ផ្គេីមមែន! ទោះធ្លាប់មានកិច្ចសន្យាព្រមានពីអាជ្ញាធរក្តី ក៏ម្ចាស់ទីតាំងល្បែងសុីសងបាញ់ត្រីខុសច្បាប់ ជ្រកក្រោមស្លាកផ្សារស្ទឹងមានជ័យថ្មី នៅហ៊ានបន្តអាជីវកម្មខ្លួន

រាជធានីភ្នំពេញ ៖ ទោះធ្លាប់ត្រូវបានអាជ្ញាធរខណ្ឌមានជ័យ ចុះបង្ក្រាបនិងធ្វើកិច្ចសន្យា ហាមមិនអោយម្ចាស់ បេីកល្បែងស៊ីសងបាញ់ត្រី ជាប្រភេទល្បែងសុីសងខុសច្បាប់ក្តី ក៏ម្ចាស់ទីតាំងនេះនៅតែដំណើរការយ៉ាងរលូន ទោះបីជ្រកក្រោមដំណក់ទឹកភ្នែក អាណាព្យាបាលសិស្សសាលាក្តី និងប្រជាពលរដ្ឋដែលរងការប៉ះពាល់ក៏ដោយ អាចប្រហែលកាក់កបខ្លាំងនិងវិស័យនេះហេីយយ៉ាង! ឬអាងមានខ្នងក្រាស់ហើយដែលអាចបន្តអាជីវកម្ម បាញ់ត្រីស៊ីសងខុសច្បាប់បានយ៉ាងរលូនដូច្នេះបាន?

តាមប្រភពពីបងប្អូនប្រជាពលរដ្ឋបានរាយការណ៍ប្រាប់បណ្តាញអង្គភាពពត៌មាន ASIAN DAILY 

យេីងបានដឹងថា ៖ ទីតាំងបេីកល្បែងសុីសងខុសច្បាប់ប្រភេទទូបាញ់ត្រី កំពុងសំងំលេងយ៉ាងស្ងប់ស្ងាត់ សូម្បីមហាជនដែលជាអតិថិជន ចូលទិញទំនិញគ្រប់ប្រភេទ គឺមិនចាប់អារម្មណ៍សោះឡើយ ។ 

សូមបព្ជាក់ថា ៖ ទីតាំងល្បែងស៊ីសងបាញ់ត្រីខុសច្បាប់ ជ្រកក្រោមស្លាកផ្សារស្ទឹងមានជ័យថ្មី នេះ គឺស្ថិតនៅជាន់ក្រោមដី ផ្ញើរឡាននិងម៉ូតូ នៃផ្សារស្ទឹងមានជ័យថ្មី ស្ថិតក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។

ប្រភពពីបងប្អូនប្រជាពលរដ្ឋបានរាយការណ៍ប្រាប់ ASIAN DAILY អោយដឹងបន្តទៀតថា ៖ អ្នកចូលលេងល្បែងភ្នាល់ប្រភេទទូបាញ់ត្រី នេះ គឺភាគច្រើនជាយុវជន យុវតី និងជាសិស្សសាលាដែលគេចសាលាចូលមកលេង។ ហើយចំពោះការភ្នាល់វិញ ភាគតិចណាស់ដែលបានឈ្នះប្រាក់ គឺម្ចាស់ទីតាំងនេះកេីបលុយពីអ្នកញៀនល្បែងរាប់លានរៀលក្នុងមួយថ្ងៃៗ រីឯអ្នកចាញ់ទៅលក់របស់របប ឬក៏បព្ចាំរបស់របរផ្សេងៗ ដេីម្បីមកលេងស្រង់ដេីមបន្តទៀត ដូចសុភាសិតពោលថា សេះដាច់យកសេះតាម តាមយូរលង់ទៅៗ បង្កើតទៅជាចោរកម្ម, លួច, ឆក់ប្លន់, ហឹង្សា ផ្សេងៗ ជាដេីម។

បណ្តាញផ្សព្វផ្សាយ ASIAN DAILY បានធ្វេីការទាក់ទងសម្ភាសន៍ លោក ជា សារ៉េត ចៅសង្កាត់ស្ទឹងមានជ័យទី១ លោកឆ្លេីយប្រាប់វិញថា ៖ លោកមិនមានតួនាទីទេ ព្រោះផ្សារស្ទឹងមានជ័យថ្មី នេះជាផ្សារឯកជន។ 

រីឯ លោក ផាន់ ចាន់ណា មេប៉ុស្តិ៍ស្ទឹងមានជ័យ១ តប ASIAN DAILY យេីងវិញថា៖ កាលពីប៉ុន្មានខែមុន ក្រោមគណ:បព្ជារការខណ្ឌមានជ័យ ដឹកនាំដោយអភិបាលខណ្ឌរង បានចុះបង្រា្កបដោយបានធ្វើកិច្ចសន្យាមិនអោយមានល្បែងស៊ីសងខុសច្បាប់ឡេីយ។

បងប្អូនប្រជាពលរដ្ឋក្នុងសង្កាត់ស្ទឹងមានជ័យទី១ តាមរយ:បណ្តាញផ្សព្វផ្សាយ ASIAN DAILY  បងប្អូនក៏សូមសំណូពរដល់ ឯកឧត្តម ឃួង ស្រេង អភិបាលរាជធានីភ្នំពេញ និង លោក សេង គន្ធ អភិបាលខណ្ទមានជ័យ សូមលោកមេត្តាជួយចុះពិនិត្យរដ្ឋបាលទីតាំងផ្សារស្ទឹងមានជ័យថ្មី នេះផងទាន! ដើម្បីរក្សាសុខសុវត្ថិភាពជូនដល់ប្រជាពលរដ្ឋ ដែលរស់នៅក្បែរទីតាំងនោះ ជាពិសេសសិស្សនុសិស្សដែលគេចសាលារៀន ដោយអនុវត្តន៍ប្រតិបត្តិតាម គោលនយោបាយ ភូមិ/ឃុំមានសុវត្ថិភាព គ្មានអំពើឆក់ប្លន់, ចោរកម្មផ្សេងៗ ,ហឹង្សា, គ្រឿងញៀន…។ល។ ដែលប្រមុខរាជរដ្ឋាភិបាល ដាក់ជូនឲ្យមន្ត្រីថ្នាក់ក្រោមអនុវត្តន៍។

អង្គភាពសារពត៌មាន ASIAN DAILY យេីងផ្សព្វផ្សាយគ្មានចេតនាញុះញង់ដាក់សម្ភាធដល់បុគ្គលណាឬអង្គភាពណាឡេីយ គឺក្នុងន័យគិតពីសុខទុក្ខសុវត្ថភាពរបស់ប្រជាពលរដ្ឋប៉ុណ្ណោះ ជាពិសេសរិះគន់ក្នុងន័យស្ថាបនាក្រោមការដឹកនាំសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នាអណត្តិទី៧នេះ។

ASIAN DAILY រងចាំការបំភ្លឺគ្រប់ភាគីពាក់ព័ន្ធ ជាពិសេសម្ចាស់ទីតាំងបេីកល្បែងបាញ់ត្រី ជ្រកក្រោមស្លាកផ្សារស្ទឹងមានជ័យថ្មី ដែលបេីកលេងល្បែងភ្នាល់ខុសច្បាប់ និងពង្វក់អារម្មណ៍ ស្មារតី របស់សិស្សានុសិស្ស ព្រមទាំងយុវជន គឺនូវរៀងរាល់ម៉ោងតាមច្បាប់ស្តីពីរបបសារពត៌មាន៕