បែកធ្លាយ រាប់ខែនៅតែស្ងៀមស្ងាត់ ឯកសារ សាលាដំបូងខេត្ត ព្រះវិហារ សំណុំរឿងព្រហ្មទណ្ឌលេខ២០១ ចុះថ្ងៃទី ១០ខែមិថុនាឆ្នាំ២០១៩ សំណុំរឿងស៉ើប សួរលេខ ១៤៣ចុះថ្ងៃទី២១ខែឧសភា ឆ្នាំ២០២០
ផ្សាយចេញនៅថ្ងៃទី០៥ខែមករាឆ្នាំ២០២២ យោងតាមឯកសារ
ដីកាសម្រេច ដាក់ជនត្រូវចោទឲ្យស្ថិតនៅក្រោមការត្រួតពិនិត្យ តាមផ្លូវ តុលាការ
យើង វែង មួយគី ចៅក្រម ស៉ើបសួរ នៃសាលាដំបូងខេត្តព្រះវិហារ. បានឃើញ ក្រមនិតិវិធីព្រហ្មទណ្ឌដែលប្រកាសឲ្យ ប្រើព្រះរាជក្រម លេខ នស.រកម /០៨០៧/០២៤ ចុះថ្ងៃទី ១០ខែសីហាឆ្នាំ២០០៧។
បានឃើញ សំណុំរឿងព្រហ្មទណ្ឌលេខ២០១ ចុះថ្ងៃទី ១០ខែមិថុនាឆ្នាំ២០១៩
សំណុំរឿងស៉ើប សួរលេខ ៦៥០ ដ.ស.សចុះថ្ងៃទី១៩ខែឧសភា ឆ្នាំ២០២០ របស់តំណាងអយ្យការសាលាដំបូងខេត្ត ព្រះវិហារ
បានឃើញ សំណុំរឿង ស៉ើបសួរ លេខ:១៤៣ ចុះថ្ងៃទី២១ខែ ឧសភាឆ្នាំ២០២០ យល់ឃើញថា ដើម្បីធានាជនត្រូវចោទ មានវត្តមានចំពោះមុខតុលាការ និងដើម្បីជៀសវាង ការរាំងស្ទះក្នុងនិតិវិធី ស៉ើបសួរ គប្បីតុលាការ សម្រេចដាក់ជនត្រូវចោទ អោយនៅក្រោមការពិនិត្យ តាមផ្លូវតុលាការ តាមមាត្រា ២២៣.២២៦.និង២៣០នៃក្រមនិតិ ព្រហ្មទណ្ឌ។
ហេតុដូច្នេះ សម្រេច ១.ដាក់ជនត្រូវចោទ ឈ្មោះ ប៉ូច សុខជា ភេទប្រុស អាយុ៥២ឆ្នាំ ជនជាតិខ្មែរ មុខរបរទាហាន ទីកន្លែងកំណើត ភូមិកំពង់សំរោង ឃុំស្រយ៉ូវ ស្រុក កំពង់ស្វាយខេត្តកំពង់ធំ
ទីលំនៅបច្ចុប្បន្ននៅភូមិអានសេះ ឃុំជាំក្សាន្តស្រុកជាំក្សាន្តខេត្តព្រះវិហារ ឪពុកឈ្មោះ ប៊ុន យុន (ស) ម្តាយ ឈ្មោះ ឡុង សុខឃា (រ) មានកូន ៤នាក់ ជានីតិជន ទោសពីមុនគ្មាន នេះស្ថិតនៅក្រោមការត្រួតពិនិត្យ តាមតុលាការតាម មាត្រា២២៣នៃក្រមនិតិវិធី ព្រហ្មទណ្ឌ។
ដែលត្រូវចោទប្រកាន់ពីបទ ធ្វើឲ្យខូចខាតដោយ ចេតនា និងរំលោភកាន់កាប់អចលនវត្ថុ ប្រព្រឹត្តិនៅភូមិ អានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ ឲ្យគោរព កាតព្វកិច្ច ដូចខាងក្រោម
ក.ឲ្យឈ្មោះ ប៉ូច សុខជា នេះត្រូវចូលខ្លួន តាមការកោះហៅ របស់តុលាការ គ្រប់ពេលវេលា ។
ខ.មិនឲ្យឈ្មោះ ប៉ូច សុខជា នេះផ្លាស់ទីលំនៅ ដោយគ្មានការអនុញ្ញាត ពីចៅក្រមស៉ើប សួរ។
គ.ហាមឃាត់មិនឲ្យឈ្មោះ ប៉ូច សុខជា នេះ ប្រព្រឹត្ត អំពើរំលោភ កាន់កាប់ អចលនវត្ថុ និងធ្វើឲ្យខូចខាត ដោយចេតនា របស់អ្នកដទៃ តទៅទៀត។
ឃ.ឲ្យឈ្មោះ ប៉ូច សុខជា បង់ប្រាក់តម្កល់ចំនួន ៤លានរៀល ដោយកំណត់ពេលត្រឹម១ខែគិតពីថ្ងៃអនុវត្តដីកាសម្រេចនេះ។
២ .ក្នុងករណី ជនត្រូវចោទ មិនបានអនុវត្តតាមចំនុចទី១ ខាងលើនេះ ចៅក្រមស៉ើប សួរ និងសម្រេចឃុំខ្លួនជន ត្រូវចោទឡើងវិញ តាមមាត្រា ២៣០នៃក្រមនិតិវិធី ព្រហ្មទណ្ឌ។
៣. ដីកាសម្រេចនេះ មានអនុភាពអនុវត្តភ្លាមៗ ។
ព្រះវិហារ ថ្ងៃទី ១៣ខែសីហាឆ្នាំ២០២០ ចៅក្រម ស៉ើបសួរ ហេត្ថលេខានិងត្រា វែង មួយគី
បានឃើញនិងឯកភាព ព្រះវិហារ ថ្ងៃទី២៦ខែសីហាឆ្នាំ២០២០ តំណាងអយ្យការ ហេត្ថលេខានិង ត្រា ភី ស៉ី ថង
បានទទួលអនុវត្ត ក្រឡាបញ្ជី ហេត្ថលេខានិង ត្រា លីម មុន្នីរ័ត្ន
បានទទួលដំណឹង ថ្ងៃទី ១៣ខែ៨ឆ្នាំ២០២០ ស្នាមមេដៃ ជនត្រូវចោទ ប៉ូចសុខជា
វិរុទ្ធភាព របស់ឧត្តមសេនីយ៍ត្រី ប៉ូចសុខជា រួមនិង បណ្តឹងរបស់ប្រជាពលរដ្ឋ ជាច្រើននាក់ទៀត នៅពេលនេះកាន់តែច្រើនឡើង អមលើឯកសារភ្ជាប់ ប្រជាពលរដ្ឋ បងប្អូនយោធិន រងចាំមើលថាតើ លោក ប៉ូច សុខជា រួចផុតពីសំណាញ់ច្បាប់ ដែលឬទេ ?
ក្រុមការងារអ្នកសារព័ត៌មានយើង រងចាំការឆ្លើយបំភ្លឺ គ្រប់សា្ថប័នពាក់ព័ន្ធ គ្រប់ពេលម៉ោង ធ្វើការ សូមអរគុណ៕
