ទីតាំងផលិតបារីនៅស្រុកត្រាំកក់ត្រូវបានការពារដោយកម្លាំងយោធាដែលមិនអាចមាននរណាដើរក្បែរបាន

ខេត្តតាកែវ÷ អ្នកភូមិរស់នៅតំបន់ក្បែរខាងទីតាំងផលិតបារី នៅភូមិបុស្សតាផង់ ឃុំត្រពាំងក្រញូង ស្រុកត្រាំកក់ ខេត្តតាកែវ បានសម្ដែងក្តីបារម្ភចំពោះបញ្ហាដែលពួកគាត់មិនអាចប្រកប របររកស៊ីបន្តិចបន្តួចបាន ពីព្រោះទីភ្នំដែលធ្លាប់រកអុសឬបន្លែបង្ការបន្តិចបន្តួច ដើម្បីលក់បានប្រាក់គ្រាន់ដោះ ស្រាយជីវភាពនោះ ពេលនេះមិនអាចដើរក្បែរបានទៀតទេ។ ពីព្រោះទីនេះក្លាយទៅជារោងចក្រផលិតបារី ដែលត្រូវបានយាមការពារយ៉ាងតឹងតែង និងម៉ត់ចត់ដោយមន្ត្រីយោធាប្រដាប់អាវុធ។
ពលរដ្ឋ,ប្រធានភូមិ,មេប៉ុស្តិ៍..បានដឹងអំពីករណីទីតាំងផលិតបារី១កន្លែងនេះ។ អ្នកភូមិនិយាយថា មុនដំបូងគេបានរើសកម្មករ នៅក្នុងចំណោមប្រជាពលរដ្ឋជិតខាងរោងចក្រផលិតបារី នេះដែរ។ ប៉ុន្តែ អ្វីដែលជាលក្ខខណ្ឌតឹងតែងមួយ មិនអាចឱ្យបងប្អូនធ្វើការងារនៅទីនោះបាន គឺមិនអនុញ្ញាតឲ្យចេញក្រៅជាដាច់ខាត។ ធ្វើជាកម្មករនៅក្នុងរោងចក្រផលិតបារីនៅទីនេះ គឺទទួលបានប្រាក់ខែ២៨០ដល្លារក្នុង១ខែជាមួយនឹងអាហារបាយទឹកនៅក្នុងនោះតែម្ដង ពោលគឺមិនអនុញ្ញាតឲ្យចេញក្រៅជា ដាច់ខាត។ ដូច្នេះហើយកូនចៅពលរដ្ឋ អ្នកភូមិជិតខាងមិនបានធ្វើការងារនៅក្នុងរោងចក្រផលិតបារីនេះទេ។ ស្ត្រីវ័យចំណាស់ម្នាក់និយាយថា “កូនខ្ញុំវាវិលទៅធ្វើការនៅភ្នំពេញវិញហើយ, នៅទីនេះគេឲ្យ២៨០(ដុល្លារ)តែ ការសំខាន់នោះគឺមិនឲ្យចេញក្រៅទេ,ឮថា កន្លះខែបានឲ្យចេញម្ដង”។