ទំនិញគ្រប់ប្រភេទនៅតែបន្តនាំចូលតាមច្រកអន្តរជាតិភ្នំឌិន តេីមន្ត្រីគយនៃច្រកទ្វារភ្នំឌិននេះលោកមានបានពិនិត្យត្រឹមត្រូវឬទេមុនអនុញ្ញាតឲ្យចូលប្រទេសខ្មែរ?

ចេញផ្សាយថ្ងៃទី២៤ ខែកញ្ញា ឆ្នាំ២០២៤

ខេត្តតាកែវ ÷ ទំនិញគ្រប់ប្រភេទជាច្រើនមុខ និងជាតម្រូវការបាច់របស់ប្រជាពលរដ្ឋខ្មែរ មិនថាបន្លែ ផ្លែឈើ ត្រីសាច់ ភេសជ្ជ និងរបស់ប្រើប្រាស់ផ្សេងៗ គឺនៅតែបន្តនាំចូលតាមច្រកអន្តរជាតិភ្នំឌិនជាហូរហែការ ។

តាមប្រភពព័ត៌មានបានឲ្យដឹងថា ÷ ជារៀងរាល់ថ្ងៃនៅតែមានចរាចរណ៍យ៉ាងមមាញឹក ព្រោះជាតម្រូវការចាំបាច់របស់ប្រជាពលរដ្ឋខ្មែរ ប៉ុន្តែមិនសូវមានឡានធំៗដូចប្រហែលកន្លះខែមុនឡេីយ ដោយសារតែមានពត៌មានក្នុងស្រុកចេញផ្យាយជាព្រោងព្រាតពាក់ព័ន្ធនឹងឡានធុនធំៗដឹកយ៉ាងគគ្រឹកគគ្រេង បណ្តាលឲ្យខូចខាតផ្លូវជាតិដែលយ៉ាងធ្ងន់ធ្ងរ ។

ប្រជាពលរដ្ជបានឲ្យដឹងថា ÷ សព្វថ្ងៃ

ជាតម្រូវការរបស់ពួកគាត់ជាអ្នកបរិភោគផ្ទាល់មាន បន្លែ ផ្លែឈើ ត្រី សាច់ ផ្សេងទៀត ដូច្នេះសំណូមពរមន្ត្រីគយច្រកទ្វារអន្តរជាតិភ្នំឌិន មេត្តាពិនិត្យគុណភាពអោយបានត្រឹមត្រូវផង មុននឹងអនុញ្ញាតឱ្យនៅចូលប្រទេសកម្ពុជា ព្រោះវាធ្វើអោយប៉ះពាល់ដល់សុខភាពពួកគាត់អ្នកប្រើប្រាស់ និងកូនៗផងដែរ។

ប្រជាពលរដ្ឋនិងអ្នកដែលប្រើប្រាស់ផ្លូវជាតិលេខ២ ពីច្រកព្រំដែនអន្តរជាតិភ្នំឌិនខេត្តតាកែវ មកដល់រាជធានីភ្នំពេញសុំសំណូមពរ ឯកឧត្តម សុខ សូកាន ជារដ្ឋមន្ត្រីក្រសួងអធិការកិច្ច ដែលលោកទេីបឡើងថ្មី និង ឯកឧត្តម វុី សំណាង អភិបាលខេត្តតាកែវ សូមមេត្តាចាត់ជំនាញចុះមកធ្វេីអធិការកិច្ចច្រកព្រំដែនអន្តរជាតិភ្នំពេញឌិននេះផងទាន តេីការនាំចូលទំនិញផ្សេងបានចូលររដ្ឋត្រឹមត្រូវដែរឬទេ? តើការនាំចូលមាន÷ បន្លែ ,ផ្លែឈើ, ត្រី, សាច់ជ្រូក, មាន់,ទា ជាដើម តេីបានពិនិត្យត្រឹមត្រូវដែរឬទេ?

អង្គភាពព័ត៌មានយើងមិនអាចសុំការទំនាក់ទំនងពីប្រធានច្រកអន្តរជាតិភ្នំឌិនបានទេ ព្រោះមិនមានលេខទំនាក់ទំនង។

អង្គភាពសារព័ត៌មានយើងខ្ញុំផ្សព្វផ្សាយដេីម្បីជាប្រយោជន៍ដល់សង្គម ដេីម្បីសុខភាពប្រជាពលរដ្ឋខ្មែរ និងចំណូលចូលជាតិតែប៉ុណ្ណោះ ក្រោមការដឹកនាំរបស់សម្តេច ហ៊ុន ម៉ាណែត ជានាយករដ្ឋមន្ត្រីនៃព្រះរាជាណាចក្រកម្ពុជា អណត្តិទី៧ គឺគ្មានចេតនាញុះញង់ឬដាក់សម្ពាធឲ្យបុគ្គលណាម្នាក់ឡេីយ។

អង្គភាពព័ត៌មានយេីងខ្ញុំនិងរងចាំការបកស្រាយបំភ្លឺពីគ្រប់ភាគីពាក់ព័ន្ធនូវរៀងរាល់ម៉ោងតាមច្បាប់ស្តីពីរបបសារពត៌មាន៕