យោងតាមគណនេយ្យ ហ្វេសប៊ុក លោក តាន់ គឹមសួរ ដែលអង្គភាព ASEAN DAILY សូមដកស្រង់ទាំងស្រុងដូចខាងក្រោមនេះ ៖

ខ្ញុំបានឆាតទៅសួរនាំលោក តុប កក្កដាប្រធានមន្ទីរបរិស្ថានខឹត្តកំពង់ធំផ្ទាល់ហើយអំពីករណីដែលលោកប្ដឹងចាប់យុវជនដែលជាអ្នកសារព័ត៍មានម្នាក់ដាក់ពន្ធនាគារ តែមិនឃើញលោកចូលមើល ខ្ញុំក៏ស្រេចចិត្តបង្ហោះនៅទីនេះតែម្ដងទៅ ក្រែងលោកអាចមើលឃើញបាន។

សុំសួរទៅតុលាការសាលាដំបូងខេត្តកំពង់ធំបន្តិចថា ក្នុងស្ថានទម្ងន់ទោសដែលបានចែងក្នុងក្រមព្រហ្មទណ្ឌមាត្រា៣០៥ មាត្រា៤៩៥ មាត្រា៤៩៦ ដូចមិនមានតម្រូវឲ្យដាក់ពន្ធនាគារទេ តែហេតុអ្វីបានជាតុលាការសម្រេចចាប់យុវជនខាងលើដាក់ពន្ធនាគារ មកដល់ឥលូវនេះចូល៤ខែហើយ ហើយបិតមិនឲ្យមេធាវីបន្តការស៊ើបសួរទៅទៀត? ខ្ញុំឆ្ងល់ សូមលោកតុលាការសាលាដំបូងខេត្តកំពង់ធំជួយបំភ្លឺឲ្យខ្ញុំ ក៏ដូចជាប្រជាជនខេត្តកំពង់ធំដែលកំពុងតែកើតទុក្ខមិនសុខចិត្តបានដឹងផង។