សន្និបាតបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារឆ្នាំ២០២៥ របស់រដ្ឋបាលខេត្ត និងក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ
(ខេត្តព្រះសីហនុ):ឯកឧត្តម ម៉ាង ស៊ីណេត អភិបាល នៃគណៈ អភិបាលខេត្តព្រះសីហនុ និងឯកឧត្តម វង្ស ផាណាត ប្រធាន ក្រុមប្រឹក្សាខេត្ត អញ្ជើញជាអធិបតីភាព ខ្ពង់ខ្ពស់ក្នុងពិធីបើក សន្និបាតបូកសរុបលទ្ធផលការងារប្រចាំឆ្នាំ២០២៤ និងលើក ទិសដៅការងារឆ្នាំ២០២៥ របស់រដ្ឋបាលខេត្ត និងក្រុមការងារ រាជរដ្ឋាភិបាលចុះមូលដ្ឋានខេត្តព្រះសីហនុ នាព្រឹកថ្ងៃទី២១ ខែមករា ឆ្នាំ២០២៥ នៅសាខាមន្ទីរគណៈបក្សប្រជាជនកម្ពុជាស្ថិត ក្នុងភូមិ៣ សង្កាត់លេខ១ ក្រុងព្រះសីហនុ។
ក្នុងឱកាសនោះដែរ ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ បានឡេីងសំណេះសំណាលជាមួយមន្ត្រីរាជការរបស់រដ្ឋបាលខេត្តព្រះសីហនុ ក្រោយពីបានស្តាប់នូវមតិលេីកឡេីង ក៏ដូចគ្នានឹងបញ្ហាប្រឈមនានា ក៏ដូចគ្នានឹងសំណេីររបស់មន្ទីរ ស្ថាបន័ អង្គភាពចំណុះអោយរដ្ឋបាលខេត្តហេីយក៏បានធ្វេីការកោតសរសេីរ និងអរគុណដល់មន្រ្តីរាជការរបស់រដ្ឋបាលខេត្តទាំងអស់ដែលបានខិតខំបំពេញការងារជួយដល់រដ្ឋបាលខេត្តក្នុងឆ្នាំកន្លងមកដែលទទួលបានលទ្ធផលជាផ្លែផ្កា ឯកឧត្តម អភិបាលខេត្តក៏បានផ្តាំផ្ញេី និងសង្ឍឹមថាឆ្នាំបន្ទាប់បងប្អូនដែលជាមន្ត្រីរាជការចំណុះអោយរដ្ឋបាលខេត្តព្រះសីហនុទាំងអស់នឹងប្រឹងប្រែធ្វេីយ៉ងណាអោយកាន់តែសំរេចបាននូវលទ្ធផលវិជ្ជមានបន្ថែមទៀត ដេីម្បីសំរេចអោយបានតាមយុទ្ធសាស្រ្តបញ្ចកោណរបស់រាជរដ្ឋាភិបាលអាណិត្តទី៧ ដែលមានសម្តេចមហាបវរធិបតីហ៊ុន ម៉ាណែតនាយករដ្ឋមន្ត្រីនៃព្រះរាជាណាចក្រកម្ពុជា។
ឯកឧត្ដម អភិបាលនៃគណៈអភិបាលខេត្តព្រះសីហនុក៏បានផ្តល់កិត្តិយសឡេីងបំពាក់មេដាយ និងប្រគល់បណ្ណសរសេីរជូនដល់មន្ត្រីរដ្ឋបាលខេត្តដែលមានថ្វីដៃនាឆ្នាំកន្លងមកផងដែរ។
ផ្សាយៈថ្ងៃទី២១ ខែមករា ឆ្នាំ២០២៥
