សមាគមអភិវឌ្ឍន៍កសិកម្មជាតិសូមគោរពស្នើដល់សម្ដេចទាំងទ្វេមេត្តាជួយអន្តរាគមន៍ ជូនពួកគាត់ផងពួកគាត់កំពុងរងភាពអយុត្តិធម៌ទោះបីមានសាលក្រមស្ថាពរលេខ៧៨(ក) រួចរាល់ហើយអនុវត្តប៉ុន្តែតែពួកគាត់នៅមិនទទួលបានដីនោះទេ!!!

ខេត្តបន្ទាយមានជ័យ៖សមាគមន៍អភិវឌ្ឍន៍កសិកម្មជាតិមានដី ១៥០០ហិកតាកាន់កាប់កាលពីឆ្នាំ១៩៩២  ក្រោយមកសមាគមន៍អភិវឌ្ឍន៍កសិកម្មជាតិ បានធ្វើរបាយការណ៍គោរពជូនភូមិបាលស្រុកសេរីសោភ័ណ្ឌ ស្តីពី ស្នើរសុំកាន់កាប់ដីចំការរបស់សមាជិកសមាជិការចំនួន៨រូបនៃសមាគមអភិវឌ្ឍន៍កសិកម្មជាតិរបស់លោក មួងឈីន បានឃើញនឹងបញ្ជាក់ថាដីស្នើសុំនេះពុំមានកត់ត្រាក្នុងបញ្ជីអចលនវត្ថុសុរិយោដីខេត្តថាជាទ្រព្យសម្បត្តិកម្មសិទ្ធិរបស់បុគ្គលឬអង្គភាពណានៅឡើយទេ បន្ទាយមានជ័យ ចុះថ្ងៃទី ២៣ ខែសីហា ឆ្នាំ១៩៩៤ របស់ប្រធានការិយាល័យសូរិយោដីខេត្ត ហត្ថលេខា ទិត និត ។

ក្រោយមកសមាគមន៍អភិវឌ្ឍន៍កសិកម្មជាតិបានដាក់សុំស្នើរសុំបង្កើតសមាគមគោរពជូនរដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ កាល់ពីថ្ងៃ២២ខែតុលាឆ្នាំ១៩៩៣ រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ ក៏បានប្រគល់ជូនក្រសួងយុត្តិធម៌  ក្រោយមកក្រសួងយុត្តិធម៌ប្រគល់ជូន ក្រសួងមហាផ្ទៃ ក៏បានសម្រេចឱ្យសមាគមអភិវឌ្ឍន៍កសិកម្មជាតិកាលពីថ្ងៃទី១៥ ខែកក្កដា ឆ្នាំ១៩៩៩ សជណ លេខ៥៥៩ របស់ក្រសួងមហាផ្ទៃ ដែលមានលោក មួង ឈីង ជាប្រធានសមាគមន៍ ក្រោយមកក៏មានការផ្លាស់ប្ដូរ ប្រធានសមាគមន៍អភិវឌ្ឍន៍កសិកម្មជាតិ ដោយមានលោក ណុប ម៉េង ជាប្រធានសមាគមជំនួសវិញ និងលិខិតអនុញ្ញាតរបស់ក្រសួងមហាផ្ទៃចុះថ្ងៃទី ៣០ សីហា ២០០៤ លេខ ១០ របស់ក្រសួងមហាផ្ទៃ សម្រេចអោយ លោក ណុប ម៉េង ជាប្រធានសមាគមអភិវឌ្ឍន៍កសិកម្មជាតិ មកដល់បច្ចុប្បន្ន  នៅថ្ងៃទី៣០ខែសីហាឆ្នាំ២០០៤ សជណលេខ១០៦ របស់ក្រសួងមហាផ្ទៃ។

ក្រោយពីសមាគមបានកាន់កាប់ដីចំនួន ១៥០០ ហិកតា ដោយរដ្ឋបាលស្រុកអូរជ្រៅមានតម្រូវការ ក្នុងការបង្កើតភូមិ ចំនួនពីរ ដោយមានភូមិទួលពង្រនិងភូមិទួលប្រាសាទ សមាគមក៏សម្រេចប្រគល់ដីចំនួនជាង ៩០០ ហិកតាប្រគល់ជូនរដ្ឋបាលស្រុកអូរជ្រៅចន្លោះឆ្នាំ១៩៩៨.១៩៩៩ តាមតម្រូវការរបស់រដ្ឋបាលស្រុកអូរជ្រៅ  ក្រោយមកទៀតសមាគមក៏ប្រគល់ដីចំនួន ១០៤ ហិកតា ឲ្យទៅរដ្ឋបាលស្រុកកាលពីឆ្នាំ២០០០.២០០១ ដើម្បីបង្កើតភូមិប្រជាធម្ម មកដល់សព្វថ្ងៃហ្នឹង។

ក្រោយពីប្រគល់ជូនអាជ្ញាធររួចរាល់សមាគមអភិវឌ្ឍន៍កសិកម្មជាតិនៅសល់ដីចំនួន ៣១៣.០៩ ហិកតា និងមានការរំលោភបំពានជាបន្តបន្ទាប់ ហើយក៏មានដីការសំរេច ពីសូរិយោដីខេត្តបន្ទាយមានជ័យ ស្ដីពីការបែងចែក ប្រគល់ជូនសមាគមអភិវឌ្ឍន៍កសិកម្មជាតិ ទំហំ ៣១៣.០៩ ហិកតា ដើម្បីធ្វើការបែងចែកតាមការប្រុងប្រៀងព្រមព្រៀងគ្នាឈរលើគោលការណ៍ឈ្នះៗ៧ ចំណុចដូចតទៅ៖

ក- រក្សាដីភោគៈមានដីកាប្រគល់រួចហើយចំនួន ៨០០.៨០០ ម៉ែតការ៉េ

ខ- រក្សាដីរដ្ឋបាល មានដីកាប្រគល់រួចហើយចំនួន ៦៤.២៦០ ម៉ែតការ៉េ

គ- ប្រគល់ដីលំនៅដ្ឋានប្រជាពលរដ្ឋ ១.០៥០គ្រួសារ

ចំនួន ៣០២.៧០០ ម៉ែតការ៉េ

ឃ- ប្រគល់ដីជូនភាគីតំណាងប្រជាពលរដ្ឋ១៧០

គ្រួសារ នៅភូមិទួលប្រាសាទចំនួន: ១០០.០០០ម៉ែតការ៉េ

ង- ប្រគល់ដីជូនភាគីតំណាងប្រជាពលរដ្ឋ ២១ គ្រួសារ នៅភូមិទួលពង្រចំនួន ៣៥.០០០ ម៉ែតការ៉េ

ច- ប្រគល់ដីជូនប៉ុស្តិ៍នគរបាលវរៈសេនាតូច ៩១១ចំនួន ២០.០០០ម៉ែតការ៉េ

ឆ- ដីភោគៈដែលនៅសេសសល់ ប្រគល់ជូនសមាជិក សមាជិកា សមាគមអភិវឌ្ឍន៍កសិកម្មជាតិ ចំនួនប្រមាណ ១៧២ ហិកតា ។

ប្រការ២: ដីសមាគមអភិវឌ្ឍន៍កសិកម្មជាតិ ចំនួន ១០០ហិកតា ដែលស្ថិតនៅខាងលិច ឈៀងខាងជើងផ្លូវ ZOA ដែលពុំទាន់ស្រុះស្រួលគ្នាគណៈកម្មការសូរិយោដីខេត្តនិងធ្វើការដោះស្រាយបន្តទៀត។

ប្រការ ៣: ទំហំ ព្រំប្រទល់ និងទីតាំងដីក្នុងប្រការទី ១ ដូចមាននៅក្នុងសំរង់ប្លង់ពង្រាងភ្ជាប់មកជាមួយ ។ ភាគីដែលពាក់ព័ន្ធ ក្នុងការទទួលដីទាំង ៧ចំណុច ខាងលើ មានសិទ្ធិគ្រប់គ្រង និងធ្វើប្លង់កម្មសិទ្ធិស្របច្បាប់តទៅ ។

ប្រការ ៣: នាយខុទ្ទកាល័យសាលាខេត្ត, មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត, សាលាស្រុកអូរជ្រៅ សាលាឃុំប៉ោយប៉ែត ភាគីពាក់ព័ន្ធ និងសមាគមអភិវឌ្ឍន៍កសិកម្មជាតិ ត្រូវអនុវត្តតាមដីកានេះអោយមាន ប្រសិទ្ធភាពខ្ពស់ ចាប់ពីថ្ងៃចុះហត្ថលេខានេះតទៅឲរបស់គណៈកម្មការសូរិយោដីខេត្តបន្ទាយមានជ័យ លេខៈ០៨៤ស្ទួន ដកគសខ.បជ០៤ ចុះថ្ងៃទី០៥ ខែកក្កដា ឆ្នាំ២០០៤ ប្រធានគណៈកម្មការសុរិយោដីហត្ថលេខា ញិក គឹមឈុន ។

ក្រោយពីសេចក្តីសម្រេចបែងចែកពីគណៈកម្មការសូរិយោដីខេត្តបន្ទាយមានជ័យ ហើយបងប្អូនប្រជាពលរដ្ឋចំនួន២១ គ្រួសារនៅតែរំលោភបំពានជាបន្តបន្ទាប់ដោយមិនអនុវត្តយកដីកាសម្រេចរបស់គណៈកម្មការសុរិយោដីខេត្តបន្ទាយមានជ័យ ក្រោយមកទៀតសមាគមអភិវឌ្ឍន៍កសិកម្មជាតិ បានប្ដឹងទៅតុលាការនៅខេត្តបន្ទាយមានជ័យ កាលពីថ្ងៃទី ៩ខែមិថុនាឆ្នាំ ២០០៤ ហើយសមាគមអភិវឌ្ឍន៍កសិកម្មជាតិបានឈ្នះសាលក្រម លេខ (៧៨ ក) ចុះថ្ងៃទី ៣ ខែវិច្ឆិកាឆ្នាំ ២០០៤ ។

បន្ទាប់ពីសមាគមអភិវឌ្ឍន៍កសិកម្មជាតិឈ្នះសាលក្រមលេខ (៧៨ ក) ថ្ងៃទី ៣ ខែវិច្ឆិកាឆ្នាំ ២០០៤ ប្រជាពលរដ្ឋចំនួន ២១ គ្រួសារនៅតែបន្តដាក់ពាក្យបណ្ដឹងគោរពជូនសម្ដេច តេជោ ហ៊ុន សែន អតីត នាយករដ្ឋមន្ត្រីនៃព្រះរាជាណាចក្រកម្ពុជា បច្ចុប្បន្នសម្ដេច តេជោ ហ៊ុន សែន ប្រធានព្រឹទ្ធសភា ពាក្យបណ្ដឹង កាលពីថ្ងៃទី ២១ ខែធ្នូ ឆ្នាំ២០២៤ ។

ក្នុងពាក្យបណ្ដឹងគោរពជូនសម្ដេចតេជោ ហ៊ុន សែន  បានចោទប្រកាន់មកសមាគមអភិវឌ្ឍន៍កសិកម្មជាតិថា នៅក្នុងអន្លង់ឆ្នាំ២០០០ លិចឈ្មោះសមាគមអភិវឌ្ឍន៍កសិកម្មជាតិមករំលោភយកដីរបស់ពួកគាត់ទាំងអស់គ្នា និងចោទប្រកាន់ថាសមាគមអភិវឌ្ឍន៍កសិកម្មជាតិយកគ្រឿងចក្រឈូសឆាយបំភ្លេចបំផ្លាញផលដំណាំហ្នឹងផ្ទះសម្បែងពួកគាត់យ៉ាងកាចសាហាវបំផុតថែមទៀត។ 

សមាគមអភិវឌ្ឍន៍កសិកម្មជាតិមានសេចក្តីជូនដំណឹងថាសមាគមបានបង្កើតតាំងពីឆ្នាំ១៩៩៣ មកម្លេះ ដូចបានរៀបរាប់ដូចខាងលើ មិនដូចអ្វីដែរប្រជាពលរដ្ឋចំនួន ២១ គ្រួសារដាក់ពាក្យបណ្ដឹងទៅសម្ដេចតេជោ ហ៊ុន សែន  គឺជាការភូតភរកុហកហ្នឹងបានចោទប្រកាន់មកលើកសមាគមទាំងស្រុងដោយគ្មានមូលដ្ឋានច្បាស់លាស់ ។

ក្រោយពីសមាគមអភិវឌ្ឍន៍កសិកម្មជាតិទទួលបានសាលក្រមលេខលេខ ៧៨(ក)ចុះថ្ងៃទី ៣ ខែវិច្ឆិកាឆ្នាំ ២០០៤ របស់តុលាការខេត្តបន្ទាយមានជ័យ  និងបានចូលជាស្ថាពរនៅថ្ងៃទី ២១ ខែមេសា ឆ្នាំ២០០៥ ដោយលោកក្រឡាបញ្ជី លាង អាន  ។

តែយ៉ាងណា ២១ គ្រួសារនៅតែបន្តប្ដឹងទៅអាជ្ញាធរខេត្តបន្ទាយមានជ័យ ដើម្បីឲ្យផ្អាក់ការអនុវត្តសាលក្រមជាស្ថាពរនេះ ទើបលោក ណុប ម៉េង ប្រធានសមាគមអភិវឌ្ឍន៍កសិកម្មជាតិបានដាក់ពាក្យបណ្ដឹងចុះថ្ងៃទី ១៨.១០.២០០៥ ទៅសម្ដេចនាយករដ្ឋមន្ត្រី ដើម្បីឲ្យទទួលស្គាល់ដីកាលេខ០៨៤ ស្ទួន ចុះថ្ងៃទី០៥ ខែកក្កដា ឆ្នាំ ២០០៤ របស់គណៈកម្មការសុរិយោដីខេត្តបន្ទាយមានជ័យ និងសូមឱ្យអនុវត្តសាលក្រមស្ថាពរលេខ៧៨(ក) ។

ទើបនៅថ្ងៃទី២៨ ខែធ្នូ ឆ្នាំ២០០៥ ឯកឧត្តមបណ្ឌិត អូនព័ន្ធមុនីរ័ត្ន ជាប្រធានឧត្តមក្រុមប្រឹក្សាសេដ្ឋកិច្ចជាតិនិងទីប្រឹក្សាសម្ដេចនាយករដ្ឋមន្ត្រី បានធ្វើលិខិតគោរពជូនសម្ដេតេជោ ហ៊ុន សែន អតីតនាយករដ្ឋមន្ត្រី កម្មវត្ថុ: ករណីសំណើសុំសម្តេចនាយករដ្ឋមន្រ្តីជួយធ្វើអន្តរាគមន៍ ចំពោះករណីវិវាទដីធ្លី នៅក្នុងឃុំ ប៉ោយប៉ែត ស្រុកអូរជ្រៅ ខេត្តបន្ទាយមានជ័យ រវាងសមាគមន៍អភិវឌ្ឍន៍កសិកម្មជាតិ និងប្រជាពលរដ្ឋចំនួន ២១ គ្រួសារ ។

បន្ទាប់មកនៅថ្ងៃទី១៩.១.២០០៦ សម្ដេចនាយករដ្ឋមន្ត្រី បានចំណាឯកភាពតាមការជូនយោបល់របស់ឯកឧត្តមបណ្ឌិត អូនព័ន្ធមុនីរ័ត្ន ក្រោយពីបានពិនិត្យ និងវិភាគលើសំណុំឯកសារដែលមាន ព្រមទាំងអង្គហេតុ និងអង្គច្បាប់ ក្រុមការងារសូមផ្តល់យោបល់ដូចតទៅ៖

ទី១- គួរបង្គាប់ឱ្យអាជ្ញាធរខេត្តបន្ទាយមានជ័យ មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តបន្ទាយមានជ័យ បន្តអនុវត្តឱ្យមានប្រសិទ្ធភាព នូវសេចក្តីសម្រេចរបស់គណៈកម្មការសុរិយោដីខេត្តបន្ទាយមានជ័យ លេខ ០៨៤ ស្ទួន ដក. គសន ប៨/០៤ ចុះថ្ងៃទី ០៥ ខែ កក្កដា ឆ្នាំ ២០០៤ ។

ទី២- ដោយសមាគមអភិវឌ្ឍន៍កសិកម្មជាតិ បានត្រៀមដីចំនួនប្រហែល ៣០០ ឡូត៍ (មាន ទំហំប្រមាណ ១០ ហិកតា) នៅក្នុងទីតាំងដីអភិវឌ្ឍន៍របស់ខ្លួន ទុកសំរាប់ចែកជូនដល់ប្រជាពលរដ្ឋប៉ោយប៉ែត ស្រុកអូរជ្រៅ ខេត្តបន្ទាយមានជ័យឡើយ ។ 

តាមឯកសារផ្តល់ឱ្យ គឺមានតែ ០៨ គ្រួសារ ប៉ុណ្ណោះ ដែលមានអាស័យដ្ឋានរស់នៅភូមិទួលពង្រ ឃុំប៉ោយប៉ែត ស្រុកអូរជ្រៅ នេះ ។ លើសពី នេះ ពាក្យបណ្តឹងមិនមានឯកសារសំអាងបញ្ជាក់អត្តសញ្ញាណរបស់អ្នកប្តឹង ត្រឹមត្រូវច្បាស់លាស់នោះ ទេ ។ ក៏ប៉ុន្តែ បែរជាមានការផ្តល់ឯកសារសំអាង សំរាប់អ្នកដែលមិនមានឈ្មោះជាអ្នកប្តឹង ក្នុងពាក្យ បណ្តឹងទៅវិញ ។ តាមផ្លូវច្បាប់ ពាក្យបណ្តឹងដែលមានចេតនាមិនល្អ មានលក្ខណៈបន្លំ មិនត្រឹមត្រូវ បែបនេះ គឺមិនអាចទទួលយកមកពិនិត្យ ពិចារណា បានឡើយ ។

ករណីនេះ អាជ្ញាធរខេត្តបានស្រាវជ្រាវ និងស្នើសុំធ្វើកោសល្យវិច័យ លើស្នាមមេដៃ ២១ នាក់ គឺមានចំនួន ០៧ នាក់ ជាស្នាមមេដៃពិតប្រាកដ ប៉ុន្តែក្នុងចំណោម ០៧ នាក់ គឺ ០៤ នាក់ ជាប្តីប្រពន្ធនឹងគ្នា ហើយម្នាក់ទៀតបានក្លែងទីលំនៅដែលខ្លួនកំពុងរស់នៅក្នុងភូមិក្បាលស្ពាន ហើយ មកឆ្លើយថា រស់នៅក្នុងភូមិទួលពង្រ ។ ដូច្នេះ មនុស្សដែលមានលក្ខណៈគ្រួសារពិតប្រាកដគឺមានតែ ០២គ្រួសារទេ ក្នុងចំណោមមនុស្សចំនួន ២១ ឈ្មោះ នោះ ។

ប្រជាចុងក្រោយសមាគមអភិវឌ្ឍន៍កសិកម្មជាតិ សមិទ្ធផលទាំងអស់ ដែលសមាគមបានផ្ដល់ជូនប្រជាពលរដ្ឋដោយសព្វថ្ងៃនេះ សមាគមនៅមិនទាន់ទទួលបានអ្វីទាំងអស់ សមាគមបានកសាងសមិទ្ធផលរហូតមកដល់បច្ចុប្បន្ននេះ ដីតំបន់ព្រៃនេះពួកគាត់បានលះបង់ទាំងកម្លាំងកាយកម្លាំងចិត្ត ដីមានមីន ដីមានសត្វសាហាវ ប្រឈមមុខនឹងគ្រោះថ្នាក់ នៅក្នុងតំបន់នេះ ពួកគាត់បានលះបង់ ទាំងកម្លាំងកាយកម្លាំងចិត្តសាច់ស្រស់ ឈាមស្រស់ បានគោះកាយ រហូតដល់សព្វថ្ងៃ ក្លាយជាតំបន់ពីប្រជុំជន មានប្រជាពលរដ្ឋកោះករ ដោយសារការលះបង់របស់ពួកគាត់ សមាគមបានចែកជូនប្រជាពលរដ្ឋ ប៉ុន្តែមកដល់ថ្ងៃនេះ វេលានេះដីដែលពួកគាត់បាន ផ្ដល់ជូនសម្បទាន ជាមួយ បងប្អូនប្រជាពលរដ្ឋទាំងអស់នោះ បានធ្វើប័ណ្ណកម្មសិទ្ធ បានរួចអស់ហើយ ដោយឡែកដីដែលនៅសល់ សមាគមពួកគាត់អត់បានទទួលទេ អត់ទទួលប័ណ្ណកម្មសិទ្ធិអត់ទទួលបានអី្វទាំងអស់ ពួកគាត់សំណូមពរទៅដល់សម្ដេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាក្រោមម្លប់សន្តិភាព ពួកគាត់ទទួលស្នើដល់សម្ដេចទាំងទ្វេ ជួយ រកភាពយុត្តិធម៌ផ្ដល់ជូនពួកគាត់ទាំងអស់គ្នា ដែលមិនបានទទួលអ្វីទាំងអស់ សូមសម្ដេចទាំងទ្វេជួយពួកគាត់ទទួលបាននៅភាពយុត្តិធម៌ដល់ពួកគាត់ផង។

សូមគោរពជូនពរសម្ដេចទាំងទ្វេសូម សម្តេច ទទួលបានសុខភាពល្អបរិបូរណ៍ សិរីសួស្តី សុភមង្គល វិបុលសុខ កម្លាំងខ្លាំងក្លា និងទទួលបានជោគជ័យគ្រប់ភារកិច្ច។ សូមសម្ដេចទាំងទ្វេ  ព្រមទាំងបុត្រា បុត្រី និងចៅៗជាទីស្រលាញ់ សូមប្រកបដោយ ពុទ្ធពរទាំង ៤ ប្រការ គឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។