ស្រុកកណ្តាលស្ទឹង ចាប់បានក្មេងទំនើងចំនួន២នាក់ ករណីកាន់កាប់ និងប្រើប្រាស់អាវុធខុសច្បាប់
ខេត្ដកណ្ដាល
ស្រុកកណ្តាលស្ទឹង
សូមគោរពរាយការណ៍ជូនមេ(បឋម)
ថ្ងៃទី២៤ ខែ ឧសភា ឆ្នាំ ២០២៤
-ករណីៈ កាន់កាប់និងប្រើប្រាស់អាវុធដោយខុសច្បាប់(ដំបងដែករលាស់)បង្ករឡេីងដោយក្មេងទំនើង
-កើតហេតុ៖ ថ្ងៃទី២៤ ខែឧសភា ឆ្នាំ២០២៤ វេលាម៉ោង ០២:៣០នាទី
-ចំណុច៖ ភូមិអន្លង់រមៀតខាងលិច ឃុំអន្លង់រមៀត ស្រុកកណ្ដាលស្ទឹង ខេត្តកណ្ដាល។
***ជនរងគ្រោះ ០០នាក់÷
**ជនសង្ស័យ ០២នាក់÷
១.ឈ្មោះ ស៊ឹម ម៉ាលី ភេទប្រុស អាយុ១៨ឆ្នាំ រស់នៅភូមិសាយាវ ឃុំព្រះនិពាន្ត ស្រុកគងពិសី ខេត្តកំពង់ស្ពឺ ។ (មុខរបរ កម្មកររោងចក្រ)(ឃាត់ខ្លួន)
២.ឈ្មោះ វ៉ាន់ ណាត ភេទប្រុស អាយុ២៤ឆ្នាំ បច្ចុប្បន្នស្នាក់នៅផ្ទះជួល ក្នុងស្រុកគងពិសី ខេត្តកំពង់ស្ពឺ (មុខរបរ កម្មកររោងចក្រ)(ឃាត់ខ្លួន)
***វត្ថុតាងចាប់យក(មាន)
-ដំបងដែករលាស់ចំនួន០១ប្រវែង៦៦សង់ទីម៉ែត្រ
-ម៉ូតូ០១គ្រឿងម៉ាក C125 ពណ៌ខ្មៅ ស៊េរីឆ្នាំ២០១៥ ពាក់ផ្លាកលេខ បាត់ដំបង1V-9304
-ទូរស័ព្ទដៃ០១គ្រឿងម៉ាកIPHONE 11 ពណ៌ខ្មៅ
-លោហ:ធាតុពណ៌ទង់ដែកចំនួន០១ខ្សែមានប្រវែង៦១សង់ទីម៉ែត្រ
សភាពនៃរឿងហេតុ
នៅថ្ងៃទី ២៤ ខែ ឧសភា ឆ្នាំ ២០២៤ វេលាម៉ោងមុនពេលកេីតហេតុខាងលើកម្លាំងប៉ុស្តិ៍នគរបាលរដ្ឋបាលអន្លង់រមៀតបានដឹងដឹកនាំកម្លាំងប្រជាកាពារចុះល្បាតក្នុងភូមិសាស្ត្រងាយរងគ្រោះតាមបណ្ដោយផ្លូវជាតិលេខ ៣ បានឃេីញក្រុមក្មេងទំនើងមួយក្រុមមានគ្នា០៦នាក់ជិះម៉ូតូ០៣គ្រឿងមានកាន់អាវុធនឹងខ្សែក្រវ៉ាត់ក្នុងដៃ ភ្លាមនោះកម្លាំងប៉ុស្តិ៍នគរបាលអន្លង់រមៀតបានឃាត់ខ្លួនជនសង្ស័យបានចំនួនពីរនាក់ខាងលើករួមទាំងវត្ថុតាងបញ្ជូនមកអធិការនគរបាលស្រុកកណ្តាលស្ទឹងដើម្បីធ្វើការសាកសួរ។ក្រោយធ្វើការសាកសួររួចជនសង្ស័យទាំងពីរនាក់បានសារភាពថាខ្លួននឹងបក្ខពួកទាំង០៦បានចេញពីរហាងផឹកសុីមួយកន្លែងនៅម្តុំផ្សារព្រៃទទឹងពេលនោះមានក្រុមជនសង្ស័យមួយក្រុមមិនស្គាល់អត្តសញ្ញាណបានដេញវាយបក្ខពួករបស់ខ្លួនឃើញដូចនោះក្រុមបក្ខពួកជនសង្ស័យខាងលើក៏បានជិះរត់គេចទៅបន្ទប់ជួលរបស់ខ្លួនមួយសន្ទុះក្រោយមកជនសង្ស័យនឹងបក្ខពួកខាងលើកបាននាំគ្នាជិះម៉ូតូកាន់អាវុធនឹងខ្សែក្រវ៉ាត់ជិះតាមបណ្តោយផ្លូវជាតិលេខ៣ ដើម្បីដើររកមើលជនសង្ស័យមួយក្រុមទៀតដែលដេញវាយបក្ខពួករបស់ខ្លួនរួចបានជួបកម្លាំងប៉ុស្តិ៍នគរបាលរដ្ឋបាលអន្លង់រមៀតតែម្តង។
បច្ចុចប្បន្នជនសង្ស័យរួមទាំងវត្ថុតាងកំពុងឃាត់ខ្លួននៅអធិការដ្ឋាននគរបាលស្រុកកណ្តាលស្ទឹងដើម្បីកសាងសំណុំរឿងតាមនិតិវីធីច្បាប់។
វរសេនីយ៍ឯក ឡេង សុខរុន