អភិបាលខេត្តព្រះសីហនុ អញ្ជើញចូលរួមក្នុងពិធីចុះហត្ថលេខាលើអនុស្សរណៈនៃការយោគយល់ រវាងក្រុមហ៊ុន ជី.ធី.វី ស៊ី អ៊ុមផត អិចផត ខូ អិលធីឌី (G.T.V.C Import Export Co., Ltd.)របស់អ្នកឧកញ៉ា ទៀ វិចិត្រ និងសមាគមទេសចរណ៍អាស៊ីប៉ាស៊ីហ្វិកកម្ពុជា (PATA Cambodia Chapter).
(ខេត្តព្រះសីហនុ): ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ អញ្ជីញចូលរួមក្នុងពិធីចុះហត្ថលេខាលើអនុស្សរណៈនៃការយោគយល់រវាងក្រុមហ៊ុន ជី.ធី.វី ស៊ី អ៊ុមផត អិចផត ខូ អិលធីឌី (G.T.V.C Import Export Co., Ltd.)របស់ អ្នកឧកញ៉ា ទៀ វិចិត្រ និងសមាគមទេសចរណ៍អាស៊ីប៉ាស៊ីហ្វិកកម្ពុជា (PATA Cambodia Chapter) ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ហួត ហាក់ រដ្ឋមន្រ្តីក្រសួងទេសចរ នាព្រឹកថ្ងៃទី១៤ ខែមីនា ឆ្នាំ២០២៥ ភូមិជេីងគោ ស្រុកព្រៃនប់ ខេត្តព្រះសីហនុ.
ក្នុងឱកាសនោះ ឯកឧត្តម ម៉ាង ស៊ីណេត អភិបាលខេត្តព្រះសីហនុបានមាន ប្រសាសន៍ថា ការចុះអនុស្សរណៈ
យោគយល់រវាងក្រុមហ៊ុន និងសមាគមនាពេលនេះ ជាសក្ខីភាពបង្ហាញឱ្យឃើញពី ការជឿជាក់របស់អ្នកវិនិយោគទុនលើរាជ រដ្ឋាភិបាលកម្ពុជា ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា។
ឯកឧត្តមអភិបាលខេត្តក៏បានថ្លែងអំណរអរគុណចំពោះអ្នក ឧកញ៉ា ទៀ វិចិត្រ អគ្គនាយកក្រុមហ៊ុន ជី.ធី.វី.ស៊ី អ៊ីមផត
អិចផត ខូអិលធីឌី ដែលតែងតែបានជួយឧបត្ថម្ភគាំទ្រដល់រដ្ឋបាលខេត្ត រដ្ឋបាលក្រុងក្នុងខេត្តក្នុងការងារសង្គម ពិសេសការងារ មនុស្សធម៌ក្នុងកររួមចំណែកលើក កម្ពស់វិស័យទេសចរណ៍ និងសេដ្ឋកិច្ចក្នុងខេត្ត ក៏ដូចជាប្រទេសកម្ពុជាមាន ភាពទាក់ទាញជាពិសេសផ្តល់ឨកាសការងារជូនប្រជាពលរដ្ឋ ជួយលើកកម្ពស់កម្រិតជីវភាពរស់នៅ។
ដោយឡែក អ្នកឧកញ៉ា ទៀត វិចិត្រ អគ្គនាយកក្រុមហ៊ុន GTVC Import Export Co,Ltd. បានអោយដឹងថា ក្រុមហ៊ុន មានសេវាកម្មទេសចរណ៍ក្នុងស្រុកព្រៃនប់ដូចជា Wonderland Suites & Resort មានសេវាកម្សាន្ត ស្នាក់នៅប្រភេទផ្ទះវិឡា អាងទឹកឯកជនចំនួន ២៧ផ្ទះវិឡា បឹងហ្គាឡូកំពុងសាងសង់៣០។ សេវាកម្មនៅលើកោះរ៉ុង មាន Mafiya’s Resort Cambodia បំរើសេវាកម្មស្នាក់ នៅប្រណិតតាំងពីឆ្នាំ២០១៨ រួមមាន ៦១ផ្ទះភ្ញៀវ។ ក្រុម ហ៊ុនទទួលបានសិទ្ធវិនិយោគពីកំពង់ផែអន្តរជាតិក្រុង ព្រះសីហនុ មានសមត្ថភាពទទួលអូប័រទេសចរណ៍តូច ធំ ចេញចូលម្តង ២០គ្រឿងក្នុងពេលតែមួយ និងមានក្រុមហ៊ុន អូប័រចំនួន២១ ដែលបំរើសេវា ២៤ម៉ោង ដែលមាន ការិយាល័យក្រុមហ៊ុនផ្សេងៗជាង២០ កំពង់ផែទេសចរណ៍ខេត្តព្រះសីហនុ មានភ្ញៀវធ្វើដំណើរទៅបណ្តាកោះនានា ចំនួន ១,០០០ពាន់នាក់ គិតជាមធ្យមក្នុងមួយថ្ងៃ ក្រុម ហ៊ុន អូប័រល្បឿនលឿន GTVC Speedboat Cambodia ចាប់ផ្តើមដំណើរការសេវាកម្មអូប័រនៅឆ្នាំ២០២៦ ដែលមាន អូប័រតែ២គ្រឿងប៉ុណ្ណោះ។
ផ្សាយ:ថ្ងៃទី១៤ ខែមីនា ឆ្នាំ២០២៥
