ឯកឧត្តម វង្ស ផាណាត ប្រធានក្រុមប្រឹក្សាខេត្តព្រះសីហនុ” ឱកាសដែលរងចាំមានច្រេីនសំរាប់ស្រ្តីៗ ដែលមានសមត្ថភាពក្នុងការក្លាយជាមេដឹកនាំ ក្នុង ក្រសួង មន្ទីរ និងស្ថាប័នរដ្ឋនានា.
(ខេត្តព្រះសីហនុ):នាព្រឹកថ្ងៃទី៦ ខែមីនា ឆ្នាំ២០២៥ ឯកឧត្តម វង្សផាណាត ប្រធានក្រុមប្រឹក្សាខេត្តព្រះសីហនុ និងលោកជំទាវ អញ្ជើញជាអធិបតីដ៏ខ្ពង់ខ្ពស់ក្នុងពិធី អបអរសាទរខួបលើកទី១១៤ នៃទិវាអន្តរជាតិនារី ៨ មីនា ឆ្នាំ២០២៥ ក្រោមប្រធានបទ “សិទ្ធិសមភាព និងភាពអង់អាចចំពោះស្ត្រី និងក្មេងស្រីគ្រប់រូប” ក្នុងពិធីនោះដែរក៏មានការអញ្ចេីញចូលរួមពីសំណាក់ឯកឧត្តម លោកជំទាវ អភិបាលរងខេត្ត/ក្រុង ប្រធានមន្ទីរ កងកម្លាំងប្រដាប់អាវុធ និងមន្ត្រីរាជការចំណុះរដ្ឋបាលខេត្ត គ្រប់ក្រុង/ស្រុក ជាពិសេសអគ្គកុងស៊ុលប្រទេសវៀតណាមប្រចាំនៅខេត្តព្រះសីហន ពិធីនេះប្រារព្ធធ្វេីឡេីងនៅសាខាមន្ទីរគណ:បក្សប្រជាជនកម្ពុជា ដែលមានទីតាំងស្ថិតនៅភូមិ៣ សង្កាត់១ ក្រុងព្រះសីហនុ.
ជាកិច្ចចាប់ផ្តេីមកម្មវិធីលោកស្រី ប្រធានមន្ទីរកិច្ចការនារី បានអញ្ជេីញមានមតិស្វាគមន៍ដល់អង្គពិធីទាំងមូល លោកប្រធាន មន្ទីរបានមានប្រសាសន៍ថាឆ្នាំ១៩១០ សន្និបាតនារីមួយ បាន រៀប
ចំ ធ្វើឡើង នៅទីក្រុងកូប៉េនហាត រដ្ឋធានីនៃប្រទេសដាណឺម៉ាក មានប្រទេសចំនួន ១៧ បានចូលរួម ហើយបានសម្រេចយកថ្ងៃទី ០៨ ខែមីនា រៀងរាល់ឆ្នាំ ជាថ្ងៃប្រារព្ធទិវាអន្តរជាតិនារី ដើម្បី រំលឹកពីការតស៊ូរបស់នារីជាពលករទូទាំងពិភពលោក ក្នុងការទាមទារសិទ្ធិសេរីភាពប្រជាធិបតេយ្យនិងការអនុវត្តន៍សិទ្ធិស្មើ ភាពរវាងបុរស និងនារី ដោយភ្ជាប់នឹងពាក្យស្លោក – មួយថ្ងៃធ្វើការ ៨ម៉ោង ធ្វើការស្មើគ្នា ទទួលបៀវត្សស្មើគ្នា សិទ្ធិការពារសុខភាពមាតា និងទារក – ដោយ សារកិច្ចខិតខំប្រឹងប្រែងប្រកបដោយភាពអត់ធ្មត់ និងពុះពារការលំបាកគ្រប់បែបយ៉ាងកាល ពីមួយ រយឆ្នាំមុននេះហើយ ទើបបច្ចុប្បន្ននេះសកម្មភាពលើកស្ទួយនារីនៅក្នុងពិភពលោក បានរីកដុះ ដាលយ៉ាងខ្លាំងខ្លា ជំរុញឲ្យ នារីទទួលបាននូវឱកាសនិងសិទ្ធិស្មើភាពជាមួយនឹងបុរស ទាំងក្នុង ការងារក៏ដូចក្នុងសង្គម ទោះបីមិនទាន់បានពេញលេញដោយសារប្រការណាមួយ ក៏ដោយ ។
លោកស្រីប្រធានបានបន្ថែមទៀតថា សម្រាប់ឆ្នាំ២០២៥ នេះ ក្រសួងកិច្ចការនារីក៏ដូចជាមន្ទីរកិច្ចការនារីខេត្ត សហការជាមួយ រដ្ឋបាលសាលាខេត្តព្រះសីហនុ បានប្រារព្ធទិវានារីអន្តរជាតិ ៨មីនា ខួបលើកទី១១៤ក្រោមប្រធាន បទ “សិទ្ធិ សមភាព និងភាពអង់អាច ចំពោះស្ត្រី និងក្មេងស្រីគ្រប់រូប វឌ្ឍនភាពក្នុងការ អនុវត្តគោលនយោបាយ សមភាពយេនឌ័រ កន្លង មកបានបង្ហាញលទ្ធផលជាវិជ្ជមានយ៉ាងច្រើន ចំពោះស្ត្រីនិងក្មេងស្រីនៅកម្ពុជា ដោយឡែក នៅខេត្ត ព្រះសីហនុ នេះដោយសារការយកចិត្តទុក ដាក់ជំរុញនិងគាំទ្រយ៉ាងពេញទំហឹងពីរាជរដ្ឋា ភិបាល ថ្នាក់ដឹកនាំកំពូលនៃស្ថាប័នរដ្ឋសភា ព្រឹទ្ធសភា ជាពិសេសក្រោមការដឹកនាំប្រកប ដោយ គតិបណ្ឌិត សម្តេចអគ្គមហាសេនាបតី តេជោ ហ៊ុន សែន នៅក្នុងអាណត្តិថ្មីនេះមាន សម្តេចមហាបវរ ធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានកំណត់យកការលើកកម្ពស់សមភាពយេនឌ័រ និងការ ពង្រឹង ភាពអង់អាចចំពោះស្ត្រី និងក្មេងស្រីនៅលើគ្រប់វិស័យជាអទិភាពនៅក្នុងរបៀបវារៈ គោល នយោបាយ យុទ្ធសាស្ត្របញ្ចកោណ ដំណាក់កាលទី១ ប្រកបទៅដោយសមធម៌ និងបរិយា បន្ន ក្នុងនោះ ស្ត្រីគឺជាស្នួល ។
ដោយឡែក ឯកឧត្តម វង្ស ផាណាត ប្រធានក្រុមប្រឹក្សាខេត្ត “សិទ្ធិ សមភាព និងភារាអង់អាច ចំពោះស្ត្រី និង ក្មេងស្រីគ្រប់រូប – “ For All women and girls: Rights, Equality,
Empowerment” មានគោលបំណងដើម្បីគូសបញ្ជាក់អំពី សារៈសំខាន់នៃការទទួលបាន និងអនុវត្តសិទ្ធិ ការលើកកម្ពស់សមភាព និងការពង្រឹងភាពអង់អាចចំពោះស្ត្រី និងក្មេងស្រីគ្រប់រូបនៅកម្ពុជា និងស្របតាម ស្ថានភាពវិវត្តន៍របស់ពិភពលោក។
ប្រធានបទនេះ ក៏ផ្តោតសំខាន់ផងដែរ លើការលើកកម្ពស់ផលជះជា វិជ្ជមាន និងទាញយកអត្ថប្រយោជន៍ពីភាគលាភយេនឌ័រជូនគ្រួសារ ពង្រឹងសហគមន៍ និងវឌ្ឍនភាពសង្គម ជំរុញកំណើន ការអភិវឌ្ឍសេដ្ឋកិច្ច និងលើកកម្ពស់សុខុមាលភាពសង្គម។
ឯកឧត្តម ក៏បានថ្លែងនូវការកោតសរសើរ និងវាយ តម្លៃខ្ពស់ចំពោះថ្នាក់ដឹកនាំ សមាជិកាគណៈកម្មការសាខាសមាគមនារី កម្ពុជា ដើម្បីសន្តិភាព និងអភិវឌ្ឍន៍ខេត្ត គណៈកម្មាធិការពិគ្រោះ យោបល់កិច្ចការស្ត្រី និងកុមារ ខេត្ត ក្រុង ស្រុក គណៈកម្មាធិការទទួល បន្ទុកកិច្ចការនារី និងកុមារឃុំ សង្កាត់ ដែលបានខិតខំយកអស់កម្លាំង កាយចិត្ត ប្រាជ្ញាស្មារតី ក្នុងការបំពេញតួនាទីភារកិច្ច ប្រឹងប្រែងជំរុញការ អនុវត្តក្នុងបេសកកម្មដ៏ថ្លៃថ្លា ដើម្បីស្រ្តី និងក្មេងស្រី បានទទួលនូវកិច្ច ការពារសិទ្ធិ និងផលប្រយោជន៍ តាមរយៈការទទួលស្គាល់ ការផ្តល់តម្លៃ និងចាត់ទុកស្ត្រី ក្មេងស្រីជាមូលធនមនុស្សដ៏សំខាន់ ក្នុងការអភិវឌ្ឍ គ្រួសារ និងសង្គម ព្រមទាំងជំរុញលើកទឹកចិត្ត កសាង និងអភិវឌ្ឍ សមត្ថភាពស្ត្រីក៏ដូចជាការផ្តល់ឱកាសឱ្យពួកគេចូលរួមប្រកបដោយ សមភាព និងសមធម៌ នៅគ្រប់ការងារលើគ្រប់វិស័យ។
ឯកឧត្តម ក៏បានធ្វេីការបញ្ជាក់ថា ឱកាសរងចាំស្ត្រីៗដែលមានសមត្ថភាពក្នុងការបំរេីការងារជាអ្នកបន្តវេនក្នុងស្ថាប័នរដ្ឋ គឺមានច្រេីនណាស់ ការថ្លែងបែបនេះដោយសារតែ ឯកឧត្តមសង្កេតឃេីញថាស្ត្រីមានតិចតួចណាស់ ជាអ្នកដឹកនាំក្នុងស្ថាប័នរដ្ឋនីមួយៗ ជាពិសេស នៅក្នុងមន្ទីរស្រុក/ក្រុង ក្នុងខេត្តព្រះសីហនុតែម្តង.
ផ្សាយ:ថ្ងៃទី៦ ខែមីនា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ.
សៅ វាសនា(Harry VS)
