កងរាជអាវុធហត្ថស្រុកអង្គស្នួល ខេត្តកណ្តាលដឹកនាំដោយ លោក វរសេនីយ៍ត្រី ស៊ូ វ៉ាន់ធឿន ចុះបង្ក្រាប និងឃាត់ខ្លួនជនសង្ស័យ ក្នុងករណីជួញដូរ រក្សាទុក និងប្រេីប្រាស់ដោយខុសច្បាប់នូវសារធាតុញៀន.
(កណ្តាល): កងរាជអាវុធហត្ថស្រុកអង្គស្នួល កាលពីពេលថ្មីៗកន្លងទៅនេះបានចុះធ្វេីការបង្ក្រាបករណី ជួញដូរ រក្សាទុកនិងប្រើប្រាស់ដោយខុសច្បាប់នូវសារធាតុញៀន(ម៉ា ទឹកកក) និងឃាត់ខ្លួនជនសង្ស័យបានសម្រេចដូចខាងក្រោម:
+ បង្ក្រាបបាននៅវេលាម៉ោង ១៧:៣៥ នាទី ថ្ងៃទី២១ ខែ កុម្ភះ ឆ្នាំ ២០២៥ នៅចំណុចផ្លូវលំ ភូមិ ស្វាយជ្រុំ ឃុំបែកចាន ស្រុក អង្គស្នួល ខេត្តកណ្តាល ។
+ជនសង្ស័យ ចំនួន ០១ នាក់
ឈ្មោះ ស៊ឹង លី ភេទប្រុស អាយុ ៣១ ឆ្នាំ មុខរបរមិន ពិត មានទីលំនៅបច្ចុប្បន្នអណ្តូង ឃុំបែកចាន ស្រុក អង្គស្នួល ខេត្តកណ្តាល។
តេស្តទឹកនោមររកសារធាតុ ញៀន វិជ្ជមាន(+)
* វត្ថុតាងចាប់យក
-ក្រាមសរថ្លាសង្ស័យសារធាតុញៀន ចំនួន ១១ កញ្ចប់
** ដំណើររឿងហេតុ
ដោយបានពត៌ពីប្រជាពលរដ្ឋ ថានៅចំណុចខាងលើ មានការជួញដូរនិងប្រើប្រាស់គ្រឿងញៀន។ភ្លាមនោះកម្លាំងអាវុធហត្ថ ស្រុកអង្គស្នួល ចំនួន ០៨ នាក់ ដោយប្រេីប្រាស់មធ្យោបាយរថយន្ត ០១ គ្រឿង ម៉ូតូ ០៣ គ្រឿង ដឹកនាំដោយ លោក វរសេនីយ៍ត្រី ស៊ូ វ៉ាន់ធឿន មេបញ្ជាការ ស្រុក បានចុះដល់ចំណុចខាងលើ បានឃើញជនសង្ស័យកំពុងឈរលើផ្លូវលំ ដោយសង្ស័យ កម្លាំងអាវុធហត្ថ ស្រុកបានឃាត់និងធ្វើការឆែកឆេ បានរកឃើញក្រាមសថ្លាសង្ស័យសារធាតុមានចំនួន ១១ កញ្ចប់ច្រកក្នុងកូនកាបូបខ្មៅដាក់ក្នុងហោប៉ៅខោផ្នែក ខាងឆ្វេងរួចក៏នាំមកសាកសួរនៅមូលដ្ឋាន កងរាជអាវុធហត្ថ ស្រុកអង្គស្នួល។
នៅចំពោះមុខសមត្ថកិច្ច ជនសង្ស័យឈ្មោះ ស៊ឹង លី បានឆ្លើយសារភាពថាថ្នាំចំនួន ១១ កញ្ចប់ខាងលើ គឺជារបស់ខ្លួនពិតប្រាកដមែន ដោយបានទិញមកពីជនមិនស្គាល់អត្តសញ្ញាណនៅម្តុំផ្សារជម្ពូវ័នរាជធានីភ្នំពេញ បានចំនួន ០៣ លើក ក្នុង០១លើកតម្លៃ ១០ ម៉ឺន រៀល។រួចយកមករំលែកលក់បន្តក្នុងមួយកញ្ចប់ ០២ ម៉ឺន រៀល លក់បានរយៈពេលពីរខែ និងចេះប្រើប្រាស់ គ្រឿងញៀនរយៈពេល ០៥ ឆ្នាំមកហើយ។
បច្ចុប្បន្ន ជនសង្សយ័ និងវត្ថុតាង កំពុងបំពេញ នីតិវិធីនៅអាវុធហត្ថ ស្រុកអង្គស្នួល ។
ផ្សាយ:ថ្ងៃទី២៣ ខែកុម្ភៈ ឆ្នាំ២០២៥
ដកស្រង់ចេញពី:កងរាជអាវុធហត្ថស្រុកអង្គស្នួល
ដោយ:និពន្ធនាយករងអង្គភាពអាស៊ានដេលី
សៅ វាសនា(Harry VS)
