ព័ត៌មាន Updated ទាក់ទិនទៅនឹងបុរសជនជាតិ បរទេសម្នាក់ ដែលសំរេចចិត្តលោតពីលើអគារដើម្បីធ្វើ អត្តឃាតខ្លួនឯង.

(ខេត្តព្រះសីហនុ) នារសៀលថ្ងៃចន្ទ ទី២៧ ខែមករា ឆ្នាំ២០២៥ នេះ អង្គភាពអាស៊ានដេលីយើងបានចុះទៅ ទីតាំងអគារ ស៊ីង សា វានដែលស្ថិតនៅភូមិ៤ សង្កាត់៤ ក្រុងព្រះសីហនុ ដើម្បី សាកសួរបន្ថែមពីករណីដែល បណ្តាលអោយបុរសជាជនជាតិ បរទេសម្នាក់បានលោ.ត ពីអគារកាលពីម៉ោង៦:០៥នាទីល្ងាចថ្ងៃទី ២៦ ខែមករា ឆ្នាំ២០២៥ ម្សិលមិញ.

បើតាមការសាកសួរព័ត៌មានពីបុគ្គលិកសន្តិសុខម្នាក់ សុំមិន បញ្ចេញឈ្មោះ ដែលបំរើការនៅពីមុខអគារ កើតហេតុខាងលើគាត់ បានប្រាប់អោយអង្គភាពសារព័ត៌មានអាស៊ានដេលីថា មុនកើតហេតុគាត់បានឃើញបុរសជនជាតិបរទេសនោះរត់សំដៅចូលមកក្នុងអគារ ហើយច្រមុះរបស់គាត់ឡើងក្រហម ដោយ មិនបានចាប់អារម្មណ៍ប្រហែលជា១០នាទីក្រោយមក ក៏បាត់បុរសនោះហើយក៏មានរឿងកើតឡើង បន្ទាប់មកខាងបុគ្គលិកប្រចាំការក្នុងអគារ ស៊ុង សារាន ក៏បាននាំគ្នាឆែកកាំមេរ៉ាសុវត្ថិភាព ក៏បានឃើញបុរសនោះរត់ចូលតាមជណ្តើរយន្តឡើងទៅក្នុងបន្ទប់ដែលចំហទ្វារ គ្មានមនុស្ស នៅជាន់ទី២៦ នៃអគារស៊ឹង សា រាន រួច ក៏លោ.តធ្វើអត្តឃា.ត.ស.ម្លាប់ខ្លួនឯងតែម្តង. ប្រភពពីសន្តិសុខនៅកន្លែង ដដែលបានបន្តទៀតថាបុរសដែលជាជនជាតិបរទេសនោះទំនងជាបែកថ្នាំហើយក៏រត់ចូលក្នុងអគារតែម្តងដោយគាត់បានបញ្ជាក់ថា ឃើញច្រមុះ​ និងមុខបុរសនោះឡើងក្រហមហើយមានតែសំលៀកបំពាក់តែមួយកុំផ្លេជាប់នៅខ្លួនតែប៉ុណ្ណោះភ្លាមៗ នោះសមត្ថកិច្ចជំនាញជាពិសេសប៉ូលិសព្រហ្មទាន់ក៏ចុះ មកធ្វើ កោសល្យវិនិច្ឆ័យ ហើយខាងអគារក៏បានប្រមូល ឯកសារដែលពាក់ពន្ធ័ជូនទៅសមត្ថកិច្ចដើម្បីធ្វើតាម នីតិវិធីនៃច្បាប់.

ដោយឡែកអង្គភាពអាស៊ានដេលីយើងក៏បានសុំសម្ភាសន៍ជាមួយលោក អធិការក្រុងព្រះសីហនុ លោក តី វិសាល ផងដែរ​ ក្នុងរឿងនេះដោយ លោកអធិការ គ្រាន់តែជម្រាប់អង្គភាពសារព័ត៌មានយើងថា “រឿង ហ្នឹងខាងការិយាល័យជំនាញ បងណុប បញ្ញា គាត់ កំពុងស្រាវជ្រាវបន្ត គឺលោកអធិការសុំអោយអង្គភាព សារព័ត៌មានយើងទាក់ទងទៅលោកស្នងការរង ទទួលបន្ទុកផ្នែកព្រហ្មទណ្ឌផ្ទាល់”.

អង្គភាពសារព័ត៌មាន អាស៊ានដេលី ក៏បានទាក់ទង បន្តទៅសួរនាំ ឯកឧត្តម ឧត្តមសេនីយ៍ត្រី ណុប បញ្ញា ស្នងការរងទទួលបន្ទុកផ្នែកព្រហ្មទណ្ឌដោយផ្ទាល់ ហើយឯកឧត្តម ក៏បានបំភ្លឺថា ជនបរទេសដែលលោ.ត ពីលើអគារនោះពិតជារត់ពីក្រៅសំដៅមកក្នុងអគារដូចដែលអង្គភាពយើងបានសម្ភាសន៍ជាមួយសន្តិសុខមែន​ ខណ:ដែលឯកឧត្តមកំពុងមានធុរៈចាំបាច់ជាមួយគ្រួសារនៅប្រទេសថៃ.

ឆ្លេីយតបទៅនឹងសំណួរដែលថាអង្គភាពយើងបាន ចោទសួរថា”បើមានការស្លា.ប់មនុស្សចឹង តើយើង នៅអោយគាត់បើកដំណើរការជាធម្មតាឬក៏បិទ? លោកស្នងការរងបានឆ្លើយប្រាប់ថា”អត់មានពាក់ព័ន្ធគ្នាទេ គឺជនរងគ្រោះបានរត់មកពីក្រៅចូលទៅក្នុង អគារ របស់គេដើម្បីលោ.ត.ស.ម្លាប់ខ្លួន ដូច្នេះអគារនៅ ដំណើរការជា ធម្មតា.

បញ្ជាក់ៈអង្គភាពសារព័ត៌មានយើងគ្រាន់តែជាកញ្ចក់ឆ្លុះ បញ្ចាំង សំរាប់ប្រជាពលរដ្ឋ សង្គម និងរាជរដ្ឋាភិបាល់ តែប៉ុណ្ណោះ ហើយអង្គភាពសារព័ត៌មានអាស៊ានដេលី រងចាំទទួលការឆ្លើយតបរាល់ បញ្ហាបន្ថែមពីសំណាក់ សមត្ថកិច្ច និងភាគីពាក់ពន្ធគ្រប់ម៉ោងធ្វើការក្នុងរឿង នេះ.

ផ្សាយៈថ្ងៃទី២៧ ខែមករា ឆ្នាំ២០២៥

ដោយ:វាសនា