សម្តេចបវរធិបតី: ខ្ញុំពិតជាមានក្តីរន្ធត់ និងសោកស្តាយជាពន់ពេក ដោយ បានទទួលដំណឹងថា ឯកឧត្តម ស្វាយ ដូត ជាមន្ត្រី បម្រើការនៅទីស្តីការគណៈរដ្ឋមន្ត្រី ហើយក៏ជាកីឡាករ ប្រចាំក្លិបទីស្តីការគណៈរដ្ឋមន្ត្រី បានទទួលមរណភាព ខណៈដែលឯកឧត្តម កំពុងចូលរួមប្រកួតបាល់ទាត់ ពានង្វាន់មិត្តភាពយុវជនអន្តរក្រសួង-ស្ថាប័ន កាលពី ល្ងាចថ្ងៃទី១៨ ខែមីនា ឆ្នាំ២០២៥ នេះ ដោយជំងឺ គាំងបេះដូង។ បើទោះបីជាក្រុមគ្រូពេទ្យបានខិតខំ ប្រឹងប្រែងយ៉ាងណាក្តី ក៏យើងមិនអាចជួយសង្គ្រោះ ឯកឧត្តមឱ្យផុតគ្រោះថ្នាក់នេះបាន។ មរណភាពរបស់ ឯកឧត្តម ស្វាយ ជូត គឺជាការបាត់បង់កីឡាករឆ្នើម មួយរូបរបស់ក្រុម និងក៏ជាសមាជិក ស.ស.យ.ក. ម្នាក់ដែលស្រលាញ់វិស័យកីឡាយ៉ាងជ្រាលជ្រៅផង ដែរ។
ស្ថិតក្នុងបរិយាកាសដ៏សែនក្រៀមក្រំនេះ ខ្ញុំសូមចូលរួម រំលែកនូវមរណទុក្ខជាមួយក្រុមគ្រួសារ សហការី និង មិត្តរួមក្រុមទាំងអស់របស់ ឯកឧត្តម ស្វាយ ដូត។ ក្រុមគ្រួសារបាល់ទាត់ ពានង្វាន់មិត្តភាពយុវជន អន្តរក្រសួង-ស្ថាប័នទាំងអស់នឹងចងចាំនូវស្មារតី ស្នេហាវិស័យកីឡារបស់ឯកឧត្តមជាប់ជានិច្ចនិរន្តរ៍។
ផ្សាយ:ថ្ងៃទី១៩ ខែមីនា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលី
សៅ វាសនា(Harry VS)
