ប្រភពច្បាស់ការពីមន្រ្តីអគ្គស្នងការដ្ឋាននគរបាលជាតិបានបង្ហេីបអោយដឹងនៅយប់នេះថា ពាក់ព័ន្ធករណី
ក្រុមហ៊ុន OL Football ឯកឧត្ដមនាយឧត្ដមសេនីយ៍ នេត សាវឿន អគ្គស្នងការនគរបាលជាតិ បានចេញបទបញ្ជាអោយសមត្ថកិច្ច ស្រាវជ្រាវរកមេក្លោងដែលកំពុងអូសទាញប្រជាពលរដ្ឋអោយលែងល្បែងអនឡាញខុសច្បាប់ជ្រកក្រោមស្លាកវិនិយោគមកផ្ដន្ទាទោសតាមច្បាប់ ។
ប្រភពបានអោយដឹងទៀតថា ក្រសួងការបរទេស និង សហប្រតិបត្តិការអន្តរជាតិ បបានធ្វើលិខិតមួយច្បាប់ផ្ញើទៅ អគ្គស្នងការដ្ឋាននគរបាលជាតិ ដេីម្បីស្រាវជ្រាវក្រុមហ៊ុន OL Football ដែលក្លែងឯកសាររបស់ក្រសួងការបរទេស និង សហប្រតិបត្តិការអន្តរជាតិ ហើយ ឯកឧត្ដមនាយឧត្ដមសេនីយ៍ អគ្គស្នងការនគរបាលជាតិបានចារអោយនាយកដ្ឋានជំនាញស្រាវជ្រាវករណីនេះហើយ ។
តាមព័ត៌មានដែលខ្ញុំទទួលបាន មេក្លោងក្លែងឯកសារនេះ តាមការបង្ហេីបពីសមាជិក OL Football គឺឈ្មោះ ចាប សារុន ដែលបច្ចុប្បន្នរស់នៅ ភូមិ អន្លង់ថ្លឹង ឃុំ មហាសាំង ស្រុក ភ្នំស្រួច ខេត្ត កំពង់ស្ពឺ ។ បុគ្គល ចាប សារុន នេះ ធ្វើសកម្មភាពក្លៀវក្លាណាស់ ក្នុងការអូសទាញប្រជាពលរដ្ឋអោយចូលរួមវិនិយោគដោយខុសច្បាប់ ។ ឥលូវសមាជិក កំពុងជ្រួលច្របល់ដោយសារតែដកលុយមិនបាន ។
សង្ឃឹមថា សមត្ថកិច្ច នឹងស្រាវជ្រាវតាមចាប់ ជនពាក់ព័ន្ធបោកប្រាស់ប្រជាជនតាមអនឡាញ និង ក្រុមហ៊ុន OL Football យកមកផ្ដន្ទាទោសតាមច្បាប់ ។