ល្បែងស៊ីសងគ្រប់ប្រភេទខុសច្បាប់នៅកាស៊ីណូម៉ូណាកូ ដែលស្ថិតនៅភូមិកគោ ឃំុបន្ទាយចក្រី ស្រុកព្រះស្តេច បើកលេងដោយសេរី។

(ខេត្តព្រៃវែង)ប្រភពព័ត៌មានពីប្រជាពលរដ្ឋនៅឃុំបន្ទាយចក្រី ស្រុកព្រះស្ដេច ខេត្តព្រៃវែង បានឲ្យដឹងថា​ ក្រោយពេលស្ថានភាពឆ្លងរាលដាលនៃជំងឺកូវីដ-១៩ បានធូរស្បើយឡើងវិញបន្តិច គឺល្បែងបញ្ជល់មាន់ ល្បែងស៊ីសងជាច្រើនប្រភេទទៀតនៅក្នុងទីតាំងកាស៊ីណូម៉ូណាកូ ចាប់ផ្តើមដំណើរការឡើងវិញយ៉ាងពេញបន្ទុក។ ប្រភពបានឲ្យដឹងទៀតថា​ បុគ្គលដែលបើកនោះមានខ្សែស្រឡាយស្រុក ដែលមានខ្នងបង្អែករឹងមាំបានចាប់ផ្តើមបើកល្បែងបញ្ជល់មាន់ និងល្បែងនិងបៀអាប៉ោងជាច្រើនប្រភេទទៀតឡើងវិញ ហើយមានអ្នកចូលរួមលេងល្បែងយ៉ាងពពាក់ពពូន​ជារៀងរាល់ថ្ងៃ។ រីឯលោក ជៃ សេង ហ៊ាងអធិការស្រុកព្រះស្ដេច នឹង ព្រំ សន្ធ ស្នងការនគរបាលខេត្តព្រៃវែង មិនទាន់ចាត់វិធានការ​ទប់ស្កាត់ល្បែងស៊ីសងខុសច្បាប់បើកលេងនៅឡើយទេ។ ហេតុនេះហើយទើបប្រជាពលរដ្ឋព្រួយបារម្ភយ៉ាងខ្លាំងពីបញ្ហាអសន្តិសុខសង្គម។

តាមការបញ្ជាក់ពីប្រជាពលបានឲ្យដឹងថា ក្នុងមួយថ្ងៃៗមានអ្នកជិះម៉ូតូនិងរថយន្តជាច្រើនគ្រឿងមកលេងល្បែងក្នុងទីតាំងកា​ស៊ីណូម៉ូណាកូ។ ប្រភពបានឲ្យដឹងទៀតថា ល្បែងបញ្ជល់មាន់ បៀអាប៉ោងយូគី និងល្បែងជាច្រើនប្រភេទទៀតសុទ្ធតែបើកលេងទ្រង់ទ្រាយធំ ហើយម្ចាស់ទីតាំងដែលមានស្រឡាញ់ស្រុកនោះ ជាមេល្បែងអាចរកចំណូលបានយ៉ាងច្រើនសន្ធឹកសន្ធាប់ក្នុងមួយថ្ងៃៗ ព្រោះមន្ត្រីអាជ្ញាធរនិងសមត្ថកិច្ចក្នុងខេត្តព្រៃវែង មិនហ៊ានចាត់វិធានការត្រួតពិនិត្យឲ្យបានត្រឹមត្រូវនោះទេ។ ជាក់ស្តែងលោក ជៃ សេង ហ៊ាង អធិការស្រុកព្រះស្ដេច នឹង លោក ព្រំ សន្ធ ស្នងការនគរបាលខេត្តព្រៃវែង បណ្តោយឲ្យបុគ្គលមានខ្សែស្រឡាយស្រុក បើកល្បែងស៊ីសងយ៉ាងសុខស្រួលមិនខ្វល់ពីការរិះគន់អ្វីទាំងអស់។

បើតាមប្រភពខ្លះបានឲ្យដឹងថាបុគ្គលមានខ្សែស្រឡាយស្រុក មានខ្នងបង្អែករឹងមាំទើបអាចបើកល្បែងស៊ីសងឡើងវិញនៅទីតាំងកាស៊ីណូម៉ូណាកូ នៅក្នុងភូមិ កគោ បន្ទាយចក្រី ស្រុកព្រះស្ដេច យ៉ាងរំភើយ ហើយមានអ្នកចូលរួមលេងល្បែងយ៉ាងពពាក់ពពូនជារៀងរាល់ថ្ងៃ។ ហេតុនេះថ្នាក់ដឹកនាំខេត្តព្រៃវែងព្រមទាំងលោក ជាសុ មេ ធី អភិបាលនៃគណៈអភិបាលខេត្តព្រៃវែង មិនគួរមើលរំលងភាពអសកម្មរបស់លោក ជៃ សេងហ៊ាង អធិការស្រុកព្រះស្ដេច និងលោក ព្រំ សន្ធ ស្នងការនគរបាលខេត្តព្រៃវែង តទៅទៀតឡើយ។ ប្រជាពលរដ្ឋបានលើកឡើងថា​ ករណី បុគ្គលដែលមានខ្សែស្រឡាយស្រុក បើកល្បែងស៊ីសងយ៉ាងពេញបន្ទុកជាហេតុធ្វើឲ្យកើតមានអំពើចោរកម្មនិងបទល្មើសផ្សេងៗគួរឲ្យភ័យខ្លាច។បឋមព្រុំសុជា