ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ” សូមកុំស្តាយក្រោយ ធ្វេីជាមន្ត្រីរាជការ” ថ្លែងក្នុងឱកាសពិធីសំណេះសំណាលជាមួយមន្ត្រី រាជការសាលាខេត្តព្រះសីហនុ អបអរសាទរទិវាអន្តរជាតិនារី ៨មីនា ឆ្នាំ២០២៥.
(ខេត្តព្រះសីហនុ) ឯកឧត្តម ម៉ាង ស៊ីណេត អភិបាល នៃគណៈ អភិបាលខេត្តព្រះសីហនុ និងឯកឧត្តម វង្ស ផាណាត ប្រធាន ក្រុមប្រឹក្សាខេត្តព្រះសីហនុ នារសៀលថ្ងៃទី០៦ ខែមីនា ឆ្នាំ២០២៥ នេះ បានអញ្ជើញជាអធិបតីក្នុងពិធីសំណេះសំណាលជាមួយមន្ត្រី រាជការសាលាខេត្តព្រះសីហនុ អបអរសាទរទិវាអន្តរជាតិនារី ៨មីនា ឆ្នាំ២០២៥ នៅសាលប្រជុំសាខាគណៈបក្សប្រជាជនកម្ពុជា ស្ថិតនៅភូមិ៣ សង្កាត់១ ក្រុងព្រះសីហនុ។
ឯកឧត្តម ម៉ាង ស៊ីណេត អភិបាលនៃគណៈអភិបាលខេត្ត ព្រះសីហនុ បានថ្លែងអំណអរគុណ និងធ្វើការកោតសរសើរចំពោះ ស្ត្រីៗទាំងអស់ដែលបានបំរើការងារជូនចំពោះរដ្ឋបាលខេត្ត យ៉ាងសកម្មនិងរលូនក្នុងការងារគណៈអភិបាលខេត្តព្រះសីហនុ ឯកឧត្តមក៏បាន បន្តទៀតថា គ្មានអ្វីល្អជាងការងារជាមន្ត្រីរាជការ នោះទេ ហើយសូមកុំប្រើពាក្យថាសោកស្តាយធ្វើជាមន្ត្រីរាជការ ព្រោះមន្ត្រីរាជការមានឱកាសក្នុងការជួយជាតិមាតិភូមិ ប្រជាជនក៏ ដូចគ្នាជួយរដ្ឋាភិបាលក្នុងការអភិវឌ្ឍសង្គមជាតិផងដែរ។ជាងនេះ ទៅទៀត ថ្ងៃ៨មីនា មិនមែនមានន័យថាស្ត្រីមានសិទ្ធិត្រឹមតែ មួយថ្ងៃនោះទេ ៨មីនាគ្រាន់តែជានិមិត្តរូប ជាក់ស្តែងស្ត្រីក៏មានសិទ្ធិ រាល់ថ្ងៃស្មើរនឹងបុរសក្នុងការចូលរួមសកម្មផ្សេងផងដែរ។
ឯកឧត្តម ម៉ាង ស៊ីណេត សូមអោយស្ត្រីៗនៅក្នុងអង្គភាពរដ្ឋបាល ខេត្តចូលរួមអនុវត្ត ការងារឱ្យបានកាន់តែល្អបន្ថែមទៀត រាល់ ការងារត្រូវមានលក្ខណៈល្អប្រសើរពីមួយថ្ងៃ ទៅមួយថ្ងៃតាម លក្ខណៈបច្ចេកទេសលឿន និងមានប្រសិទ្ធភាពដើម្បីអោយសំរេច បានតាមចក្ខុវិស័យរបស់ប្រមុខរាជរដ្ឋាភិបាលដែលមានសម្តេច ធិបតី ហ៊ុន ម៉ាណែត ជានាយករដ្ឋមន្ត្រីនៃព្រះរាជាណាចក្រកម្ពុជា ដែលដាក់គោលដៅជាប្រទេសមានចំណូលខ្ពស់ក្នុង ឆ្នាំ២០៥០ ខាងមុខ។
ក្នុងឱកាសនោះ ឯកឧត្តម អភិបាលខេត្តក៏បានឧបត្ថម្ភជូនស្ត្រីដី លបំរើការងារក្នុងរដ្ឋបាលខេត្តនូវ សំពត់ធាម្ដង១ ក្រណាត់ អាវប៉ាក់១ និង ចរិកា ១០ម៉ឺនរៀល៕
ផ្សាយ:ថ្ងៃទី៦ ខែមីនា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ.
សៅ វាសនា( Harry VS)
