ភ្ញៀវទេសចរណ៍កំពុងលេងល្បែងជល់មាន់ក្នុងកាស៊ីណូ«ថ្មពេជ្រ» យ៉ាងសប្បាយរីករាយ ស្រាប់តែឮស្នូរគ្រាប់កាំភ្លេីងបាញ់ជាច្រេីនគ្រាប់ រត់ផ្អើលយកព្រះអាយុស

ខេត្តកណ្តាល ៖ យោងតាមប្រភពពត៌មានបឋមឱ្យដឹងថា ៖ នៅរសៀលថ្ងៃទី២៦ ខែកញ្ញា ឆ្នាំ២០២៤នេះ នៅក្នុងកាស៊ីណូ ថ្មពេជ្រ ព្រំដែនអន្តរជាតិក្អមសំណ កម្ពុជា-វៀតណាម ដែលស្ថិតក្នុងភូមិក្អមសំណក្រោម ឃុំក្អមសំណ ស្រុកលើកដែក ខេត្តកណ្តាល មានករណីក្រុមអ្នកញៀនល្បែងជល់មាន់ ដែលមានភ្ញៀវទេសចរណ៍ចូលលេងល្បែងបានឈ្លោះប្រកែកគ្នារហូតឈានដល់មានការផ្ទុះអាវុធជាច្រេីនគ្រាប់ទៀត បណ្តាលឲ្យភ្ញៀវផ្អើលរត់ចែកផ្លូវគ្នាយកព្រះអាយុស ។

ASEAN DAILY បានធ្វើការផ្តល់បទសម្ភាសន៍ជុំវិញករណីនេះដែរ ដោយខាងអធិការនគរបាលស្រុកលើកដែក បានប្រាប់ព័ត៌មានតាមទូរស័ព្ទថា ករណីពិតជាបានកេីតឡើងនៅកាសុីណូ «ថ្មពេជ្រ »មែន ប៉ុន្តែលោកមិនអាចបព្ជាាក់ថា បាញ់អស់ប៉ុន្មានគ្រាប់នោះទេ? ចំពោះជនល្មើសប្រើប្រាស់កាំភ្លើងម៉ាកអ្វីហើយអត្តសញ្ញាណនោះ ក៏មិនទាន់បានដឹងច្បាស់ដែរ? ព្រោះមានកម្លាំងនគរបាលខេត្ដកណ្ដាល ក៏ចុះមកសហការតាំងពីពេលកេីតហេតុការណ៍ភ្លាមៗមកម្លេះ។

ASEAN DAILY បានធ្វើការទំនាក់ទំនងទៅ លោក  ចាប ច័ន្ទវិទ្យា អភិបាលស្រុកលើកដែក ប៉ុន្តែទូរស័ព្ទលោកត្រូវបានបិទ។

ចំពោះព័ត៌មានបន្ថែមអង្គភាព ASEAN DAILY និងផ្សាយជូនបន្តនៅពេល

ក្រោយ៕