បុរសម្នាក់ដែលជាអ្នកស្នេហាវិស័យ(ជល់មាន់ដី) លុះកម្លាំងកងរាជអាវុធហត្ថខេត្តចុះបង្ក្រាប ដោយភ័យខ្លាំងពេករត់រហូតគាំងបេះដូង បណ្តាលឲ្យស្លាប់បាត់បង់អាយុជីវិតតែម្តង

ខេត្តតាកែវ ÷ កាលពីថ្ងៃទី០១ ខែកុម្ភៈ ឆ្នាំ២០២៥នេះ កម្លាំងនៃកងរាជអាវុធហត្ថខេត្តតាកែវ បានឆ្មក់ចុះអ្នកស្នេហាវិស័យ(ជល់មាន់ដី) ក្រោយពីទទួលការរាយការណ៍ពីបងប្អូនប្រជាពលរដ្ឋ ។ លុះស្រាប់តែឃើញកម្លាំងកងរាជអាវុធហត្ថខេត្ត ច្រើនដូចស្រមោច ធ្វើឲ្យអ្នកលេងល្បែងជល់មាន់នាំគ្នាផ្អើល ដូចទំនប់បាក់ទឹក រត់យកប្រាស់អាយុ អ្នកខ្លះរត់ចោលម៉ូតូ ,ឡាន និងរបស់របបមានតម្លៃផ្សេងៗទៀតផងដែរ ។ ប៉ុន្តែដោយអកុសលកម្មអ្វី! បុរសម្នាក់ដោយភិតភ័យខ្លាំងពេក រត់រហូតគាំងបេះដូង បណ្តាលឲ្យស្លាប់បាត់បង់អាយុជីវិតតែម្តង។

សូមបញ្ជាក់ថា ÷ ទីតាំងជល់មាន់ដ៏ ខាងលើនេះ ស្ថិតនៅក្នុង ភូមិគ ឃុំពោ៍រំចាក ស្រុកព្រៃកប្បាស ខេត្តតាកែវ ។

តាមការបញ្ជាក់ពី លោក ឧត្តមសេនីយ៍ទោ សេង មហា មេកងរាជអាវុធហត្ថខេត្តតាកែវ បានអោយ ASEAN DAILY យេីងដឹងថា ÷ បងប្អូនដែលលេង (ជល់មាន់ដី) ចំនួន១១នាក់ នេះ ក្រោយពីកម្លាំងកងរាជបានសួរនាំ រួចរាល់ ហើយពួកគាត់ធ្វើកិច្ចសន្យា នឹងអប់រំ ហើយនិងអនុញ្ញាតឱ្យពួកគាត់ត្រលប់ទៅលំនៅដ្ឋានរៀងៗខ្លួនវិញ។ 

ដោយឡែកចំពោះអ្នកលេងមាន់ជល់ម្នាក់ ដែលផ្អេីលរត់រហូតដល់ គាំងបេះដូង បណ្តាលឲ្យស្លាប់ បាត់បង់អាយុជីវិតនោះ ត្រូវបានកម្លាំងនគរបាល និងខាងមន្ទីរពេទ្យ ធ្វើកោសល្យវិច័យ បព្ជាក់ថា ពិតជាស្លាប់ដោយសារតែគាំងបេះដូងស្លាប់យ៉ាងពិតប្រាកដមែន ៕