មហាជនជាច្រើនកំពុងរិះគន់អាជ្ញាធរខណ្ឌ៧មករាអសមត្ថភាពក្នុងចុះបង្ក្រាបទីតាំងបើក(ភ្នាល់ចាក់បាល់ និងបៀរការ៉ាត) តាមអនឡាញដុះស្លែរដ៏ធំមួយកន្លែងបណ្តោយផ្លូវ១៨២ ទល់មុខផ្សារអូរឫស្សីនៅតែបណ្តែតបណ្តោយអោយមានការបើកលេង!!វគ្គA2

ភ្នំពេញ៖ ទីតាំងល្បែងស៊ីសងខុសច្បាប់ ដល់សកម្ម «ភ្នាល់បាល់ និងបៀការ៉ាត់ តាមអនឡាញ» មួយកន្លែង ស្ថិតនៅផ្លូវ ១៨២ សង្កាត់អូឬស្សីទី១ ខណ្ឌ៧មករា រាជធានីភ្នំពេញ នៅតែហ៊ានបន្តបើកដំណើរការបានយ៉ាងគឃ្លើន ទោះបីជាអាជ្ញាធរនិងសមត្ថកិច្ចមូលដ្ឋាន ប្រមានមិនឲ្យបើក។

ប្រជាពលរដ្ឋ ជាច្រើន កំពុងតែមានការភ័យខ្លាច ចំពោះ វត្តមាន ទីតាំងល្បែងស៊ីសងខុសច្បាប់ តាមអនឡាញ ខាងលើ ព្រោះល្បែងស៊ីសងគឺជាដើមចមនៃការបង្កបង្កើតនូវពពួក ចោរលួច ចោរឆក់ ចោរប្លន់ និងបទល្មើសផ្សេងទៀត គឺកើតចេញពីល្បែងស៊ីសងនេះឯង។

ចំណែកឯលោកវរសេនីយ៍ឯក នេត ស៊ីថុន អធិការនគរបាលខណ្ឌ៧មករា បានបញ្ជាក់ប្រាប់សារព័ត៌មាននៅថ្ងៃនេះថា «ទីតាំងបនល្បែងភ្នាល់តាមអនឡាញ ខាងលើនេះ បានធ្វើកិច្ចសន្យាមិនឲ្យបើកល្បែងស៊ីសង បន្តទៀតនោះទេ» ផ្ទុយទៅវិញ ទីតាំងល្បែងស៊ីសងខុសច្បាប់ខាងលើនេះ បែរជាមិនគោរពច្បាប់ នៅតែបន្តបើកលេងយ៉ាងគឃ្លើន បំពានលើកិច្ចសន្យា។

លោកអធិការបានបញ្ជាក់ទៀតថា៖ លោកនឹងប្រាប់ដល់នាយប៉ុស្តិ៍ និងលោកចៅសង្កាត់ ឲ្យចុះចាត់វិធានការសារជាថ្មីម្តងទៀត ចំពោះទីតាំងល្បែងស៊ីសងខុសច្បាប់ខាងលើ ដែលកំពុងតែបន្តបើកដំណើរការយ៉ាងគឃ្លើន ដោយមិនគោរពច្បាប់។

ប្រជាពលរដ្ឋ ជាច្រើន កំពុងរងចាំមើលចំណាត់ការក្តៅរបស់លោក លឹម ភា អភិបាលនៃគណៈអភិបាលខណ្ឌ ៧មករា និងលោក នេត ស៊ីថុន អធិការនៃអធិការដ្ឋាននគរបាលខណ្ឌ៧មករា ចំពោះ ទីតាំងបទល្មើសល្បែងស៊ីសងខុសច្បាប់ខាងលើ ជាថ្មីម្តងទៀត។

ជុំវិញការចុះផ្សាយខាងលើនេះ អង្គភាពសារព័ត៌មានយើង និងរងចាំការបំភ្លឺ បន្ថែមទៀតពី អាជ្ញាធរនិងសមត្ថកិច្ចមូលដ្ឋាន រៀងរាល់ម៉ោងធ្វើការ៕

សូមអរគុណ!