បែកធ្លាយហើយ ! ក្រោយលោកមេឃុំទំព័រមាស ក្លែងឯកសារដីធ្លី ក្រោមសម្រែកអយុត្តិធម៌របស់ប្រជាពលរដ្ឋស្ទើរតែមួយភូមិពាមឃ្លៃ

ខេត្តកំពង់ស្ពឺ ៖ ជម្លោះដីធ្លីដ៏រ៉ាំរ៉ៃមួយត្រូវបានអូសបន្លាយជាយូរឆ្នាំណាស់មកហើយ ត្រូវបានបែកធ្លាយធ្លាយឯកសារ ពាក់ព័ន្ធនឹងភាពមិនប្រក្រតីរបស់លោក ឆាយ សឿ មេឃុំទំព័រមាស ដែលបានឃុបឃិតជាមួយស្ត្រីឈ្មោះ តាំង គួយ ដែលស្ត្រីរូបនេះបានអះអាងថាជាម្ចាស់ដីធ្លីស្របច្បាប់យ៉ាងពិតប្រាកដ ដោយ

គូរបដិបក្ខរវាងម្ចាស់ដីនិងស្ត្រីដែលអះអាងថាជាដីពិតប្រាកដនេះ គឺស្ថិតក្នុងភូមិពាមឃ្លៃ ឃុំទំព័រមាស ស្រុកសំរោងទង ខេត្តកំពង់ស្ពឺ ។

យោងតាមព័ត៌មានពីលោក ថន សុខ និងប្រពន្ធឈ្មោះ ស គីម បានឲ្យដឹងថា ៖ ដីស្រែ និងភូមិនេះគឺទទួលបានការគ្រប់គ្រងតាំងពីប្រទេសកម្ពុជាបានរំដោះតាំងពី 1979 មកម្ល៉េះ ដែលកាលណោះឪពុកម្តាយរបស់គាត់ជាអ្នកគ្រប់គ្រងកាន់កាប់។ ប៉ុន្តែនៅពេលលោកស្រី ស គីម រៀបការរួចមក គឺនៅឆ្នាំ 1996 ត្រូវបានឪពុកម្តាយលោក ចែកដីស្រែនិងដីភូមិនេះជាចំណងដៃសំរាប់ពួកគាត់ទាំងពីរជាគូរស្វាមីនិងភរិយា។ សូមបញ្ជាក់ថា ៖ កាលណាណោះដីនៅតំបន់នោះ ពីទាន់ចេញប្លង់ឬកម្មសិទ្ធិដោយអាជ្ញាធរមូលដ្ឋានឡើយ។

លុះដល់កំលុងឆ្នាំ 2022 ស្រាប់តែមានស្ត្រីឈ្មោះ តាំង គួយ ចេញប្តឹងតវ៉ាយកដីស្រែ និងភូមិទាំងពីរនាក់ប្តីប្រពន្ធគាត់មិនបានដឹងខ្លួនទាល់តែសោះ។ លុះដោយខ្ជិលវែងឆ្ងាយចុះឡេីងច្រើនដង ប្តីប្រពន្ធគាត់ក៏សម្រេចចិត្តប្រគល់ដីស្រែនោះ អោយទៅលោកស្រី តាំង គួយ ជាអ្នកគ្រប់គ្រងវិញម្តង ។ ប៉ុន្តែស្មានតែចប់រឿងហើយ ស្រាប់តែលោកស្រី តាំង គួយ នៅតែបន្តប្តឹងទាមទារដីភូមិបន្តទៀត ដែលមានក្បាលដី 20ម៉ែត្រ បណ្តាយ70ម៉ែត្រ តែប្តីប្រពន្ធលោកស្រី ស គីម ដាច់ខាតគឺគាត់មិនព្រមអោយដាច់ខាត ព្រោះពួកគាត់ទុកចែកអោយកូន (នេះបេីតាមការបព្ជាាក់ពីលោកស្រី ស គីម )។

យោងតាមការបព្ជាាក់ពីសាក្សីចាស់ទុំស្ទើរតែមួយភូមិពាមឃ្លៃ បានឲ្យ ASEAN DAILY ដឹងថា ៖ ដីស្រែនិងដីភូមិនេះគឺពិតប្រាកដជារបស់ប្តីប្រពន្ធ លោកស្រី ស គីម យ៉ាងពិតប្រាកដមែន ដោយពួកគាត់បានអះអាងបន្តទៀតថា ៖ បេីទោះបីអោយពួកគាត់បន្តធ្វើសាក្សី ឬ ស្បថស្បែដល់ណា ! ក៏ពួកគាត់ហ៊ានស្បថឬបន្តទៅដែរ ( នេះបេីតាមប្រជាពលរដ្ឋបានអះអាង)។

យោងតាមឯកសារបែកធ្លាយ បានឲ្យ ASEAN DAILY ដឹងថា ៖ ភាពមិនប្រក្រតីរបស់លោក ឆាយ សឿង មេឃុំទំព័រមាស ដែលបានក្លែងបន្លំឯកសារដីធ្លី ដែលលោកបានអះអាងថា បានចេញអោយលោកស្រី តាំង គួយ ទាំងដីស្រែនិងដីចំការនៅឆ្នាំ 1999 ចំនួន 35184 ម៉ែត្រការ៉េ ដែលកាលណ្ណោះ លោក ឆាយ សឿន ជាអតីតមេភូមិពាមឃ្លៃ ប៉ុន្តែឯកសារដែលលោកចេញអោយលោកស្រី តាំង គួយ នោះគឺមិនអាចទទួលយកតាមផ្លូវច្បាប់បានទេ ព្រោះមានទាំងការកោសបំពេញបន្ថែម ដែលគ្មានច្បាប់ណាអាចយកជាការបានឡើយ។

លោក ឆាយ សឿង មេឃុំទំព័រមាស បានឲ្យ ASEAN DAILY ដឹងតាមរយៈតេឡេក្រាម ដែល ASEAN DAILY សូមដកស្រង់ដូចខាងក្រោមនេះ ៖ ខ្ញុំ (ឆាយ សឿ ) អតីតមេភូមិពាមឃ្លៃ ចេញបណ្ណដីស្រែនិងដីចំការ ចំនួន 35184 ម៉ែត្រការ៉េ ស្ថិតនៅក្នុងភូមិពាមឃ្លៃ ឃុំទំព័រមាស ស្រុកសំរោងទង ខេត្តកំពង់ស្ពឺ

មានចំនួន4ទីតាំង គឺ ទី1: ភូមិពាមឃ្លៃ, ទី2: ដីបឹងម្កាក់ធំ, ទី3: ដីបឹងឈេឺទាលពោយ, ទី4: ដីព្រៃរលក ។ ប្រសិនបើយើងមេីលលិខិតដែលខុសប្រក្រតី (កោសលុប និងសសរបន្ថែម) និងបព្ជាាក់ពីលោក ស៊ុន ឆាយ គឺមិនសុីសង្វាក់និងគ្នាសោះឡើយ ហើយ ASEAN DAILY ព្យាយាមធ្វើបទសម្ភាសន៍បន្ថែមទៀត តែលោក ឆាយ សឿន បច្ចុប្បន្នជាមេឃុំទំព័រមាស គឺមិនលេីកទូរស័ព្ទទាល់តែសោះ។

ASEAN DAILY បានធ្វើការទំនាក់ទំនងទៅលោកស្រី តាំង គួយ ដោយលោកស្រីបានអោយដឹងថា ៖ លោកស្រីកាន់កាប់គឺតាំងពីឆ្នាំ 1993 មកម្ល៉េះ ដែលកាលណ្ណោះ លោក ឆាយ សឿន ជាអតីតមេភូមិពាមឃ្លៃ ជាអ្នកចេញអោយ ។ ( លិខិតកោសលុបឆ្នាំ1999) គឺមិនស៊ីសង្វាក់គ្នាសោះឡើយ ហើយលោកស្រី តាំង គួយ បានធ្វើការគំរាមដល់អង្គភាព ASEAN DAILY យេីងថា ហាមមិនអោយយកសម្តីគាត់ ( តាំង គួយ ) ចេញផ្សាយជាដាច់ខាត, ដែលសម្តីនេះលោកស្រីនេះ គឺហាក់បំបិទសិទ្ធិសេរីភាពសារព័ត៌មាន ឬលោកខ្លាចមហាជន ក៏ដូចជាថ្នាក់ដឹកនាំខេត្តកំពង់ស្ពឺ លោកបានដឹងការពិតអំពីការឃុបឃិតគ្នារវាងលោក ឆាយ សឿង និងលោកស្រី ?

លោក ថន សុខ និងលោកស្រី ស គីម រួមទាំងប្រជាពលរដ្ឋដែលជាសាក្សីស្ទើរតែមួយភូមិ លោកសូមសំណូមពរ ឯកឧត្តម ជាម ច័ន្ទសោភ័ណ អភិបាលខេត្តកំពង់ស្ពឺ

សូមឯកឧត្តមមេត្តាផ្តល់ភាពយុត្តិធម៌ដល់ក្រុមគ្រួសារគាត់ផង ដែលគាត់បានសម្បទានដីស្រែមួយកន្លែងហើយ អោយលោកស្រី តាំង គួយ តែចំពោះដីភូមិនេះគឺគាត់មិនអោយទៀត ព្រោះគាត់កូនៗច្រេីនទៀត។

ពួកគាត់ដែលរងគ្រោះក៏សូមសំណូមពរ សម្តេចតេជោ ហ៊ុនសែន និងសម្តេចបវរធិបតី ហ៊ុន ម៉ាណែត ជានាយករដ្ឋមន្ត្រីនៃព្រះរាជាណាចក្រកម្ពុជា សូមសម្តេចទាំងទ្វេ មេត្តាជួយអន្តរាគមន៍ក្រុមគ្រួសារលោកស្រី ស គីម នេះផង។

មហាទូទៅរួមទាំងអ្នកច្បាប់ផងដែរ លោកក៏សុំសំណូមពរអាជ្ញាពាក់ព័ន្ធ ជាពិសេស ឯកឧត្តម ជាម ច័ន្ទសោភ័ណ អភិបាលខេត្តកំពង់ស្ពឺ ដែលលោកទេីបមកកាន់តំណែងថ្មីៗ សូមមានវិធានការចំពោះលោក ឆាយ សឿង មេឃុំទំព័រមាសដែលបានឃុបឃិតជាមួយលោកស្រី តាំង គួយ ក្នុងការក្លែងបន្លំឯកសារក្លែងក្លាយដីធ្លី នេះអង្គភាព ASEAN DAILY រកឃេីញតែមួយករណីផង ប្រហែលអាចមានករណីផ្សេងៗទៀតជាច្រេីនផងក៏មិនដឹង?។

អង្គភាពព័ត៌មាន ASEAN DAILY និងរងចាំការបកស្រាយបំភ្លឺពីគ្រប់ភាគីពាក់ព័ន្ធនូវរៀងរាល់ម៉ោងតាមច្បាប់ស្តីពីរបបសារពត៌មាន៕