ន្ទីរធនធានទឹកខេត្តកំពង់ស្ពឺថា ក្រុមហ៊ុនចិនដែលធ្វើរបងនេះ បានរំលោភលើដីចំណីនិងចូលក្នុងអូរ ចំណែកមន្ត្រីអាជ្ញាធរថា មិនរំលោភទេ! ……

ក្រោយពីព័ត៌មានបានថតរូបរបងរបស់ក្រុមហ៊ុនចិនមួយកន្លែងដែលបានធ្វើរំលោភលើដីចំណីនឹងក្នុងអូរ ព្រមទាំងរបងដែលធ្វើរួចនោះមានកម្ពស់ជាង៨ម៉ែត្រនៅចំណុចភូមិសំបួរ ឃុំមហាសាំង ស្រុកភ្នំស្រួច ខេត្តកំពង់ស្ពឺ ។

យោងតាមរបាយការណ៍របស់មន្ត្រីមូលដ្ឋាន កាលពីរសៀលថ្ងៃទី១៣មីនាឆ្នាំ២០២៤ដែលមានមន្ត្រីសរុប៨រូប ចូលរួមទៅពិនិត្យដលទីតាំងក្រុមហ៊ុនចិនបានធ្វើរបងរំលោភលើដីចំណីអូរនៅក្នុងទីតាំងខាងលើនោះ។ ស្រាប់តែពួកគាត់ថារបងក្រុមហ៊ុនចិននេះ មិនបានរំលោភលើដីចំណីអូរនោះទេព្រមទាំងថា អ្នកព័ត៌មានផ្សាយមិនត្រឹមត្រូវទៅវីញ ។

លោកប្រធានមន្ទីរធនធានទឹកនឹងឧតុនិយមខេត្តកំពង់ស្ពឺ លោកមិនឯកភាពតាមមន្ត្រីអាជ្ញាធរនោះទេតាមពិតក្រុមហ៊ុនចិនបានធ្វើរបងរំលោភលើដីចំណីអូរពិប្រាកដមែន ។ ដោយអន្លើៗរាប់រយម៉ែត្រស្របតាមអូរ ខាងលើ ព្រមទាំងក្រុមហ៊ុនចិននេះសាងសង់របងមានកម្ពស់ជាង៨ម៉ែត្រពីដី ណាមួយទៀតក្រុមហ៊ុនមួយនេះបានកាប់បំផ្លាញដើមឈើលើមាត់អូរព្រមទាំងទំលក្ខចូលក្នុងថែមទៀតផង ។

លោកបានបន្ថែមទៀតថា របងរបស់ក្រុមហ៊ុនចិនលើនេះមានកម្ពស់ខ្ពស់ម្លឹងៗ ហើយបើសិនជាខាងជំនាញលោកទៅកាយស្តាអូរនោះត្រឹមជំរូវពីម៉ែត្រប្រាកដណាស់ច្បាស់ជារបងនេះរលំចូលអូរឬសង្កត់ប្រជាពលរដ្ឋស្លាប់មិនខានឡើយ ទើបរូបលោកមិនឯកភាពតាមអាជ្ញាធរមូលដ្ឋានឡើយ ។

ចំណែកប្រជាពលរដ្ឋរស់នៅក្នុងភូមិឃុំខាងលើ ព្រមទាំងមហាជនពួកគាត់កំពុងងើងឆ្ងល់ថាមូលហេតុអ្វីបានជាមន្ត្រីអាជ្ញាធរទាំងប្រាំបីនាក់នេះថា ក្រុមហ៊ុនចិនខាងលើធ្វើរបងមិនរំលោភលើដីចំណីអូរទៅវិញ។ទើបពួកគាត់ដាក់ការសង្ស័យថាប្រហែជនអ្នកទាំងនោះបានទទួលផលប្រយោជពីក្រុមហ៊ុនហើយមើលទៅមិនខ្វលពីសុវត្ថិភាពពួកគាត់ទៅវិញព្រោះដីស្រែចម្ការពួកជាមួយអូរផ្នែកខាងលិច ។

ជាចុងក្រោយ ប្រជាពលរដ្ឋព្រមទាំងមហាជនសំណូមពរទៅក្រសួងជំនាញចាត់មន្ត្រីឲ្យមកស៊ើបមន្ត្រី៨រូបខាងលើ តើពួកគាត់ជាប់ពាក់ព័ន្ជអំពើពុករលួចជាមួយក្រុមហ៊ុននេះឬអត់ ហើយបើសិនជាមានការជាប់ពាក់ព័ន្ឋអំពើពុករលួយមែន សូមក្រសួងចាត់ការតាមច្បាប់ ៕