ភ្នំពេញ ៖ សពជនជាតិអ៊ិស្លាមម្នាក់ ត្រូវបានសមត្ថកិច្ចនាំគ្នា គា.ស់យកមកត្រួតពិនិត្យទាំងភ្លៀង បន្ទាប់ពីបែកធ្លាយរឿងឃា.តកម្ម ដោយសង្ស័យប្អូនស្រីជាអ្នកចាក់សម្លា.ប់បងប្រុស បន្ទាប់ពីមានទំនាស់គ្នាក្នុងគ្រួសារ ។
ទោះបីជាយ៉ាងណា ស្ត្រីជាម្តាយស.ពបានព្យាយាមលាក់បាំងដោយអះអាងថា សពកូនប្រុសរបស់ខ្លួនបានស្លា.ប់ដោយសារតែជំងឺសួត ។ ការគាស់ស.ពយកមកត្រួតពិនិត្យនេះបានធ្វើឡើង កាលពីវេលាម៉ោងប្រមាណ៣និង៣០នាទីរសៀល ថ្ងៃទី១៨ ខែកក្កដានេះ នៅចំណុច ដីសហគម ដែលស្ថិតនៅភូមិ សង្កាត់ច្រាំងចំរេះទី២ ខណ្ឌឬស្សីកែវ រាជធានីភ្នំពេញ បន្ទាប់ពីមានការសង្ស័យថា ជារឿងឃា.តកម្ម ។
ទន្ទឹមនោះស្រីម្នាក់ដែលគេស្គាល់ថា ជាប្អូនស្រី ត្រូវបានសមត្ថកិច្ចខណ្ឌឬស្សីកែវឃាត់ខ្លួន ដោយជាប់សង្ស័យថា បានចាក់សម្លា.ប់បងប្រុសខ្លួន ។
សពដែលសង្ស័យថា ប្អូនស្រីចាក់សម្លា.ប់នោះឈ្មោះ ឡោះ សុខគ្រីភេទប្រុស អាយុ៤១ឆ្នាំ មុខរបរលាងម៉ូតូ មានលំនៅភូមិ ឃុំសង្កាត់ច្រាំងចំរេះទី២ ខណ្ឌឬស្សីកែវ ។ ចំណែកប្អូនស្រីដែលជាប់សង្ស័យ ឈ្មោះ ឡោះ ស៊ីម៉ាស់ អាយុប្រមាណ៣៧ឆ្នាំ ។
តាមព័ត៌មានអោយដឹងថា បុរសខ្មែរអ៊ិស្លាមរូបនោះបានស្លា.ប់ទាំងអាថ៌កំបាំង កាលពីវេលាម៉ោងប្រមាណ១០និង៣០នាទីយប់ ថ្ងៃទី១៧ ខែ កក្កដា ឆ្នាំ២០២២ ស្រាប់តែនៅព្រឹកថ្ងៃទី១៨ ខែកក្កដា ឆ្នាំ ២០២២ ស្ត្រីជាម្តាយឈ្មោះ ម៉ើ ហ្វាល់ អាយុ៧២ឆ្នាំ បានព្យាយាមលាក់បាំងការពិតបានធ្វើលិខិត គោរពចូលទៅអនាម័យខណ្ឌឬស្សីកែវ ដើម្បីសុំបញ្ចុះស.ព ដោយអះអាងថា កូនប្រុសរបស់ខ្លួនបានស្លាប់ដោយសារតែជំងឺសួតរយៈពេល១០ឆ្នាំមកហើយ ។
បន្ទាប់ពីកប់ស.ពក៏មានការភ្ញាក់ផ្អើល និងមានការសង្ស័យពីអ្នកជិតខាងជាខ្លាំងហើយ សមត្ថកិច្ចក៏បានចុះសាកសួរ មានការសង្ស័យជារឿងឃា.តកម្ម ក៏បានឃាត់ខ្លួនស្ត្រីជាប្អូនស្រីនោះ នៅវេលាថ្ងៃត្រង់ នឹងឈានទៅគាស់ស.ព យកមកត្រួតពិនិត្យ ។
តាមព័ត៌មានអោយដឹងទៀត នៅមុនពេលកើតហេតុ ប្អូនស្រីបានបង្ខំបងអោយលេបថ្នាំ បងអត់លេបក៏មានទំនាស់គ្នា ឈានទៅចាក់សម្លា.ប់បងនឹងកូនកាំបិតតែម្តង ។
ទោះបីជាយ៉ាងណាស្ត្រីជាប្អូន ពុំទាន់សារភាពនៅឡើយ ។នៅរសៀលនោះ សមត្ថកិច្ច បានគាស់សពទាំងភ្លៀងដើម្បីត្រួតពិនិត្យ ។ នៅវេលាម៉ោងប្រមាណជាង៤ទៅហើយពុំទាន់គាស់បានឡើយ ៕