ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងឯកឧត្តម វង្ស ផាណាត ប្រធានក្រុមប្រឹក្សាខេត្អញ្ជើញចូលរួមក្នុងពិធីផ្ទេរ និងប្រកាសចូលកាន់តំណែងប្រធានមន្ទីរសាធារណការ និងដឹកជញ្ជូនខេត្តព្រះសីហនុ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន.ត
(ខេត្តព្រះសីហនុ): ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងឯកឧត្តម វង្ស ផាណាត ប្រធានក្រុមប្រឹក្សាខេត្ត នារសៀលថ្ងៃទី១៣ ខែមីនា ឆ្នាំ២០២៥បានអញ្ជើញចូលរួមក្នុងពិធីផ្ទេរ និងប្រកាសចូលកាន់តំណែងប្រធានមន្ទីរសាធារណការ និងដឹកជញ្ជូនខេត្តព្រះសីហនុ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន ពិធីនេះ ប្រារព្ធធ្វើឡើងនៅក្នុងបរិវេណមន្ទីរសាធារណការ និងដឹកជញ្ជូនខេត្តព្រះសីហនុ ស្ថិតនៅភូមិ៣ ក្រុងព្រះសីហនុ.
ក្នុងឱកាសនោះដែរ លោក មុឹង យូឡេង ប្រធានមន្ទីរសាធារណ:ការ និង ដឹកជញ្ជូនខេត្តព្រះសីហនុដែលត្រូវបានប្រមុខរាជរដ្ឋាភិបាលអាណិត្តទី៧ ក្រោមការដឹកនាំដ៏ឈ្លាសវៃ និងបុិនប្រសព្វរបស់សម្តេចមហាបវរធិបតី ហ៊ុនម៉ាណែត បានសំរេចទុកចិត្តប្រកាសផ្ទេរភារកិច្ចពីប្រធានមន្ទីរសារធារណ:ការខេត្តកណ្តាល មកកាន់តួនាទីជាប្រធានមន្ទីរសាធារណ:ការខេត្តព្រះសីហនុបានឡេីងមានមតិនិងប្តេជាចិត្តដូចខាងក្រោម:
១.ប្តេជ្ញាគោរព អនុវត្តន៍ឱ្យបានខ្ជាប់ខ្ជួន និងត្រឹមត្រូវតាម រដ្ឋធម្មនុញ្ញ ច្បាប់ គោលនយោបាយ និងលិខិតបទដ្ឋានគតិយុត្តនានា ព្រមទាំងគោលការណ៍ណែនាំរបស់ក្រសួងនិងរដ្ឋបាលខេត្ត។
២.ប្តេជ្ញាចូលរួមអនុវត្តន៍កម្មវិធីកំណែទម្រង់ឲ្យបានស៊ីជម្រៅ និងគាំទ្រការអនុវត្តកម្មវិធីនយោបាយ និងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល និងខិតខំកែប្រែឥរិយាបថ មន្ត្រីរាជការ បុគ្គលិក ឲ្យទៅជាអ្នកផ្តល់សេវាសាធារណៈដ៏មានប្រសិទ្ធភាពនិងប្រសិទ្ធផល។
៣.ប្តេជ្ញាគោរព អនុវត្តន៍ឱ្យបានខ្ជាប់ខ្ជួន និងត្រឹមត្រូវ ក្នុងការដឹកនាំសម្របសម្រួលការងារវិស័យ សាធារណការ និងដឹកជញ្ជូនខេត្តព្រះសីហនុ ឱ្យមានភាពរីកចម្រើនបន្ថែមទៀត ។
៤.ប្តេជ្ញាពង្រឹងស្មារតីសាមគ្គីភាព ឯកភាពផ្ទៃក្នុងឱ្យបានល្អ ក្នុងថ្នាក់ដឹកនាំមន្ទីរ និងមន្ត្រីរាជការគ្រប់លំដាប់ថ្នាក់ ដោយឈរលើមូលដ្ឋាន នៃការលើកកម្ពស់ប្រសិទ្ធភាពការងារ គោរពច្បាប់ គោលការណ៍នានា និងពង្រឹងរបៀបរបបធ្វើការងារ ដើម្បីលើកកម្ពស់ការទទួលខុសត្រូវ និង ភាពម្ចាស់ការ តាមតួនាទី ភារកិច្ចរៀងៗខ្លួន ។
៥.ប្តេជ្ញាពង្រឹងកិច្ចសហការ និងទំនាក់ទំនងការងារឱ្យបានល្អ ជាមួយមន្ទីរ-អង្គភាព ស្ថាប័ន ជុំវិញខេត្ត និងដៃគូអភិវឌ្ឍន៍នានា ជាពិសេសអាជ្ញាធរមូលដ្ឋានគ្រប់លំដាប់ថ្នាក់។ ដើម្បីអនុវត្ត ការងារតាមផែនការដែលបានគ្រោងទុកឱ្យទទួលបានលទ្ធផលជោគជ័យ និងមានប្រសិទ្ធភាព ។
៦.ប្តេជ្ញាអនុវត្តការងារផ្សេងៗទៀត តាមការប្រគល់ភារកិច្ចពីក្រសួង ស្ថាប័ន និងរដ្ឋបាលខេត្ត។
៧.បង្កើនការផ្សព្វផ្សាយច្បាប់ចរាចរណ៍ផ្លូវគោក ច្បាប់ផ្លូវថ្នល់ ច្បាប់ដឹកជញ្ជូនផ្លូវទឹក និងច្បាប់ប្រព័ន្ធ ទឹកកខ្វក់ ដើម្បីឱ្យប្រជាជនបានជ្រាប និងចូលរួមគោរពច្បាប់ដូចដែលបានរៀបរាប់ ខាងលើ។
៨.ប្តេជ្ញាចូលរួមចំណែកអនុវត្ត សម្របសម្រួល គាំទ្រ និងសហការឱ្យបានល្អ ចំពោះ គម្រោង ព្រែកជីកហ្វូណនតេជោ និងគម្រោងអភិវឌ្ឍន៍ទីក្រុងកំពង់សោម, ទីក្រុងកោះរ៉ុង និង ទីក្រុងព្រះសីហនុ តាមផែនការមេអភិវឌ្ឍន៍ហេដ្ឋានរចនាសម្ព័ន្ធស្ពាន-ថ្នល់ ប្រព័ន្ធរំដោះទឹកភ្លៀង ប្រព័ន្ធចម្លោះទឹកកខ្វក់ សួនច្បារសាធារណៈ និងសំណង់សិល្បការ្យចាំបាច់នានាក្នុងខេត្ត។ ដើម្បីប្រែក្លាយទៅជាមជ្ឈមណ្ឌលពាណិជ្ជកម្ម ឧស្សាហកម្ម ទេសចរណ៍ ប្រកបដោយគុណភាព បរិស្ថាន ការទាក់ទាញឱ្យចង់រស់នៅប្រកបដោយសុខដុមរមនា ស្របតាមប្លង់គោលប្រើប្រាស់ដី ខេត្តព្រះសីហនុ ស្របតាមចក្ខុវិស័យឆ្នាំ២០៣០ ធានាការគ្រប់គ្រង ការប្រើប្រាស់ដី ការអភិវឌ្ឍ និងការអភិរក្ស ប្រកបដោយប្រសិទ្ធភាព គុណភាព តុល្យភាព ចីរភាព និងសមធម៌។ ដើម្បីសម្រេចឱ្យបាន ខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង។
ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ ក៏បានចូលអបអរលោក ម៉ឹង យូឡេង ប្រធានមន្ទីរសាធារណការ និងដឹកជញ្ជូនខេត្តព្រះសីហនុថ្មី ក្នុងការចូលរួមការអនុវត្ត ការងារជូនខេត្ត និងចូលរួមការអភិវឌ្ឍឱ្យបានរីកចម្រើននូវ សមិទ្ធផលថ្មីៗជាច្រើនទៀត។
ដោយឡែក ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូនបានធ្វេីការផ្តាំផ្ញើដល់លោកប្រធានមន្ទីរថ្មី ឱ្យប្រកាន់ភ្ជាប់នូវកិច្ចខិតខំប្រឹងប្រែង និងបំពេញការងារប្រកបដោយ ភាពបុរេសកម្មជាមួយថ្នាក់ដឹកនាំខេត្ត មន្ត្រីក្រោមឱវាទ ពិសេសជាមួយប្រជាពលរដ្ឋក្នុងមូលដ្ឋាន ដើម្បីឈានទៅសម្រេចនូវចក្ខុ វិស័យ និងទិសដៅការងាររបស់ក្រសួង ក៏ដូចជាខេត្តផ្ទាល់ ដែល បានដាក់ចេញឱ្យអនុវត្តសម្រាប់ឆ្នាំ២០២៥ និងឆ្នាំបន្តបន្ទាប់។
ផ្សាយ:ថ្ងៃទី១៣ ខែមីនា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ.
សៅ វាសនា(Harry VS)
