បែកធ្លាយ! មេក្លោងធំជួញដូរគ្រឿងញៀនជាទណ្ឌិតបព្ជារចេញពីក្នុងពន្ធនាគារព្រៃស (ហៅម១) ខណៈមន្ត្រីនៃមន្ទីរប្រឆាំងគ្រឿងញៀន ខិតខំបង្រា្កបបានជាង៤០០ គីឡូក្រាមថ្មីៗនេះ

រាជធានីភ្នំពេញ ÷ យោងតាមគណនីហ្វេសប៊ុកមួយដែលមានឈ្មោះថា÷ «កំសត់ កូនពុកម៉ែ» ដែលម្ចាស់គណនេយ្យនោះបានចូលខមមិនផេកផ្លូវការរបស់សម្ដេចធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា និងឯកឧត្តមសន្ដិបណ្ឌិត នេត សាវឿន ប្រធានឣាជ្ញាធរជាតិប្រយុទ្ធប្រឆាំងគ្រឿងញៀន ព្រមទាំងឯកឧត្តម ឣភិសន្ដិបណ្ដិត ស សុខា ឧបនាយករដ្ឋមន្ដ្រី និង ជារដ្ឋមន្ត្រីក្រសួងមហាផ្ទៃ ដោយម្ចាស់គណនេយ្យហ្វេសប៊ុកឈ្មោះ «កំសត់ កូនពុកម៉ែ» បានលេីកឡើងដែលអង្គភាព ASEAN DAILYសូមដកស្រង់ទាំងស្រុងយ៉ាងដូច្នេះថា ÷ ថ្នាក់ដឹកនាំ និងមន្ដ្រី ពន្ធនាគារមណ្ឌលឣប់រំកែប្រែទី១ (ព្រៃស) កំពុងតែប្រព្រឹត្តខុសក្រមសីលធម៌ និងបទវិន័យមន្ដ្រីឣនុរក្សពន្ធនាគារ ដែលបណ្ដែតបណ្ដោយឲ្យទណ្ឌិតក្នុងពន្ធនាគារឣាចជួញដូគ្រឿងញៀនតាមឣំពើចិត្តបាន ( នេះជាការលេីកលេីងម្ចាស់គណនេយ្យ

«កំសត់ កូនពុកម៉ែ»។

ជាមួយគ្នានេះដែរម្ចាស់ហ្វេសប៊ុកដែលមានឈ្មោះ«កំសត់ កូនពុកម៉ែ» បានលេីកឡើងអំពីកម្លាំងប្រឆាំងបទល្មើសគ្រឿងញៀន ដែលបានបង្ក្រាបគ្រឿងញៀនជាលក្ខណៈខ្នាតធំ កាលពីថ្ងៃទី២៤ ខែសីហា ឆ្នាំ២០២៤ កន្លងទៅថ្មីៗនេះ ដែលមានការសម្របសម្រួលនីតិវិធីដោយលោក គឹម ហុងសាន ឣគ្គព្រះរាជឣាជ្ញារងនៃឣយ្យការឣមសាលាដំបូងរាជធានីភ្នំពេញ កម្លាំងនគរបាលនៃមន្ទីរប្រឆាំងបទល្មើសគ្រឿងញៀន (ក៤) ដែលបានបង្ក្រាបករណី «រក្សាទុកដឹកជញ្ជូន និងជួញដូរដោយខុសច្បាប់នូវសារធាតុញៀន» នៅ៣ទីតាំង ដោយបានឃាត់ជនសង្ស័យបានចំនួន៦នាក់ រួមនិង គ្រឿងញៀនចំនួន ៤០០គីឡូក្រាមផងដែរ។

យោងតាមរបាយការណ៍របស់មន្ទីរប្រឆាំងគ្រឿងញៀន លេខ ៩៣២ រ.ប.ក ចុះថ្ងៃទី២៧ ខែសីហា ឆ្នាំ២០២៤ ជូនទៅឯកឧត្ដមព្រះរាជឣាជ្ញា នៃឣយ្យការឣមសាលាដំបូងរាជធានីភ្នំពេញ បានបញ្ជាក់ថា ÷ មេក្លោងដ៏ធំបំផុតបញ្ជាចេញពីពន្ធនាគារព្រៃស ជនសង្ស័យមានឈ្មោះ យៀក ភេទប្រុស ជនជាតិវៀតណាម ឣាយុ ប្រហែល២៩ឆ្នាំ ប្រើទូរស័ព្ទលេខ 095 449 271 និងតាមប្រព័ន្ធបណ្ដាញសង្គម Messenger ដែលមានឈ្មោះ Mr.Ben (ជាប់ក្នុងមណ្ឌលព្រៃស ហៅម១) គឺជាមេក្លោងហេីយក៏ជាឈ្មួញជួញដូរដោយខុសច្បាប់នូវសារធាតុញៀន ហើយក៏ជាឣ្នកបញ្ជាចេញពីពន្ធនាគារឲ្យទៅឈ្មោះ ដាំ ប្រុសពៅ ភេទប្រុស ទៅពិនិត្យ និងរាប់លុយថ្លៃទិញសារធាតុញៀនដែលបានយកមករក្សាទុកនិង ដឹកជញ្ជូនសំរាប់ជួញដូរ។

ជនសង្ស័យឈ្មោះ រាជ ភេទប្រុស ជនជាតិខ្មែរ ប្រើប្រាស់ប្រព័ន្ធបណ្ដាញសង្គមតេឡេក្រាម ឈ្មោះ Reach ពុំចាំ លេខទូរស័ព្ទ (ជាប់មណ្ឌលឣប់រំកែប្រែទី១ ម១) គឺជាមេក្លោង និងជាឈ្មួញជួញដូរដោយខុសច្បាប់នូវសារធាតុ ញៀន និងជាឣ្នកបញ្ជាចេញពីពន្ធនាគារឲ្យឈ្មោះ ឣេង គឹមសាយ ភេទប្រុស ទៅចូលរួមជាមួយ ដាំ ប្រុសពៅ ភេទ ប្រុស ទៅពិនិត្យ និងរាប់លុយថ្លៃសារធាតុញៀនដែលបានយកមករក្សាទុកដឹកជញ្ជូនជួញដូរ។

ពាក់ព័ន្ធការលេីកឡេីងរបស់មា្ចស់គណនេយ្យហ្វេសប៊ុក «កំសត់ កូនពុកម៉ែ»នេះផងដែរ ឣង្គភាពសារព័ត៌មាន ASEAN DAILY យេីងខ្ញុំបានផ្តល់កិច្ចសម្ភាសន៍លោក យិន គន្ធ ប្រធានពន្ធនាគារព្រៃស ហៅមណ្ឌលកែប្រែម១ ដោយបានប្រាប់យេីងវិញថា លោកបានចូលនិវត្តន៍ហើយ ។

អង្គភាពសារព័ត៌មាន ASEAN DAILY យើងខ្ញុំផ្សព្វផ្សាយដេីម្បីជាប្រយោជន៍ដល់សង្គមតែប៉ុណ្ណោះ ក្រោមការដឹកនាំរបស់សម្តេច ហ៊ុន ម៉ាណែត ជានាយករដ្ឋមន្ត្រីនៃព្រះរាជាណាចក្រកម្ពុជា គឺគ្មានចេតនាញុះញង់ឬដាក់សម្ពាធឲ្យបុគ្គលណាម្នាក់ឡេីយ។

អង្គភាពព័ត៌មាន ASEAN DAILY យេីងខ្ញុំនិងរងចាំការបកស្រាយបំភ្លឺពីគ្រប់ភាគីពាក់ព័ន្ធនូវរៀងរាល់ម៉ោងតាមច្បាប់ស្តីពីរបបនៃសារពត៌មាន៕