មេបញ្ជាការ នៃកម្លាំងប្រដាប់អាវុធខេត្ត បន្ទាយមានជ័យ និងកងកម្លាំងបូព៌ាប្រទេសថៃ ជួបពិភាក្សាដោះស្រាយបញ្ហាក្នុងតំបន់រួមគ្នា.

(ខេត្ត​បន្ទាយជ័យ)​:កាលពីព្រឹកថ្ងៃទី ២៧ ខែមីនា ឆ្នាំ ២០២៥ មេបញ្ជាការកងពលតូចថ្មើរជើងលេខ ៥១ មេបញ្ជាការររនគរបាលការពារព្រំដែនគោក នៃខេត្ត បន្ទាយមានជ័យ និង អាជ្ញាធរក្រុងប៉ោយប៉ែត បាន ជួបពិភាក្សាដោះស្រាយបញ្ហាក្នុងតំបន់រួមគ្នា និង ពង្រឹងទំនាក់ទំនង និងកិច្ចសហប្រតិបត្តិការជាមួយ កងកម្លាំងបូព៌ា ដើម្បីបង្កើនកិច្ចសហប្រតិបត្តិការ ល្អក្នុងការធ្វើការជាមួយគ្នា និងទំនាក់ទំនងល្អរវាង អង្គភាពយោធាក្នុងតំបន់ នៃប្រទេសទាំងពីរ។

ពិធីជួបពិភាក្សានេះប្រព្រឹត្តធ្វើនៅខេត្តស្រះកែវ ព្រះរាជាណាចក្រថៃ ដោយភាគីថៃ ដឹកនាំដោយ លោកឧត្តមសេនីយ៍ត្រី ប៊េន ចាធុន ដេតឆាតិវង្សណៈ អយុថាយ៉ា មេបញ្ជាការកងកម្លាំងបូព៌ា និងភាគី កម្ពុជាដឹកនាំដោយ លោកឧត្តមសេនីយ៍ត្រី សឹង្ហ ទុំ មេបញ្ជាការកងពលតូចថ្មើរជើងលេខ ៥១។

តាមរយៈជំនួបនេះ កងកម្លាំងកម្ពុជា-ថៃ បានបន្តយកចិត្តទុកដាក់សហប្រតិបត្តិការល្អ ទប់ស្កាត់ការ លួចឆ្លងដែនដោយខុសច្បាប់ បទល្មើសអនឡាញ ការជួញដូរមនុស្ស ឧក្រិដ្ឋកម្មឆ្លងដែន និងជួយ គ្នាទៅវិញទៅមក ប្រកបដោយការទទួលខុសត្រូវ ខ្ពស់ក្នុងការកសាងព្រំដែនមិត្តភាព សន្តិភាព សហ ប្រតិបត្តិការ និងការអភិវឌ្ឍ។

ភាគីទាំងពីរ បានបង្ហាញនូវឆន្ទៈក្នុងការបន្តថែរក្សា ទំនាក់ទំនងមិត្តភាពឲ្យកាន់តែរឹងមាំ និងបន្តកិច្ចសហ ប្រតិបត្តិការឲ្យបានល្អ រក្សាបាននូវចំណងសាមគ្គីភាព មិត្តភាព ការទុកចិត្តគ្នា។

ជំនួបនេះធ្វើឡើងក្រោយប៉ុន្មានថ្ងៃដែលសមត្ថកិច្ច កម្ពុជាចុះបង្ក្រាបបានក្រុមឧក្រិដ្ឋជនជនជាតិថៃ សម្ងំលួចលាក់ប្រើប្រាស់ទឹកដីកម្ពុជា ដើម្បីប្រព្រឹត្ត បទល្មើសតាមប្រព័ន្ធអនឡាញ៕

ផ្សាយ​:ថ្ងៃទី​២៨ ខែមីនា​ ឆ្នាំ២០២៥​

អត្ថបទ ៖ អ ពៅ(ក្រុមប្រឆាំងព័ត៌មានក្លែងក្លាយក្រុងប៉ោយប៉ែត)

ដោយ:និពន្ធ​នាយករង​អង្គភាព​អាស៊ាន​ដេ​លី

សៅ​ ​វាសនា​(Harry ​VS)