លោក ហ៊ុយ សុជាតិ អបើកដៃឲ្យមេៗគយនៅច្រកព្រំដែនទ្វេភាគីដាក់ដាំ ស្រុកអូររាំង នៅច្រកព្រំដែនទ្វេភាគីណាំលៀ ហៅច្រកប៉ុស្តិ៍៧ ក្នុងស្រុកពេជ្រាដា និងនៅច្រកព្រំដែនទ្វេភាគីឡាប៉ាខេ ស្រុកកែវសីមា ប្រមូលលុយតាមរបៀបពុករលួយ 27/11/2021

ប្រភពដែលស្និទ្ធនឹងលោក ហ៊ុយ សុជាតិ មេគយខេត្តមណ្ឌលគិរី បានលើកឡើងថា ដោយសារមានខ្នងបង្អែកដ៏រឹងមាំនៅក្នុងអគ្គនាយកដ្ឋានគយនិងរដ្ឋាករកម្ពុជា ទើបលោក ហ៊ុយ សុជាតិ មិនញញើតក្នុងការប្រើប្រាស់អំណាច និងតួនាទីដើម្បីប្រមូលលុយតាមរបៀបពុករលួយ ហើយមកដល់ពេលនេះអំពើពុករលួយរបស់មេគយឈ្មោះ ហ៊ុយ សុជាតិនេះមានសភាពកាន់តែរលូន។ ដូច្នេះលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ គួរចាត់វិធានការទប់ស្កាត់ចំពោះអំពើពុករលួយរបស់លោក ហ៊ុយ សុជាតិ និងមេៗគយតាមច្រកព្រំដែនក្នុងខេត្តមណ្ឌលគិរី ខ្លះផង។ មន្ត្រីគយក្នុងខេត្តមណ្ឌលគិរី បានបង្ហើបឲ្យដឹងថា ឈ្មួញធំៗដែលរកស៊ីទំនិញពីស្រុកយួន តាមច្រកទ្វេភាគីទាំង៣កន្លែងនៅខេត្តមណ្ឌលគិរី កំពុងក្លាយជាប្រភពចំណូលរបស់លោក ហ៊ុយ សុជាតិ ហើយមេឈ្មួញទាំងនោះធ្វើអ្វីៗតាមអំពើចិត្ត។
តាមការបង្ហើបពីមន្ត្រីគយនៅក្នុងខេត្តមណ្ឌលគិរី បានឲ្យដឹងថា មកដល់ពេលនេះអំពើពុករលួយរបស់មេគយឈ្មោះ ហ៊ុយ សុជាតិ ដែលប្រចាំការនៅខេត្តមណ្ឌលគិរី ប្រព្រឹត្តទៅកាន់តែរលូនព្រោះលោក គុណ ញឹម អគ្គនាយកគយ ដូចជាមិនហ៊ានចាត់វិធានការទប់ស្កាត់អំពើពុករលួយយ៉ាងពេញបន្ទុក និងតាមច្រើនរូបភាពរបស់លោក ហ៊ុយ សុជាតិ នោះឡើយ។ ហេតុនេះហើយទើបលោក ហ៊ុយ សុជាតិ អាចបើកដៃឲ្យមេៗគយនៅច្រកព្រំដែនទ្វេភាគីដាក់ដាំ ស្រុកអូររាំង នៅច្រកព្រំដែនទ្វេភាគីណាំលៀ ហៅច្រកប៉ុស្តិ៍៧ ក្នុងស្រុកពេជ្រាដា និងនៅច្រកព្រំដែនទ្វេភាគីឡាប៉ាខេ ស្រុកកែវសីមា ប្រមូលលុយតាមរបៀបពុករលួយយ៉ាងសុខស្រួល។​ ប្រភពបានបន្តឲ្យដឹងទៀតថា មេគយពុករលួយឈ្មោះ ហ៊ុយ សុជាតិ នេះយកជំនាញខាងពុករលួយកាលនៅជាប្រធានការិយាល័យច្រកប៉ោយប៉ែត មកអនុវត្តន៍ជាមេគយខេត្តមណ្ឌលគិរី យ៉ាងពេញទំហឹងគ្មានញញើតអ្វីនោះទេ។

ប្រភពពីមន្ត្រីពាក់ព័ន្ធនៅច្រកព្រំដែនទ្វេភាគីដាក់ដាំ បានបន្តឲ្យដឹងទៀតថា ឈ្មួញធំៗនៅតែអាចនាំទំនិញគេចពន្ធ ប្រេងសាំងគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់តាមច្រកដាក់ដាំយ៉ាងរលូន ព្រោះមានការបើកដៃពីប្រធានការិយាល័យគយប្រចាំនៅច្រកដាក់ដាំ តែម្តង។ ការដែលប្រធានការិយាល័យគយច្រកដាក់ដាំ សម្រួលឲ្យឈ្មួញធ្វើអ្វីៗតាមអំពើចិត្ត គឺដោយសារអាងមានលោក ហ៊ុយ សុជាតិ ដែលជាមេគយខេត្តមណ្ឌលគិរី ជាខ្នងបង្អែកដ៏រឹងមាំ ហើយបែងចែកផលប្រយោជន៍តាមលំដាប់លំដោយជាប្រចាំ។ ទន្ទឹមនឹងនេះមេៗគយនៅច្រកព្រំដែនទ្វេភាគីណាំលៀ ហៅច្រកប៉ុស្តិ៍៧ និងច្រកព្រំដែនទ្វេភាគីឡាប៉ាខេ​ ក៏ប្រព្រឹត្តនូវទង្វើមិនខុសពីមេគយនៅច្រកទ្វេភាគីដាក់ដាំ នោះដែរ។មានត