អបអរសាទរ ពិធីបើកការប្រកួតកីឡាបាល់ទាត់ជ្រើសរើសជេីងឯកពានរង្វាន់ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ។
(ខេត្តព្រះសីហនុ): ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ បានអញ្ជើញជាអធិបតីភាពដ៏ខ្ពង់ខ្ពស់ចូលរួមក្នុងពិធីបើកការប្រកួតកីឡាបាល់ទាត់ពានរង្វាន់របស់ឯកឧត្តមផ្ទាល់ នាព្រឹកថ្ងៃទី១៦ ខែមីនា ឆ្នាំ២០២៥ នេះ ដោយមានវត្តមានការចូលរួមពីសំណាក់ អភិបាលរង ខេត្ត/ក្រុង អភិបាលក្រុង ប្រធានមន្ទីរអប់រំយុវជន និងកីឡាកីឡា ខេត្តព្រះសីហនុ យុវជន អ.ម.ត ព្រមទាំងសិស្សានុសិស្សយ៉ាងច្រេីនកុះករ ពិធីនេះធ្វេីឡេីងនៅក្នុងទីលានបាល់ទាត់អនុវិទ្យាល័យសម្តេចឪក្រុងព្រះសីហនុ ដែលមានទីតាំងស្ថិតនៅសង្កាត់៣ ក្រុងព្រះសីហនុ.
យោងតាមរបាយការណ៍របស់លោកស្រី អ៊ុច សោភា ប្រធានមន្ទីរអប់រំ យុវជន និងកីឡាខេត្តព្រះសីហនុបានអោយដឹងថា: ក្រុមកីឡាករបាល់ទាត់ដែលបានចូលរួមការប្រកួតមាន ២៣ក្រុម មកពីក្រុងព្រះសីហនុ ១៤ក្រុម ស្រុកព្រៃនប់ ៦ក្រុម ស្រុកស្ទឹងហាវ១ក្រុម ស្រុកកំពង់សិលា ២ក្រុម សរុបប្រតិភូដឹកនាំ គ្រូបង្វឹក គ្រូជំនួយ ពេទ្យកីឡា និងកីឡាករ ចំនួន ៦៩០នាក់ និងបែងចែកជា៨ពូល.
ការប្រកួតជម្រុះក្នុងពូលចាប់ផ្តេីមពីថ្ងៃទី២១ ខែធ្នូ ឆ្នាំ២០២៤ រហូតមកថ្ងៃនេះមានចំនួន ៩សប្តាហ៍ ស្មេីនឹង ២៣ប្រកួត ហេីយរកឃេីញក្រុមដែលទទួលចំណាត់ថ្នាក់លេខ១ ក្នុងពូលដែលនឹងត្រូវបន្តការប្រកួតវគ្គជម្រុះ៨ក្រុមចុងក្រោយ ក្នុងវគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រនឹងបញ្ចប់នៅថ្ងៃទី០៦ ខែមេសា ឆ្នាំ២០២៥ នាពេលខាងមុខនេះ.
ឯកឧត្តម ម៉ាង ស៊ីណេត កម្មវិធីនេះអាចប្រព្រឹត្តទៅបានដោយសារប្រទេសជាតិមានស្ថេរភាពនយោបាយ សុខសន្តិភាព ដូចពាក្យស្លោក ” កីឡារស់ក្នុងសន្តិភាព “ ហេីយបេីគ្មានសន្តិភាពគឺយេីងមិនអាចរៀបចំការប្រកួតកីឡាននេះបានឡេីយ ដូច្នេះកត្តាសន្តិភាពគឺមិនអាចកាត់ថ្លៃបាននោះទេ យេីងត្រូវរក្សាអោយបានគង់វង្ស.
ឯកឧត្តមអភិបាលខេត្ត បានបន្តទៀតថាសន្តិភាពបានមកដោយក្តីលំបាក គឺដោយសារតែគុណបំណាច់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រ កម្ពុជា ជាបិតាស្ថាបនិកសន្តិភាព និងជាមគ្គុទេស៍ឯក ដែលសម្តេចហ៊ុន សែន ហ៊ានយកជីវិតរបស់សម្តេចធ្វេីជាដេីមទុន ពុះពារចេញទៅបង្រួបបង្រួម ក្នុងការនាំយកសុខសន្តិភាពមកជូនជាតិមាតុភូមិរហូតមកដល់សព្វថ្ងៃនេះ.
ឯកឧត្តម ម៉ាង ស៊ីណេត ក៏បានអំពាវនាវដល់ ឯកឧត្តម លោកជំទាវ លោកឧកញ៉ា ថ្នាក់ដឹកនាំ គ្រប់មន្ទីរអង្គភាព លោក លោកស្រី ប្រតិភូដឹកនាំកីឡា នាយក នាយិកា លោកគ្រូ អ្នកគ្រូ គ្រប់សាលាទាំងអស់ចូលរួមចំណែកបំផុស ចលនាកីឡាឱ្យបានទូលំទូលាយនៅក្នុង អង្គភាពរបស់ខ្លួន ជាពិសេសសកម្មភាពអប់រំកាយ និងកីឡានៅក្នុងសាលារៀននីមួយៗ ដើម្បីជាគោលដៅសម្រាប់សុខុមាលភាពទាំងផ្លូវកាយ ផ្លូវចិត្ត និងផ្លូវបញ្ញារបស់ក្មួយៗសិស្សានុសិស្ស និងចូល រួមកសាងកីឡាករ-កីឡាការិនី ក្នុងចំណោមសិស្ស និស្សិត ដើម្បីលើកស្ទួយវិស័យកីឡាយើងឱ្យមាន ការអភិវឌ្ឍរីកចម្រើនក្នុងសង្គមជាតិ និងអន្តរជាតិ។
ឯកឧត្តម ម៉ាង ស៊ីណេត ការរៀបចំកមក្មវិធីកីឡាបាល់ទាត់ពានមហាជននេះឡើង សង្ឃឹមថានឹងផ្តល់អត្ថប្រយោជន៍ បទពិសោធន៍ បច្ចេកទេសថ្មីៗ នាំមកនូវចំណងមិត្តភាព សាមគ្គីភាព សមភាព ចេះយោគយល់ អធ្យាស្រ័យគ្នាទៅវិញទៅមក ធ្វើឱ្យក្រុមកីឡាករនីមួយៗកាន់តែមានភាពស្និទ្ធស្នាលជាក់ជាមិនខាន។ ស្របពេលជាមួយគ្នានេះដែរ ឯកឧត្តមក៏បានផ្តាំផ្ញើដល់អស់លោក លោកស្រី ជាប្រតិភូដឹកនាំក្រុមកីឡា ជាគ ណៈកម្មការបច្ចេកទេស សូមយកចិត្តទុកដាក់អនុវត្តតាមគោលការណ៍ បច្ចេកទេសឱ្យបានត្រឹមត្រូវ នៃបទបញ្ជាប្រកួត ជាពិសេសក្រុមអាជ្ញាកណ្តាលត្រូវប្រកាន់យកសុក្រឹតភាពត្រឹមត្រូវ មិនលំអៀង ត្រូវគោរពតាមក្រមសីលធម៌ ។
ផ្សាយ:ថ្ងៃទី១៦ ខែមីនា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ.
សៅ វាសនា(Harry VS)
