ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ ព្រមទាំងគណៈប្រតិភូ ខេត្តជាប់តំបន់ឆ្នេរទាំង៤ នៃព្រះរាជាណាចក្រ កម្ពុជា បានអញ្ជើញបំពេញទស្សនកិច្ចសិក្សានៅ សាល Qianhai Planning Exhibition Hall និង Qianhai Stone Park ប្រទេសចិន.
(បរទេស):កាលថ្ងៃទី១៧ ខែកុម្ភៈ ឆ្នាំ២០២៥ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ ព្រមទាំងគណៈប្រតិភូ ខេត្តជាប់តំបន់ឆ្នេរទាំង៤ បានអញ្ជើញបំពេញទស្សនកិច្ចសិក្សានៅ សាល Qianhai Planning Exhibition Hall និង Qianhai Stone Park ។ បន្ទាប់ពីបំពេញទស្សនកិច្ចសិក្សារួច ឯកឧត្តម អភិបាល បានអញ្ជើញបន្តជួបប្រជុំជាមួយរដ្ឋបាល FTZ Administration និង ក្រុមហ៊ុន Qianhai Investment Holding Group Co., Ltd. ក្នុងគោលបំណងដើម្បីស្វែងយល់ ពីការរៀបចំផែនការ និងវឌ្ឍនភាពនៃការអភិវឌ្ឍតំបន់ពាណិជ្ជកម្ម សេរី Qianhai-Shekou នៃសាធារណរដ្ឋប្រជាមានិតចិន។
សូមបញ្ជាក់ថា តំបន់ពាណិជ្ជកម្មសេរី Qianhai-Shekou ត្រូវ បានសម្ភោធឱ្យដំណើរការជាផ្លូវការនៅថ្ងៃទី២៧ ខែមេសា ឆ្នាំ២០១៥ ដើម្បីជាផ្នែកមួយនៃតំបន់ពាណិជ្ជកម្មសេរីសាកល្បង ខេត្តក្វាងតុង (Guangdong Pilot Free Trade Zone) ដែលគ្របដណ្តប់លើផ្ទៃដី ១១៦ គីឡូម៉ែត្រការ៉េ ។ តំបន់ ពាណិជ្ជកម្មសេរី Qianhai-Shekou ត្រូវបែងចែកជាពីរអនុ តំបន់គឺ អនុតំបន់ Qianhai និងអនុតំបន់ Shekou ។
អនុតំបន់ Qianhai គឺជាតំបន់ប្រមូលផ្តុំនៃ ការវិនិយោគ
លើ វិស័យឧស្សាហកម្មហិរញ្ញវត្ថុ បច្ចេកវិទ្យា និងនវានុត្តន៍ ចំណែកអនុ តំបន់ Shekou គឺជាតំបន់ ប្រមូលផ្តុំនៃកំពង់ផែអន្តរជាតិ និងការ វិនិយោគលើវិស័យដឹកជញ្ជូន និងឡូជីស្ទិក។ តំបន់រួម Qianhai និង Shekou គឺជាតំបន់តភ្ជាប់រវាងទីក្រុងស៊ុនជិន និងទីក្រុង ហុងកុង ដែលជាផ្នែកមួយដ៏ សំខាន់ក្នុងការជំរុញការធ្វើ ពាណិជ្ជកម្មរវាងទីក្រុងស៊ុនធិន ទីក្រុងហុង និងទីក្រុងម៉ាកាវ តាមរយៈការបើកចំហរផ្នែក ហិរញ្ញវត្ថុ និងនវានុវត្តន៍ សមាហរណកម្មពាណិជ្ជកម្មសកល និងភាពរីកចម្រើនលើវិស័យ ដឹកជញ្ជូន និងឡូជីស្ទិក ។
ផ្សាយ:ថ្ងៃទី១៨ ខែកុម្ភៈ ឆ្នាំ២០២៥
ដកស្រង់ចេញពី:រដ្ឋបាលខេត្តព្រះសីហនុ
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ.
សៅ វាសនា(Harry VS)
