពិសេស អភិបាលនៃគណៈអភិបាល រាជធានី-ខេត្ត មន្ទីរជំនាញពាក់ព័ន្ធរាជធានី ខេត្ត ដៃគូអភិវឌ្ឍន៍ និងអង្គការសង្គមស៊ីវិល ។